كەشە رەسەي استاناسىنىڭ اكىمى سەرگەي سوبيانين 9 ماۋسىمنان باستاپ قالادا كارانتين الىناتىنىن حابارلاعان ەدى. بىراق قوعامدىق جەرلەردە ماسكا مەن قولعاپ كيۋ, الەۋمەتتىك اراقاشىقتىقتى ساقتاۋ سىندى ساقتىق شارالارى ءالى دە جالعاسادى. ال كەڭسە قىزمەتكەرلەرىنىڭ كوپشىلىگى قاشىقتان جۇمىس ىستەيدى.
شاھار باسشىسىنىڭ بۇل شەشىمىنەن كەيىن ەلدەگى ىشكى تۋريزم قايتا جۇمىس ىستەۋگە دايىندىقتى باستاپ كەتتى. الايدا تۋروپەراتورلار ەلدەگى تۋريزم 30 پايىزعا دەيىن قىمباتتايتىنىن ايتىپ ەسكەرتۋدە.
وتكەن تاۋلىكتەگى جاعداي بويىنشا رەسەيدە تاعى 8595 ادام كوروناۆيرۋس جۇقتىرعان. ونىڭ 1572-ءسى ماسكەۋدە تىركەلگەن. بۇل 17 ساۋىردەگى جاعدايمەن سالىستىرعاندا از كورسەتكىش. ەلدە پاندەميا باستالعالى 485 253 ادام ىندەت جۇقتىرعان. سوڭعى رەسمي دەرەكتەرگە سۇيەنسەك, رەسەيدە ءبىر تاۋلىك ىشىندە ۆيرۋس جۇقتىرۋ بويىنشا ءوسىم 4 اپتا بويى بىردەي تىركەلىپ وتىر.
وكىنىشكە قاراي, مۇندا كەشە 171 ادام كوروناۆيرۋستان كوز جۇمدى. جالپى قايتىس بولعاندار سانى 6 142-گە جەتتى. ماسكەۋ قالاسىنىڭ وزىندە قايتىس بولعانداردىڭ سانى 3 029-عا كوبەيگەن.
سونداي-اق ەلدە ءبىر كۇندە 11 709 ناۋقاس جازىلىپ شىقتى. جالپى ىندەتتەن ايىققاندار سانى 242 397-گە جەتىپ وتىر.
