سۇحبات • 09 ماۋسىم، 2020

قيىن ساتتە قوعامعا قول ۇشىن سوزۋ ءاربىر ۇجىمنىڭ بورىشى

364 رەت كورسەتىلدى

كوپتەگەن كومپانيالار كارانتين كەزەڭىندە قاشىقتىقتان جۇمىس ىستەۋگە كوشتى. الايدا، كەيبىر ۇجىمداردا ونلاين رەجىمىندەگى جۇمىس ءتيىمدى ۇيىمداستىرىلعاندىقتان، ونى تاعى بىرنەشە اي بويى جالعاستىرۋ تۋرالى شەشىم قابىلداندى. وسىنداي قىزمەتتى ۇيىمداستىرۋدىڭ ەرەكشەلىكتەرى تۋرالى "تاكەدا قازاقستان" جشس قىزمەتكەرلەر قۇرامىمەن جۇمىس جونىندەگى ديرەكتورى ("تاكەدا فارماسيۋتيكال كومپاني ليميتەد" جاھاندىق بيوفارماتسەۆتيكالىق كومپانياسىنىڭ رەسمي وكىلى) ايجان كەنجە حانىممەن اڭگىمەلەسكەن ەدىك.

- نارىقتاعى كومپانيالاردىڭ كارانتينگە بايلانىستى جۇمىسى جاعدايىنداعى وزگەرىستەر ءسىزدىڭ بيزنەسىڭىزگە قالاي اسەر ەتتى؟ وسى قيىن كەزەڭدە سىزدەر ءوز قىزمەتكەرلەرىڭىزدىڭ قاۋىپسىزدىگىن قالاي قامتاماسىز ەتتىڭىزدەر؟

- جەلتوقسان-قاڭتاردا قىتايدا جاڭا كوروناۆيرۋستىڭ تارالۋى تۋرالى العاشقى اقپارات پايدا بولعان كەزدە، ءبىز قحر-عا قاتىستى قازاقستاننىڭ اۋماقتىق ورنالاسۋىن جانە ەكى ەلدىڭ شەكاراسىنىڭ ۇزاقتىعىن تۇسىنە وتىرىپ،  الدىن-الا بەلسەندىلىك تانىتا كومپانيانىڭ كەڭسەسىندە دايىندىقتى باستادىق. ءبىرىنشى كەزەكتە ءبىزدىڭ كەڭسەلەرىمىزدى سانيتايزەرلەرمەن جابدىقتاپ، قىزمەتكەرلەردى ماسكامەن قامتاماسىز ەتتىك. ياعني، ۇجىمدا جۇقتىرۋدى بولدىرماۋ ءۇشىن بارلىق قادامدار جاسالدى. ول كەزدە جاڭا ۆيرۋس تۋرالى اقپارات ءالى ناقتى ەمەس ەدى، اۋرۋدىڭ بەلگىلەرى تۋرالى دالمە-ءدال دەرەكتەر دە بولمادى. دەگەنمەن، قاۋىپسىز جۇمىس كەڭىستىگىن قۇرۋ جونىندەگى امبەباپ ەرەجەلەر بار، ءبىز سونى قولداندىق. كومپانيا سونداي-اق ءوز قىزمەتكەرلەرىنىڭ كوروناۆيرۋستىق ينفەكتسيا وقيعالارى بار ەلدەرگە ساپارلارىن شەكتەدى. ناۋرىزدىڭ العاشقى كۇندەرىندە ءبىز قىزمەتكەرلەر ءۇشىن ء بىر-بىرىمەن از بايلانىستا بولاتىنداي نەگىزدە اۋىسىم كەستەسىن قۇرىپ، ونى جۇزەگە اسىردىق.

