قازاقستان • 09 ماۋسىم، 2020

قازاقستاندا ازىق-ت ۇلىك تاۋارلارىنىڭ باعاسى ءوستى

91 رەت كورسەتىلدى

ازىق-ت ۇلىك تاۋارلارى باعاسىنىڭ جىلدىق ءوسىمى 10،7%-عا دەيىن جىلدامدادى. بۇل تۋرالى ۇكىمەت وتىرىسىندا ۇلتتىق بانك توراعاسى ەربولات دوساەۆ ايتتى، - دەپ حابارلايدى Egemen.kz

 

"بيىل مامىر ايىندا جىلدىق ينفلياتسيا 2020 جىلعا ارنالعان 4-6% نىسانالى دالىزدەن جوعارى قالىپتاسىپ، 6،7% بولدى. ازىق-ت ۇلىك تاۋارلارى باعاسىنىڭ جىلدىق ءوسىمى 10،7%-عا دەيىن جىلدامدادى. بۇل 2016 جىلعى قازاننان باستاپ ەڭ جوعارى كورسەتكىش"، - دەدى ۇلتتىق بانك توراعاسى.

ونىڭ ايتۋىنشا، ايلىق ءوسىم جوعارى بولىپ قالعانىمەن، جەكەلەگەن ازىق-ت ۇلىك ونىمدەرى باعاسىنىڭ ءوسۋ قارقىنى تۇراقتالعان. ازىق-ت ۇلىككە جاتپايتىن تاۋار باعاسىنىڭ جىلدىق ءوسىمى جانار-جاعارماي باعاسىنىڭ (بەنزين مەن ديزەل وتىنى 0،7%-عا) تومەندەۋىنەن 5،3%-عا دەيىن باسەڭدەگەن.

"اقىلى قىزمەتتىڭ جىلدىق ينفلياتسياسى ءبىر ايدا توتەنشە جاعدايدا رەتتەلەتىن كوممۋنالدىق قىزمەت تاريفتەرىنىڭ ۋاقىتشا ازايۋىنان 3،5%-دان 3،0%-عا دەيىن تومەندەدى. بيىل مامىردا تاريفتەر 3%-عا، جىلدىق كورسەتۋ بويىنشا 1،9%-عا تومەندەدى. ءبىزدىڭ باعالاۋىمىز بويىنشا، بيىل جىلدىق ينفلياتسيا 4-6%-دىق نىسانالى دالىزدەن جوعارى قالىپتاسادى. ال Brent ماركالى مۇنايدىڭ ءبىر باررەلى ءۇشىن 35-40 اقش دوللارىن كوزدەيتىن بازالىق ستسەناريگە سايكەس 8،0-8،5% بولادى. 2021 جىلى ايىرباستاۋ باعامىنىڭ ىشكى باعالارعا اۋىسۋ ناتيجەسىنىڭ اياقتالۋىنا جانە ىشكى ەكونوميكاداعى جاعدايدىڭ تۇراقتانۋىنا قاراي جىلدىق ينفلياتسيا نىسانالى ءدالىزدىڭ جوعارى شەگىنە بىرتىندەپ باسەڭدەيدى"، - دەدى ەربولات دوساەۆ.

ۇلتتىق ەكونوميكا ءمينيسترى رۋسلان دالەنوۆ قاڭتار-مامىرداعى ەلىمىزدىڭ الەۋمەتتىك-ەكونوميكالىق دامۋىنىڭ قورىتىندىلارى تۋرالى باياندادى.

جەدەل دەرەكتەر بويىنشا جالپى ىشكى ءونىم 1،7%-عا تومەندەدى. تاۋارلار ءوندىرىسى 4،8%-عا ءوستى. سونىمەن بىرگە كورسەتىلەتىن قىزمەتتەر 6،2%-عا قىسقاردى. جىلدىق ينفلياتسيا 6،7%-دى قۇرادى. بۇل وتكەن ايدىڭ دەڭگەيىنەن تومەن.

ر. دالەنوۆ ەسەپتى كەزەڭدە بايقالعان وڭ ترەندتەردى اتادى.

"وندىرىستىك سەكتوردا ءوسۋ جالعاسۋدا. قىزمەتتەر سەكتورى مامىردان باستاپ سەرپىندى قالپىنا كەلۋدە. سونىمەن بىرگە ساۋدا بالانسىنىڭ سالدوسى جوعارى ءوسۋدى كورسەتتى.وندىرىستىك سەكتور بويىنشا قۇرىلىستا – 5،9%-كە، كەن وندىرۋدە 5،2%، وڭدەۋ ونەركاسىبىندە 4،9% جانە اۋىل شارۋاشىلىعىندا 2،2%-كە ءوسۋ بايقالادى"، — دەدى مينيستر.

