ايماقتار • 12 ماۋسىم، 2020

الماتىداعى جاڭا تەحنولوگيالىق زەرتحانادا كىمدەرگە تەگىن تەست جاسالادى؟

68 رەت كورسەتىلدى

الماتىدا كوروناۆيرۋستىق ينفەكتسياعا سكرينينگ جۇرگىزۋگە ارنالعان جوعارى تەحنولوگيالىق جاڭا زەرتحانا اشىلدى.  بۇل مەگاپوليستە COVID-19-دىڭ الدىن الۋعا ارنالعان جەتىنشى لابوراتوريا، - دەپ جازادى Egemen.kz

الماتى قالاسىنىڭ اكىمى "اتاكەنت" قىىواۋماعىندا ورنالاسقان، كوروناۆيرۋسقا جەدەل جانە جوعارى دالدىكپەن پتر-تەست جاسايتىن مودۋلدىك لابوراتوريا كەشەنىنىڭ اشىلۋىنا قاتىستى.

"COVID-19-دى انىقتاۋ ءۇشىن كۇش سالۋدامىز. ب.وتەمۇراتوۆتىڭ قورى بەرگەن جوعارى تەحنولوگيالىق زەرتحانا اشىلدى. جۇمىسسىزدار، از قامتىلعان جانە كوپبالالى وتباسىنىڭ مۇشەلەرى، مۇمكىندىگى شەكتەۋلى ادامدار، جوسپارلى ەمدەۋگە جاتقىزىلاتىن ەمدەلۋشىلەر مەن 50 جاستان اسقان، تىنىس الۋ ورگاندارى مەن ەندوكريندىك جانە جۇرەك-قانتامىر جۇيەسى اۋرۋلارىمەن ەسەپتە تۇرعان ناۋقاستار، ەپيدەمياعا قارسى ءىس-قيمىلعا قاتىساتىن قاۋىپ توبىنداعى ادامدارعا تەگىن تەست جۇرگىزىلەدى" دەدى قالا باسشىسى.

"مودۋلدىك كەشەن كۇنىنە مىڭ زەرتتەۋ جۇرگىزۋگە قاۋقارلى. الداعى ۋاقىتتا بەس مىڭعا دەيىن ارتتىرۋ مۇمكىندىگى بار. بۇل — قالاداعى جەتىنشى زەرتحانا. ب.وتەمۇراتوۆقا جانە ونىڭ بارلىق كومانداسىنا COVID-19-بەن كۇرەسكە قوسقان ۇلەسى ءۇشىن العىس ايتامىن. كەشەندى جۇمىس كوروناۆيرۋستى جاپپاي جۇقتىرۋعا توسقاۋىل بولىپ، ونىڭ ءورشىپ كەتپەۋىنە جانە ەپيدەميولوگيالىق جاعدايدى باقىلاۋدا ۇستاۋعا مۇمكىندىك بەرەدى"، دەدى باقىتجان ساعىنتاەۆ.

 

الماتى

سوڭعى جاڭالىقتار

ۇقساس جاڭالىقتار