ءبىز ءۇشىن پاندەميا كەزىندەگى باستى باسىمدىق پاتسيەنتتەردى ءبىزدىڭ وندىرىسىمىزدەگى ءدارى-دارمەكتەرمەن قامتاماسىز ەتۋ جانە كەلىسىم-شارتتاردىڭ ۇزدىكسىز ورىندالۋى بولدى. العاشقى كۇندەردەن باستاپ ءبىز مەملەكەتتىك ورگاندارمەن تىعىز جۇمىس جاسادىق جانە قاجەتتى رۇقسات قاعازدارىن الۋ ءۇشىن بارلىق كەزەڭنەن جەدەل وتتىك. ناتيجەسىندە، كارانتين مەن توتەنشە جاعدايعا بايلانىستى ارنايى شارالارعا قاراماستان، ءبىزدىڭ كومپانيامىزدان ءدارى-دارمەكتەردى قازاقستان نارىعىنا جەتكىزۋدىڭ ۇزدىكسىزدىگى تولىق كولەمدە جۇزەگە اسىرىلدى. ءوز قىزمەتكەرلەرىمىزدى جانە ولاردىڭ وتباسىلارىن قورعاۋ ءۇشىن قولدان كەلگەننىڭ بارلىعىن جاسايمىز جانە ءبىز پاتسيەنتتەرىمىزدى، قوعامداستىقتى جانە بارلىعىنا سەنىم ارتاتىن مەديتسينا قىزمەتكەرلەرىنە بارىنشا قولداۋ كورسەتۋگە تىرىسامىز.

- پاندەميا جاعدايىندا سىزدەردىڭ ۇجىم بارلىق قىزمەتكەرلەردى قاشىقتىقتان جۇمىس ىستەۋگە كوشىردى، بۇل جۇمىس قالاي قۇرىلادى جانە باقىلانادى؟

- توتەنشە جاعداي ەنگىزىلگەنگە دەيىن، ءبىر اي بۇرىن ءبىز بارلىق كەڭسەلەردى قاشىقتىقتان جۇمىس ىستەۋگە دايىنداي باستادىق. ازيا-كاۆكاز كلاستەرىنىڭ باسشىسى باستاعان ارنايى كوميتەت قۇرىلدى، وعان قىزمەتكەرلەردىڭ قاۋىپسىزدىگىنە، سونداي-اق بيزنەس-پروتسەستەردىڭ ۇزدىكسىزدىگىنە جاۋاپ بەرەتىن فۋنكتسيالاردىڭ جەتەكشىلەرى كىردى. كومپانيا قىزمەتكەرلەرمەن ءتيىمدى بايلانىس ورناتتى – اپتاسىنا ەكى رەت، دۇيسەنبى جانە جۇما كۇندەرى، كوميتەت وتىرىسى وتكىزىلەدى جانە ونىڭ ناتيجەلەرى بويىنشا قىزمەتكەرلەر ءۇشىن ىشكى حابارلاما دايىندالىپ، بارلىعىنا تاراتىلادى. بۇل ماڭىزدى قادام، ويتكەنى داعدارىس كەزىندە، تۇسىنىكسىز جاعداي ورىن العان شاقتا قىزمەتكەرلەردى ءىس جۇزىندە دە، پسيحولوگيالىق تۇرعىدان دا قولداۋ وتە ماڭىزدى. مۇقيات جانە تۇراقتى قارىم-قاتىناستىڭ ارقاسىندا قىزمەتكەرلەر مەنەدجمەنتتىڭ جاقىن ەكەنىن، Takeda كومپانياسىندا جاعداي باقىلاۋدا ەكەنىن تۇسىنەدى جانە ولاردىڭ قاۋىپسىزدىگى جانە جۇمىسىن جالعاستىرۋ ءۇشىن قانداي قادامدار جاسالدى، قانداي ارەكەتتەر ىسكە اسىرىلدى – وسى تۋرالى ناقتى اقپاراتتى الا الادى.

جاۋاپسىز كوپتەگەن سۇراقتار ۆاكۋم سەزىمىن تۋدىرادى، ال مۇنىڭ ەشكىمگە پايداسى جوق. سوندىقتان ءبىزدىڭ تاراپىمىزدان ادامدار قاشىقتىقتان جۇمىس فورماتىندا بولا كليەنتتەرمەن جانە سەرىكتەستەرمەن ونلاين قارىم-قاتىناستى جالعاستىرۋدا قانداي شەشىمدەر بار ەكەنىن ناقتى ءتۇسىنۋى ءۇشىن بارلىق ساتتەر ويلاستىرىلدى. ياعني، وتە ۇلكەن كروسس-فۋنكتسيونالدىق جۇمىس جۇرگىزىلدى، كومپانيادا بار بارلىق ساندىق شەشىمدەر ءتىزىمى دايىندالدى.