سونىمەن بىرگە، ونىڭ ايتۋىنشا، قازىرگى تاڭدا قىزمەت سەكتورلارىندا، سونىڭ ىشىندە كولىك قىزمەتتەرىندە 14،1%، ساۋدادا – 12،3%، جىلجىمايتىن م ۇلىكپەن جاسالاتىن وپەراتسيالاردا – 4،8% جانە اكىمشىلىك قىزمەتتەردى كورسەتۋدە – 3،8% تومەندەۋ بايقالادى. بۇل رەتتە، بايلانىس قىزمەتتەرى قاڭتار-مامىردا 9،2%-كە ارتتى.

شەكتەۋ كارانتين شارالارىنىڭ جەڭىلدەۋى اياسىندا، مامىردان باستاپ قىزمەتتەر سەكتورى بويىنشا جەكەلەگەن سالالاردىڭ قالپىنا كەلۋى بايقالادى.

اتاپ ايتقاندا، ساۋدا 28،3%-كە، ونىڭ ىشىندە بولشەك ساۋدا – 34،2%-كە، كوتەرمە ساۋدا – 26،1%-كە ءوستى. كولىك قىزمەتتەرى – 20،7%-كە، ونىڭ ىشىندە جولاۋشىلار اينالىمى – 41،5%-كە، جۇك اينالىمى – 5،7%-كە ارتتى. ال تاماقتانۋ بويىنشا قىزمەتتەر 10،8%-كە ءوستى. وسىلايشا، مامىردا قىزمەتتەر سالاسىندا ءوسۋدىڭ سەرپىندى قالپىنا كەلۋى تىركەلدى.

ر. دالەنوۆ اتاپ وتكەندەي، ەكونوميكالىق بەلسەندىلىكتى ودان ءارى قالپىنا كەلتىرۋ ماقساتىندا وسى جىلدىڭ 20 مامىرىندا 2020 جىلعا ارنالعان كەشەندى جوسپار قابىلداندى.

"كەشەندى جوسپار قولدانبالى سيپاتتاعى ناقتى شارالاردى قامتيدى. بۇل — ونەركاسىپتى دامىتۋ قورىن قۇرۋ. وڭدەۋشى كاسىپورىندارعا 3% جەڭىلدەتىلگەن مولشەرمەن كرەديت بەرۋ كوزدەلىپ وتىر"، — دەدى مينيستر.

ۇلتتىق بانك باعدارلاماسى مەن "بيزنەستىڭ جول كارتاسى" شەڭبىرىندە شاعىن جانە ورتا بيزنەستى قولداۋ بويىنشا قىزمەت تۇرلەرى كەڭەيتىلۋدە. نەسيەلەۋ راسىمدەرى جەڭىلدەتىلەدى. سونداي-اق، "بيزنەستىڭ جول كارتاسى – 2025" مەملەكەتتىك باعدارلاماسىندا بيزنەس ءۇشىن ميكروكرەديتتەردى سۋبسيديالاۋدى قاراستىراتىن جاڭا «ميكروكرەديتتەۋ» باعىتى ىسكە قوسىلادى.

وسى شارالاردىڭ بارلىعى سىرتقى سىن-قاتەرلەردىڭ تەرىس سالدارىن ازايتۋعا باعىتتالعان. سونداي-اق، كەشەندى جوسپار ەكونوميكا سالالارىنداعى جەدەل ماسەلەلەردى شەشۋگە، ىشكى ءوندىرىس پەن كاسىپكەرلىكتى قولداۋعا مۇمكىندىك بەرەدى. وسىلايشا، ەكونوميكالىق بەلسەندىلىكتى قالپىنا كەلتىرۋگە ىقپال ەتەتىن بولادى.

جالپى، كەشەندى جوسپاردى جۇزەگە اسىرۋعا بۇگىنگى كۇنى 49 زاڭنامالىق اكتىگە تۇزەتۋلەر ەنگىزۋ جوسپارلانۋدا.

قاڭتار-ساۋىردە سىرتقى ساۋدا اينالىمى $28،2 ملرد قۇرادى. ەكسپورت $18،4 ملرد، يمپورت $9،8 ملرد قۇرادى.

"ونەركاسىپ ءوندىرىسى 4،8%-كە ۇلعايدى. ءوسۋ وڭىرلەردىڭ كوبىندە بايقالادى. ەڭ جوعارى ءوسۋدى اتىراۋ جانە قوستاناي وبلىستارى كورسەتتى. 4 وڭىردە تومەندەۋ تىركەلدى. بۇل قىزىلوردا، اقتوبە، ماڭعىستاۋ وبلىستارى جانە شىمكەنت قالاسى"، — دەدى ر. دالەنوۆ.

