سوڭعى رەت مۇنداي باعا ۇستىمىزدەگى جىلدىڭ 6 ناۋرىز كۇنى تىركەلگەن بولاتىن. ال WTI سورتتى مۇنايى باررەلىنە 40,22 دوللاردان ساۋدالاندى. بۇل دا مۇنىڭ الدىنداعى ساۋدا كورسەتكىشىنەن 1,7 پايىز جوعارى.
وپەك+ مينيسترلەرى 6 ماۋسىم كۇنى ۆيدەوكونفەرەنتسيا فورماتىندا وتكەن كەزدەسۋدە مۇناي ءوندىرۋ كولەمىن تومەندەتۋ جونىندەگى كەلىسىمدى تاعى ءبىر اي سوزۋ جونىندە شەشىم قابىلداعان بولاتىن.
ساراپشىلاردىڭ پىكىرىنشە, وسى جاعداي رىنوككە بىردەن اسەر ەتىپ وتىر. مۇنىڭ الدىندا وپەك+ مامىر-ماۋسىم ايلارىندا مۇناي ءوندىرۋ كولەمىن تاۋلىگىنە 9,7 ملن باررەلگە ازايتۋ جونىندە كەلىسىمگە كەلگەن بولاتىن. ەندى جاڭا شەشىم بويىنشا وسى كەلىسىم شارتتارى شىلدە ايىندا دا ساقتالماق.