قاشىقتىقتان جۇمىس ىستەۋدىڭ ۇلكەن تاجىريبەسى بۇرىن سوڭدى بولماسا دا، قىزمەتكەرلەرگە ارنالعان ءۇي كەڭسەسى وتە تەز ۇيىمداستىرىلدى. ءبىز قىزمەتكەر سىرقاتتانعان جاعدايدا بىرنەشە كۇن ۇيدەن جۇمىس ىستەي الاتىنداي امالدى تاجىريبەلەگەنبىز، الايدا بارلىق قىزمەتكەرلەردىڭ وسىنداي فورماتتا جۇمىس ىستەۋى بۇرىندارى بولماعان.

IT ءبولىمى تىڭعىلىقتى  جۇمىس ىستەدى – بىزدە بارلىق قىزمەتكەرلەر زاماناۋي كومپيۋتەرلەرمەن قامتاماسىز ەتىلگەن، ولاردىڭ بارلىق گادجەتتەرى رەتتەلگەن. لاۋازىمىنا قاراماستان، بايلانىس بويىنشا ليميتتەر بارلىق قىزمەتكەرلەردە ۇلعايتىلدى. باسقا كومپانيالاردىڭ ەڭبەك تولەمىن ازايتقانىن نەمەسە قىزمەتكەرلەرىن جالاقىسىز دەمالىستارعا جىبەرگەنىن كورە وتىرىپ، ءبىز تاماقتانۋعا ارنالعان بەلگىلى ءبىر سومانى بولۋدەن باستاپ، قىزمەتكەرلەرىمىزگە بەرىلەتىن ساقتاندىرۋدىڭ ءتورت ءتۇرى سىندى جەڭىلدىكتەر مەن جالاقىنىڭ 100%-ىن ساقتاپ قالعانىمىزدى ماقتان تۇتامىز. مەنىڭ ويىمشا، قازىر ءبىزدىڭ قىزمەتكەرلەر كومپانيانىڭ ادام رەسۋرستارىن باسقارۋ ساياساتىن جانە جۇمىس بەرۋشىنىڭ ءوز قىزمەتكەرلەرىنە ۇسىناتىن الەۋمەتتىك شارتتارىن باعالايتىن Top Employers Institute حالىقارالىق ۇيىمى تاعايىندايتىن قازاقستان مەن ەۋروپادا «ۇزدىك جۇمىس بەرۋشى» سەرتيفيكاتىن شىن مانىندە لايىقتى العانىن سەزىنەتىن بولار. Takeda جاھاندىق دەڭگەيدە ءۇشىنشى جىل قاتارىنان وسى بەدەلدى سىيلىقتىڭ يەگەرى بولىپ تابىلادى.

ۇدەرىستەردى باقىلاۋعا كەلەتىن بولساق، ءبىز سەنىم قاعيداتتارى نەگىزىندە جۇمىس ىستەيمىز جانە قىزمەتكەرلەردى جاپپاي باقىلاۋ مىندەتىن وزىمىزگە قويمايمىز. دەگەنمەن، ءبولىم باسشىلارى كۇن سايىن ءوز قىزمەتكەرلەرىمەن تەلەفون ارقىلى تىلدەسىپ، ءبولىم جينالىستارىن وتكىزەدى. مۇنداي كوممۋنيكاتسيانىڭ مىندەتتەرى تەك باقىلاۋ عانا ەمەس، سونداي-اق قىزمەتكەرلەردى قولداۋ. وسى كۇردەلى كەزەڭدە ۇجىمنىڭ جۇمىسىن ۇيىمداستىرۋدىڭ نەگىزگى ماقساتى – قىزمەتكەرلەردىڭ قولايلى جاعدايىندا قىزمەتىمىزدى تابىستى جانە ءتيىمدى جالعاستىرۋ.