وڭدەۋ ونەركاسىبىندە ءوندىرىس وسۋدە. ءوسۋ 4،9%-ءتى قۇرادى. فارماتسەۆتيكا، ماشينا جاساۋ، قۇرىلىس ماتەريالدارىن ءوندىرۋ جانە جەڭىل ونەركاسىپ ءوسۋدىڭ جوعارى قارقىندارىن كورسەتتى.

ينۆەستيتسيالار بويىنشا 15 ءوڭىر ءوسۋ كورسەتتى. تۇركىستان وبلىسىندا ينۆەستيتسيا 2 ەسەگە جۋىق، اقمولا وبلىسىندا – ۇشتەن بىرگە ءوستى. 2 وڭىردە تومەندەۋ تىركەلدى. بۇل قىزىلوردا جانە اتىراۋ وبلىستارى. جالپى، نەگىزگى كاپيتالعا سالىنعان ينۆەستيتسيالاردىڭ ءوسۋى 0،1%-ءتى قۇرادى.

قۇرىلىس 5،9%-كە ۇلعايدى. 15 وڭىردە ءوسۋ بايقالادى. قۇرىلىس جۇمىستارىنىڭ ەڭ جوعارى ءوسۋى تۇركىستان جانە قاراعاندى وبلىستارىندا تىركەلدى. قۇرىلىستاعى ءوسۋ وتاندىق قۇرىلىس ماتەريالدارى وندىرىسىنە وڭ اسەر ەتتى. ولاردى ءوندىرۋ 12،3%-كە ۇلعايدى.

سونداي-اق ر. دالەنوۆ 6 ەكونوميكالىق كورسەتكىش بويىنشا جالپى جاعدايدى اتاپ ءوتتى. ولار – وڭدەۋ، اۋىل شارۋاشىلىعى، قۇرىلىس، تۇرعىن ۇيلەردى پايدالانۋعا بەرۋ، ينۆەستيتسيالار جانە ينفلياتسيا.

"وڭىرلەردىڭ كوبىندە جاقسى ديناميكا بايقالادى. بارلىق 6 كورسەتكىش بويىنشا 4 وڭىردە ءوسۋ بايقالادى. 5 كورسەتكىش بويىنشا – 6 وڭىردە، 4 كورسەتكىش بويىنشا – 4 وڭىردە. ماڭعىستاۋ وبلىسى 2 كورسەتكىش بويىنشا جاقسى ناتيجە كورسەتتى"، — دەدى مينيستر.

قورىتىندىلاي كەلە، ر. دالەنوۆ قارجىلاندىرۋ جانە كرەديت بەرۋ بويىنشا قابىلدانعان شارالاردى ەسكەرە وتىرىپ، ورتالىق جانە جەرگىلىكتى اتقارۋشى ورگاندار كەلەسى اسپەكتىلەرگە شوعىرلانۋ قاجەت ەكەنىن اتاپ ءوتتى.

2020 جىلعا ارنالعان ەكونوميكالىق ءوسۋدى قالپىنا كەلتىرۋ جونىندەگى كەشەندى جوسپاردى ۋاقىتىلى جانە ءتيىمدى ىسكە اسىرۋدى قامتاماسىز ەتۋ;

ەڭبەك نارىعىندا تۇراقتىلىقتى قامتاماسىز ەتۋ ءۇشىن "جۇمىسپەن قامتۋدىڭ جول كارتاسى" باعدارلاماسى شەڭبەرىندە جوبالاردى ىسكە اسىرۋ.

"بيزنەستىڭ جول كارتاسى-2025" مەملەكەتتىك باعدارلاماسى، "قاراپايىم زاتتار ەكونوميكاسى" جانە شاعىن جانە ورتا بيزنەس سۋبەكتىلەرىنە جەڭىلدەتىلگەن كرەديت بەرۋ باعدارلامالارى شەڭبەرىندە كاسىپكەرلەردى قولداۋ قۇرالدارىن ءتيىمدى ىسكە اسىرۋدى قامتاماسىز ەتۋ.

جاڭا ەكونوميكالىق جاعداي كەزىندە ينۆەستيتسيالىق جوبالاردىڭ وزەكتەندىرىلگەن پۋلى شەڭبەرىندە ينۆەستيتسيالار تارتۋعا جاڭا تاسىلدەردى قولدانۋ.

كورسەتىلەتىن قىزمەتتەر سالاسىنداعى سەرپىندى ءوسۋدى قالپىنا كەلتىرۋ ءۇشىن جاعدايلار جاساۋ.

"جوعارىدا اتالعان شارالاردى ىسكە اسىرۋ ەكونوميكالىق بەلسەندىلىكتى جەدەل قالپىنا كەلتىرۋگە مۇمكىندىك بەرەدى"، — دەپ تۇيىندەدى مينيستر.

 

 

سوڭعى جاڭالىقتار

ۇقساس جاڭالىقتار