الەم • 08 ماۋسىم، 2020

جاپونيادا سالقىنداتاتىن ماسكالار شىعارىلا باستادى

75 رەت كورسەتىلدى

جاپونيالىق كومپانيالار جاز مەزگىلىنە ارنالعان سالقىنداتاتىن ماسكالار ازىرلەي باستادى، - دەپ حابارلادى Kyodo News.

Mizuno كورپوراتسياسى كۇن ىستىقتا كيۋگە ىڭعايلى جۇمساق، سوزىلمالى ماتادان تىگىلگەن ماسكالاردى ساتىلىمعا شىعارا باستادى. مۇنداي ماتا ادەتتە جەڭىل اتلەتيكا جانە شومىلۋ كيىمدەرىن تىگۋگە قولدانىلادى. باسىلىمنىڭ حابارلاۋىنشا، ماسكالاردىڭ باعاسى 935 يەندى (8،5 دوللار) قۇرايدى. ونلاين ساتىلىمنىڭ ءبىرىنشى كۇنىندە 20 مىڭ ماسكا ساتىلعان.

سونداي-اق بادمينتون، تەننيس جانە باسقا دا سپورت تۇرلەرىنىڭ كيىمىن شىعاراتىن Yonex Co. كومپانياسى شىلدە ايىنىڭ باسىنان باستاپ قۇرامىندا كسيليتى بار Very Cool ماتەريالدارىنان جاسالعان ماسكالاردى ساتىلىمعا شىعارادى. ماسەلەن جاپونيانىڭ بادمينتون قۇراماسى مەن كاسىبي تەننيسشىلەردىڭ كيىمى جىلۋدى جاقسى سىڭىرەتىن، قۇرامىندا كسيليتى بار ماتادان تىگىلەدى.

"قازىر ادامدار كوروناۆيرۋستان ساقتانۋ ءۇشىن كوپ ۋاقىت ماسكامەن جۇرەدى.  ءبىزدىڭ ماسكالار ىستىق كۇندە كىشكەنە دە بولسا، سالقىنداتىپ تۇرادى"، - دەدى Yonex Co. كومپانياسىنىڭ وكىلى.

سونىمەن قاتار وسى جازدا Fast Retailing Co. كومپانياسى مەن Uniqlo جەلىسىنىڭ وپەراتورى AIRism تانىمال ءىش كيىمدەر جەلىسى قولداناتىن تەز كەبەتىن ءارى تەرى جاقسى دەم الاتىن ماتەريالدى پايدالانا وتىرىپ، ماسكالار تىگۋدى جوسپارلاپ وتىر.

6

سوڭعى جاڭالىقتار

ۇقساس جاڭالىقتار