- سىزدەر قىزمەتكەرلەردىڭ قاشىقتىقتان جۇمىسىن ۇيىمداستىرۋ ءۇشىن قانداي دا ءبىر باعدارلامالىق جاساقتامانى قولداناcىزدار ما، ول ارنايى دايىندالعان با؟

- ءبىز جاھاندىق كومپانيا بولعاندىقتان، جاڭا ازىرلەمەلەردى پايدالانامىز. اعىمداعى بارلىق مىندەتتەرگە جاۋاپ بەرەتىن باعدارلامالىق قامتاماسىز ەتۋ مەن تەحنيكالىق جابدىق پاكەتى بار. سوندىقتان كارانتين كەزىندە ەشقانداي جاڭا باعدارلامالاردى، تىڭ پلاتفورمالاردى ەنگىزبەدىك. قاشىقتاعى جۇمىستا ءبىز بارلىق تەحنيكالىق جابدىقتار مەن باعدارلامالاردى پايدالانامىز، بارلىعى ساعات سياقتى ناقتى جۇمىس ىستەيدى. سونداي-اق ونلاين كونفەرەنتسيالاردى پايدالانۋ بويىنشا ترەنينگتەر وتكىزىلدى، جاھاندىق كومپانيا نR-دەپارتامەنت جانە ونىڭ قىزمەتكەرلەرى ءۇشىن قاشىقتىقتان سۇحبات بويىنشا باعدارلاما ازىرلەدى، سەمينارلاردا وسى جۇيەنى قالاي پايدالانۋ كەرەكتىگىن ۇيرەتتى.

سونداي-اق، كومپانيادا چات-بوت بار – ول وسى قيىن ۋاقىتتا قىزمەتكەرلەردىڭ كومپانيامەن تىعىز بايلانىستا بولىپ، كەز كەلگەن شاقتا بارلىق تولعاندىراتىن سۇراقتارىن قويا الۋى ءۇشىن ىسكە قوسىلدى. ولار HR پروتسەستەرىنە، قاۋىپسىزدىك شارالارىنا، نەمەسە تەك COVID-19 تاقىرىپتارىنا قاتىستى بولۋى مۇمكىن. بىزدە قىزمەتكەرگە اۆتوماتتى تۇردە تۇسەتىن دايىن جاۋاپتار بار، ەگەر جۇيەدە جوق سۇراق بولسا، وندا بۇل ماسەلە HR-فۋنكتسياسىنىڭ باسشىسىنا تىكەلەي كەلەدى. وعان مەن جاۋاپ بەرەمىن، نەمەسە HR مەنەدجەرلەردەن كومەك سۇرايمىن، ويتكەنى بولىمدەردىڭ مەنەدجەرلەرى ناقتى جاعدايدى جەتە ءتۇسىنىپ، ساۋالعا تولىق جانە ناقتى جاۋاپ بەرە الادى. COVID-19 ارنالعان چات-بوتتىڭ جەكە بولىگىندە قىزمەتكەرلەر قازىرگى جاعدايعا قاتىستى بارلىق اقپاراتتى تابا الادى. بىراق بىزدە قىزمەتكەرلەردىڭ 80%-ى جوعارى مەديتسينالىق ءبىلىمى بار ادامدار ەكەنىن ەسكەرسەك، بۇل تۇرعىدان بىزگە وڭايىراق. ادامدار جاعدايدىڭ انىق-قانىعىن ۇعىنا ءتۇسىپ، ءبىر-بىرىمەن بايلانىسادى جانە ۇرەيگە تۇسپەيدى. ءبىزدىڭ قىزمەتكەرلەردى قاۋىپسىزدىك شارالارىنىڭ نە ءۇشىن قابىلدانىپ جاتقاندىعى، ولاردىڭ قاجەتتتىلىگى تۋرالى سەندىرۋدىڭ قاجەتتىلىگى از.

