مىسالى, ءوز كاسىبىن ينە - جىپتەن باستاعان اۋدان تۇرعىنى اقنيەت وسكەنباي اۋەلى ۇيىندە وتىرىپ, مونشاق, بيسسەرلەرمەن باسقا تاعاتىن اشەكەي بۇيىمدار جاساپ, ساتۋدان باستاعان. ال مەملەكەت تاراپىنان كورسەتىلگەن قولداۋ ونى ىنتالاندىرىپ, جاڭا ىزدەنىستەرگە جەتەلەدى. بۇگىندە اقنيەتتىڭ ەسىمى اۋىل-ايماققا ەتەنە تانىس. ىسكەر كەلىنشەككە قىز جاساۋى, اشەكەي بۇيىمدار مەن بالالاردىڭ جورگەگىن تىكتىرۋگە تاپسىرىس بەرۋشىلەر كوپ. سۇيىكتى ءىسىن ىنتا-ىقىلاسپەن ىستەيتىن كاسىپكەر كەلىنشەك مەملەكەتتەن 3 ملن تەڭگە كولەمىندە قايتارىمسىز گرانت ۇتىپ الدى. ءسويتىپ, كوپفۋنكتسيالى تىگىن ماشيناسىن ساتىپ الىپ, قازىر جايناماز سىندى ءدىني بۇيىمدار دا تىگۋدە. "مەن نەگىزى فەلدشەر ماماندىعىن بىتىرگەنمىن, الايدا تۇرمىس قۇرىپ, بالالى بولعان سوڭ, كۇيەۋىم ۇيدە وتىرعانىمدى قالادى. سودان سوڭ بۇل ۇيدە وتىرىپ باستاعان كاسىبىم بولاتىن. باستاپقىدا ۇساق جۇمىستارمەن, تۇتىنۋشىلارمەن جۇمىس ىستەۋدى ۇيرەندىم. مەملەكەتتىك گرانتتى ۇتىپ الىپ, وسى كاسىپتى باستاعاننان كەيىن, كوپتەگەن كىسىلەر تىگىنشىلىكتى ۇيرەنۋگە كەلە باستادى", - دەيدى كاسىپكەر.
قازىر اقنيەتتىڭ "رۋميسا" دەپ اتالاتىن شاعىن كاسىپكەرلىك نىسانىندا التى ادام جۇمىس ىستەيدى. ولار ەڭبەگىنە قاراي اقى الادى.
