ايماقتار • 06 ماۋسىم، 2020

ۋسپەن اۋدانىندا بيىل 24 ءورت وقيعاسى بولعان

13 رەت كورسەتىلدى

وبلىستىق توتەنشە جاعدايلار دەپارتامەنتى باستىعىنىڭ ورىنباسارى، پولكوۆنيك سامات اسايىنوۆ اۋدانعا جۇمىس ساپارى بارىسىندا سۋ وتكىزۋ قۇبىرلارى مەن ءورت گيدرانتتارىن ورناتۋ جۇمىستارىنىڭ بارىسىمەن تانىستى.

سۋرەتتى تۇسىرگەن: ەربول تەمىروۆ

اۋدان اكىمدىگىندە توتەنشە جاعدايلاردىڭ الدىن الۋ جانە ولاردى جويۋ بويىنشا  ماسەلەلەر تالقىلاندى. اۋدان اكىمى نيكولاي دىچكو ءورت قاۋىپتى جانە سۋعا شومىلۋ كەزەڭىندە حالىقتىڭ قاۋىپسىزدىگىن قامتاماسىز ەتۋ ماسەلەلەرىن ءوزىنىڭ جەكە باقىلاۋىندا ۇستايتىنىن اتاپ ءوتتى.

بيىل ورتالىقتاندىرىلعان سۋمەن قامتاماسىز ەتۋ جونىندەگى جوبالىق-سمەتالىق قۇجاتتاماعا ءورت گيدرانتتارىن ورناتۋ بويىنشا جەكە تارماق قوسىلعانىن ايتتى. ال ءورت گيدرانتى دەگەن-ءورت ءسوندىرۋ ءۇشىن سۋ قۇبىرى جەلىسىنەن سۋ الۋعا ارنالعان قۇرىلعى. كەز كەلگەن تەحنيكالىق قۇرىلعى سياقتى، ول ونىڭ جۇمىسقا قابىلەتتىلىگىن تۇراقتى تەكسەرۋدى قاجەت ەتەدى.

قازىر لوزوۆوە اۋىلىندا 37، توبىلجان اۋىلىندا 25، كوۆالەۆكا اۋىلىندا  44، قوزىكەتكەن اۋىلىندا  33 گيدرانت  قۇرىلعىسى ورناتىلعان. ياعني، ءورت گيدرانتتارىن ورناتۋ ءورت سوندىرۋشىلەردىڭ كولىكتەرىن كولىكتەرىنە سۋ تولتىرۋ قاۋىپ-قاتەردى تومەندەتۋگە مۇمكىندىك بەرەدى.

جىل باسىنان بەرى اۋداندا 24 ءورت وقيعاسى، ونىڭ ىشىندە تۇرعىن ءۇي سەكتورىندا 19 ءورت ورىن العان. اۋدان تۇرعىندارىنا ءورت قاۋىپسىزدىگى شارالارىن ءتۇسىندىرۋ ماقساتىندا   اۋداندىق توتەنشە جاعدايلار ءبولىمىنىڭ قىزمەتكەرلەرى ۇيلەردى ارالاپ، ءتۇسىندىرۋ جۇمىستارىن جۇرگىزۋدە.

 

پاۆلودار وبلىسى

سوڭعى جاڭالىقتار

NASA مارسكا قامداندى

تەحنولوگيا • كەشە

ۇقساس جاڭالىقتار