- ءۇي جۇمىسىن ۇيىمداستىرۋ بويىنشا قىزمەتكەرلەرگە قانداي ۇسىنىستار بەرىپ، نەندەي  ەرەجەلەردى ەنگىزدىڭىزدەر؟

- ءبىزدىڭ ارقايسىمىز داعدارىستى ءتورت جاعدايدىڭ بىرىندە سەزىنەمىز  – جايباراقاتتىق، سكەپسيس، موبيليزاتسيا نەمەسە ۇرەي. قىزمەتكەردىڭ قانداي كۇيدە بولۋى ونىڭ كومپانيادا نە بولىپ جاتقانىن قابىلداۋىنا جانە ونىڭ ءتيىمدى جۇمىس ىستەۋگە دايىندىعىنا بايلانىستى. ءبىز وسى قيىن كەزەڭدە قىزمەتكەرلەردىڭ جاي-كۇيىن مونيتورينگىلەۋ جانە قاجەت بولعان جاعدايدا الاڭداۋدى وڭ ارناعا باعىتتاپ، العا جىلجۋ ءۇشىن جاڭا رەسۋرسقا اينالدىرۋدى ناقتى تۇسىنەمىز.

قاشىقتىقتان جۇمىس رەجيمىندە ءوزىن-ءوزى ۇيىمداستىرۋ جانە ونىمدىلىك تۋرالى بىرقاتار ۆەبينارلاردى وتكىزدىك. ولاردا جۇمىس كۇنىن قالاي جوسپارلاۋ، جۇمىس ورنىن قالاي ۇيىمداستىرۋ، ماقساتتار مەن مىندەتتەردى قالاي دۇرىس ۇيلەستىرۋ جانە باسشىلىقپەن ءوزارا ارەكەتتەسۋدىڭ ناقتى KPI تۋرالى اڭگىمەلەندى. سوڭعى ساتكە، جالپى جەتەكشىمەن قارىم-قاتىناسقا ەرەكشە ءمان بەرىلدى، ويتكەنى تىكەلەي باسشى – بۇل دوس، ءارى تالىمگەر رەتىندە قاسىڭنان تابىلاتىن ادام. ءبىزدىڭ كومپانيامىزدا قابىلدانعان كورپوراتيۆتىك مادەنيەت كەز كەلگەن دەڭگەيدەگى باسشىنى كوشباسشى بولۋعا شاقىرادى. بىزدە بارلىق جەتەكشىلەر وقىتىلعان وتە جاقسى قۇرال بار – بۇل كوۋچينگتىك اڭگىمە، قىزمەتكەردىڭ سەنىمدى فورماتتا پروبلەمانى ايتا الۋى، ونى تولعاندىراتىنىن ماسەلەمەن بولىسە الۋى، سۇراق قويۋى، ولار باسشى ءۇشىن ارقاشان ىڭعايلى ەمەس بولۋى مۇمكىن. قازىر بۇل قۇرال دا قولدانىلادى.

