«كەلەسى جىلى تاۋەلسىز ەل بولعانىمىزعا 30 جىل تولادى. وسى ۋاقىت ارالىعىندا ەلىمىزدىڭ سپورتشىلارى دۇنيەجۇزىلىك دودالاردا اتوي سالىپ, قازاقستاننىڭ كوك بايراعىن بيىكتە كوتەرىپ ءجۇر. ءبىز وسى ماقساتتا حالىقارالىق باسەكەلەردە سىنعا ءتۇسىپ جۇرگەن سپورتشىلارىمىزدىڭ ورنىن باساتىن تالانتتى جاستارعا قولداۋ كورسەتەمىز. سول ءۇشىن بالالار مەن بۇقارالىق سپورتى دامىتۋعا جانە تانىمال ەتۋگە نيەتتىمىز», دەيدى ازامات كارلىعاشەۆ.
سونداي-اق QAZAQSTANDYG SPORTSHYLAR ODAGY تەك جاستارعا عانا ەمەس, كارەراسىن اياقتاعان ارداگەر سپورتشىلارعا دا قولداۋ كورسەتەدى. قازىرگى تاڭدا اتالعان ۇيىم وڭىرلەرمەن بەلسەندى جۇمىس ىستەپ, ءار وبلىستا وكىلدىكتىڭ فيليالدارىن اشۋدى كوزدەپ وتىر.
«قازاقستان سپورتشىلار وداعىنىڭ» قۋاتتى قۇرامىندا بىرقاتار وليمپيادا جانە الەم چەمپيوناتتارىندا توپ جارعان تانىمال سپورتشىلارىمىز بار. اتاپ ايتار بولساق, وليمپيادا چەمپيوندارى ولگا شيشيگينا, ەرماحان يبرايموۆ, الەم چەمپيوناتىنىڭ جەڭىمپازى مەن جۇلدەگەرلەرى يليا يلين, سەرىك نۇرقازوۆ, بولات ءجۇمادىلوۆ, نۇرجان كارىمجانوۆ, قانات ءابۋتاليپوۆ, سەرىك ەلەۋوۆ, گاليب دجافاروۆ, رۋسلان شامكەنوۆ جانە بوكس جاتتىقتىرۋشىسى سۇلتان قاستوەۆ.
