ءىس-شاراعا قحا توراعاسىنىڭ ورىنباسارى ج.تۇيمەباەۆ, ءماجىلىس توراعاسىنىڭ ورىنباسارى ۆ.بوجكو, اقپارات جانە قوعامدىق دامۋ ۆيتسە-ءمينيسترى م.ءازىلحانوۆ, قولدانبالى ەتنوساياسي زەرتتەۋلەر ينستيتۋتىنىڭ ديرەكتورى ت.قاليەۆ, پرەزيدەنت جانىنداعى قسزي ديرەكتورى ز.شاۋكەنوۆا, قحا عىلىمي-ساراپشىلىق كەڭەسىنىڭ ءتورايىمى ا.سادۋاقاسوۆا, قازاقستاندىق ساراپشىلار مەن عالىمدار, قحا عىلىمي-ساراپشىلىق كەڭەسىنىڭ جانە قحا مۇشەلەرى, مەملەكەتتىك ورگاندار مەن ەتنومادەني بىرلەستىكتەردىڭ وكىلدەرى قاتىستى.
وتىرىس بارىسىندا قاتىسۋشىلار: «قوعامدىق كەلىسىم جانە جالپىۇلتتىق بىرلىكتىڭ قازاقستاندىق مودەلى: قازاقستان حالقى اسسامبلەياسىنا 25 جىل», «ەتنوسارالاق سالاداعى مەملەكەتتىك ساياسات مودەرنيزاتسياسىنىڭ باسىمدىقتارى اياسىنداعى قحا عىلىمي-ساراپشىلىق كەڭەسىنىڭ مىندەتتەرى», «قولدانبالى ەتنوساياسي زەرتتەۋلەر ينستيتۋتىنىڭ پەرسپەكتيۆتى مىندەتتەرى» جانە ت.ب. تاقىرىپتاردى تالقىعا سالدى.
«مەرەيتويلىق داتانى اتاپ وتە وتىرىپ, ءبىز قازاقستاندىق ۇلگىنىڭ جەتىستىگىنىڭ نەگىزگى فاكتورى ەلباسى نۇرسۇلتان نازارباەۆتىڭ ساياسي كوشباسشىلىعى مەن ەرىك-جىگەرىنە بايلانىستى بولعانىن ەشقاشان ۇمىتپاۋىمىز كەرەك. ءبىز قازاقستاننىڭ تۇڭعىش پرەزيدەنتىنە ەل باسشىلىعىندا بولعان 30 جىل ىشىندە كەز كەلگەن وزگەرىستەرگە, گەوساياسي جاعدايلارعا قاراماستان, ەتنوسارالىق ماسەلەدە ءوز ۇستانىمدارىنان اينىماعان ساياسي ەرىك-جىگەرىنە زور قۇرمەت كورسەتۋگە ءتيىسپىز. قازىر ءبىز قازاقستاننىڭ تۇڭعىش پرەزيدەنتى – ەلباسى نۇرسۇلتان نازارباەۆتىڭ بەيبىتشىلىك پەن كەلىسىم ساياساتىن قورىتىندىلاۋدىڭ ماڭىزدى شەگىندەمىز. اتالعان ماسەلە بويىنشا جۇمىستىڭ جاڭا مۇمكىنشىلىكتەرى اشىلۋدا. عىلىمي قوعامداستىق الدىندا وتە ماڭىزدى مىندەت تۇر – ەلباسىنىڭ قازاقستان حالقىن ساياسي ۇلتقا ينتەگراتسيالاۋ بويىنشا قۇندى تاجىريبەسىن تالداپ قورىتۋ.
وسى ورايدا ەتنوسارالىق قاتىناستار سالاسىنداعى مەملەكەتتىك ساياساتتىڭ جاڭا پاراديگمالارى مەن الگوريتمدەرىن قالىپتاستىرۋ قاجەت», دەدى جانسەيىت تۇيمەباەۆ.
تاتۋلىق پەن كەلىسىم قۇندىلىقتارى ەلباسى نۇرسۇلتان نازارباەۆ ساياساتىنىڭ ءاردايىم اسا ماڭىزدى باسىمدىقتارى ەكەنى بەلگىلى. سونىڭ ارقاسىندا قوعامىمىزدىڭ كوپەتنوستى بولۋى, مادەنيەتتەر مەن تىلدەردىڭ الۋان تۇرلىلىگى ءبىزدىڭ ارتىقشىلىعىمىز بەن جەتىستىگىمىزگە, قازاقستان دامۋىنىڭ بەرىك نەگىزىنە اينالدى.
ج.تۇيمەباەۆ ەتنوسارالىق كەلىسىمدى, قوعامداعى تولەرانتتىلىقتى جانە حالىق بىرلىگىن نىعايتۋعا سەپتىگىن تيگىزۋشى بىرەگەي ينستيتۋت – اسسامبلەيانىڭ قىزمەتى مەن ەرەكشەلىگىنە توقتالا كەتتى: «بۇگىندە ءبىز نۇرسۇلتان نازارباەۆ الەمدەگى ەڭ ءساتتى ۇلتارالىق قاتىناستار مودەلىنىڭ اۆتورى بولعاندىعىن نىق سەنىممەن ايتا الامىز. نۇرسۇلتان ءابىش ۇلى نازارباەۆتىڭ باسشىلىعىمەن ەلىمىز الەمدەگى بەدەلدى ءارى ورنىقتى مەملەكەتكە اينالدى. ەلباسىنىڭ ساياسي كوشباسشىلىعىن, پرەزيدەنتتىك ينستيتۋتتى قوعامدىق كەلىسىم مەن بىرلىك ساياساتىنان ءبولىپ قاراۋعا بولمايدى.
تاۋەلسىزدىك جىلدارىندا ەلدەگى بارلىق ستراتەگيالىق قۇجاتتار ەتنوسارالىق قاتىناستار فاكتورىن ەسكەرە وتىرىپ قابىلداندى. مەملەكەتىمىزدىڭ دامۋى, الەۋمەتتىك-ەكونوميكالىق جانە ساياسي رەفورمالار قوعامداعى كەلىسىم مەن بىرلىكتى نىعايتۋ شارتىمەن جۇزەگە اسىرىلدى. بۇل قازاقستان دامۋىنىڭ اكسيوماسىنا اينالدى. اسسامبلەيا ءوزىنىڭ 25 جىلدىق بەلسەندى جۇمىسىندا وراسان بىرىكتىرۋشىلىك پەن زياتكەرلىك الەۋەت جيناقتاپ جانە حالىقتىق ديپلوماتيا ينستيتۋتى ۇلگىسىنە بەيىمدەلە وتىرىپ, ۇزاق دامۋ جولىنان ءوتتى».
سونداي-اق كەڭەيتىلگەن وتىرىس بارىسىندا قحا عىلىمي-ساراپشىلىق كەڭەسىنىڭ العا قويعان مىندەتتەرى جايىندا باياندامالار جاسالىپ, جاڭادان قۇرىلعان قولدانبالى ەتنوساياسي زەرتتەۋلەر ينستيتۋتىنىڭ قىزمەتى تانىستىرىلدى. باسقا ايماقتاردىڭ قاتىسۋشىلارى ZOOM كونفەرەنتس-پلاتفورماسى ارقىلى ونلاين رەجىمدە قوسىلدى.