ءبىز بەلگىلى ءبىر ۋاقىت ۇستانۋعا بەكىنىپ وتىرعان ۇيدە جۇمىس پروتسەسىن ۇيىمداستىرۋعا كەلەتىن بولساق، ءبىز ءوز قىزمەتكەرلەرىمىزگە كۇنىنە قىسقا جۇمىس جوسپارىن جاساۋعا كەڭەس بەرەمىز. ادام جۇمىس ىستەيتىن كەڭىستىكتىڭ ەكولوگيالىعى ماڭىزدى، ياعني بولمەنى دۇرىس تاڭداۋ، جارىقتاندىرۋ جاعدايى. كۇن بويى كيىمدەردى اۋىستىرۋ وتە پايدالى، ويتكەنى ءۇي كيىمىندە جۇمىس –  بۇل تيىمدىلىككە اكەلمەيدى. مۇمكىن بولسا، پاتەر بويىنشا گەولوكاتسيانى وزگەرتۋ دە پايدالى. ارينە، بۇل وڭاي ەمەس، ويتكەنى مەكتەپ جاسىنداعى بالالارى بار وتباسىلار بار، قازىرگى ۋاقىتتا ولار قاشىقتىقتان ءبىلىم الۋدا، دەگەنمەن جۇمىستى قالاي ۇيىمداستىرۋ جانە ونى نەعۇرلىم جايلى ەتۋگە قانداي ۇسىنىستار بەرۋ كەرەكتىگى تۋرالى ءبىز الدىن الا وقىتۋ سەمينارلارى مەن كونفەرەنتسيالاردا كوپ اڭگىمەلەدىك. سونىمەن قاتار، ءبىزدىڭ ىشكى كوممۋنيكاتسيالىق ۆەب-پلاتفورمادا ىشكى چەللەندج ىسكە قوسىلدى. وندا قىزمەتكەرلەر قىسقا بەينەماتەريالداردى، ولاردىڭ قاشىقتىقتاعى جۇمىسىنىڭ قالاي ءوتىپ جاتقاندىعى تۋرالى سۋرەتتەردى قويادى. بۇل ءبىر-ءبىرىمىزدى ىنتالاندىرۋ ءۇشىن جاسالعان، ويتكەنى ءبىز ادامنىڭ الەۋمەتتىك جاراتىلىس ەكەنىن تۇسىنەمىز. قازىر ەشتەڭە وزگەرمەگەنىن تۇسىندىرەتىن اتموسفەرانى قۇرۋ وتە ماڭىزدى – ءبىز ءبارىمىز بىرگەمىز، ءبىز جاۋاپتى ۇلكەن كومپانيانىڭ ءبىر بولىگىمىز جانە  بارلىق قيىندىقتاردى جەڭەمىز.

- بۇگىندە Takeda كومپانياسى قوعامدى قالاي قولدايدى، قازاقستانداعى قانداي الەۋمەتتىك نەمەسە قايىرىمدىلىق جوبالارعاا قاتىسادى؟

- ءبىزدىڭ كومپانيا قازاقستاندا جۇمىس ىستەيتىن شەتەلدىك ينۆەستورلار توبىنىڭ قۇرامىنا كىرەدى، اتاپ ايتقاندا، «شەلل كازاحستان»، «ەني»، «توتال»، «ينپەكس»، «لۋكويل»، «كامەكو»، «ەر ليكيد»، «فريپورت كازاحستان»، COVID-19 بار ناۋقاستاردى ەمدەۋگە جاردەمدەسۋ جانە ينفەكتسيانىڭ تارالۋىن بولدىرماۋ ءۇشىن ول نۇر-سۇلتان قالاسىنداعى كوپپروفيلدى مەديتسينالىق ورتالىققا (كپمو) جانە ينتەنسيۆتى تەراپياعا ارنالعان زاماناۋي جابدىقتار مەن جەكە قورعانىس قۇرالدارىن ساتىپ الدى. جابدىقتاردىڭ جالپى قۇنى 200 ميلليون تەڭگەدەن اسادى (شامامەن 500 000 اقش دوللارى).

ءبىز سونداي-اق اقمولا وبلىستىق كوپسالالى اۋرۋحاناسىنا قاراجات بولدىك، ولار مەديتسينا قىزمەتكەرلەرىنە جەكە قورعانۋ قۇرالدارىن ساتىپ الۋعا باعىتتالعان.

تاكەدا-قازاقستان COVID-19 جاعدايىندا ينفۋزيالىق جۇيەلەردىڭ تاپشىلىعىنداعى مەديتسينالىق مەكەمەلەرگە قارجىلاي قولداۋ كورسەتتى. ءبىز «Help Today» قق-نا II ءتيپتى مۋكوپوليساحاريدوزى بار 24 پاتسيەنتكە ينفۋزيالىق جۇيە ساتىپ الۋعا قاراجات جىبەردىك.

 

اڭگىمەلەسكەن

ارمان وكتيابر،

«Egemen Qazaqstan»

سوڭعى جاڭالىقتار

بۇۇ-نىڭ جاھاندىق شارتىنا قوسىلدى

ەكونوميكا • بۇگىن، 00:34

جەتى ءتۇرلى ءسوز

ادەبيەت • كەشە

انتىنا ادال ازامات

قازاقستان • كەشە

ەلوردا كۇنىنە تارتۋ

تەاتر • كەشە

ۇقساس جاڭالىقتار