پرەزيدەنت • 05 ماۋسىم، 2020

قاسىم-جومارت توقاەۆ قۇقىق قورعاۋ ورگاندارىنىڭ باسشىلارىمەن كەڭەس وتكىزدى

85 رەت كورسەتىلدى

قازاقستان پرەزيدەنتى وتكىزگەن جيىنعا باس پروكۋراتۋرانىڭ، ىشكى ىستەر مينيسترلىگىنىڭ، ۇلتتىق قاۋىپسىزدىك كوميتەتىنىڭ جانە قاۋىپسىزدىك كەڭەسى اپپاراتىنىڭ باسشىلارى قاتىستى. بۇل تۋرالى اقوردانىڭ ءباسپاسوز قىزمەتى حابارلادى.

قاسىم-جومارت توقاەۆقا قۇقىق قورعاۋ ۆەدومستۆولارىنىڭ جۇمىسى، زاڭنامالاردىڭ ساقتالۋىن قاداعالاۋ تۋرالى ەسەپ بەرىلدى.

مەملەكەت باسشىسى زاڭدىلىقتى كۇشەيتۋ، ەلىمىزدە تۇراقتىلىق پەن قۇقىقتىق ءتارتىپتى ساقتاۋ باعىتىندا قۇقىق قورعاۋ ورگاندارىنىڭ جاۋاپكەرشىلىگى جوعارى ەكەنىن ايتتى. قاسىم-جومارت توقاەۆ ازاماتتاردىڭ قۇقىعى مەن مۇددەسىن قورعاپ، سوزىلىپ بارا جاتقان كوروناۆيرۋس پاندەمياسى كەزىندە ولاردىڭ دەنساۋلىعىن ساقتاۋ ءۇشىن جاعداي جاساۋداعى كۇشتىك قۇرىلىمداردىڭ رولىنە توقتالدى.

سونىمەن قاتار جۇرگىزىلىپ جاتقان ساياسي رەفورمالار بارىسىندا زاڭناما نورمالارىنىڭ رەفورمالانۋى جونىندە جۇرتشىلىققا ەگجەي-تەگجەيلى ءتۇسىندىرۋ جۇمىستارىن ۇيىمداستىرۋ قاجەتتىگىنە ەرەكشە نازار اۋدارىلدى.

سوڭعى جاڭالىقتار

NASA مارسكا قامداندى

تەحنولوگيا • كەشە

ۇقساس جاڭالىقتار