ايماقتار • 05 ماۋسىم، 2020

الماتىنى جاپپاي دەزينفەكتسيالاۋدىڭ ەكىنشى كەزەڭى باستالادى

16 رەت كورسەتىلدى

الماتىنىڭ مەملەكەتتىك باس سانيتارلىق دارىگەرى جانداربەك بەكشيننىڭ تاپسىرماسى بويىنشا ادامدار كوپ جينالاتىن ورىندار مەن قوعامدىق كەڭىستىكتەردى دەزينفەكتسيالاۋ كۇشەيتىلدى.

ەرتەڭنەن باستاپ قالانىڭ بارلىق قوعامدىق ورىندارىنا اۋقىمدى دەزينفەكتسيالاۋ جۇمىستارىن جۇرگىزۋدىڭ جاڭا كەزەڭى باستالماق. ەڭ الدىمەن جۇرت كوپ جينالاتىن الاڭدار، كوشەلەر مەن پاركتەر، سكۆەرلەر، جاياۋ جۇرگىنشى ايماقتارى زالالسىزداندىرىلادى. وسىلايشا، الماتى قالاسى تۇرعىن ءۇي ساياساتى باسقارماسىنىڭ مالىمەتى بويىنشا دەزينفەكتسيا جاساۋ ءۇشىن قالا ورتالىعى شەكتەلەدى.

قاۋىپسىزدىك شارالارى جۇرگىزىلەتىندىكتەن الماتىنىڭ تۇرعىن ءۇي ساياساتى باسقارماسى قالا تۇرعىندارىنان دەزينفەكتورلار مەن ارنايى اۆتوكولىكتىڭ جۇمىستارىنا كەدەرگى كەلتىرمەۋ ءۇشىن ادامدار كوپ جينالاتىن جەرلەردەن اۋلاق بولۋدى سۇرايدى.

الماتىدا كارانتين رەجيمى ەنگىزىلگەن كەزدەن باستاپ قالانىڭ مەملەكەتتىك باس سانيتارلىق دارىگەرىنىڭ تاپسىرماسى بويىنشا قالا تۇرعىندارى اراسىندا كوروناۆيرۋس ينفەكتسياسىنىڭ تارالماۋى ءۇشىن دەزينفەكتسيا جۇمىستارى بارىنشا جۇيەلى جۇرگىزىلىپ كەلەدى.

«كارانتين رەجيمىنىڭ باسەڭدەۋىنە وراي كوروناۆيرۋس ينفەكتسياسىن جۇقتىرعاندار سانىنىڭ ارتقانى بايقالادى. ويتكەنى، قالالىقتار قوعامدىق ورىندار – الاڭدارعا، جاياۋ جۇۇرگىنشى ايماقتارىنا، پاركتەر مەن سكۆەرلەرگە جاپپاي بارۋدا. ونىڭ ۇستىنە سانيتارلىق قاۋىپسىزدىك ەرەجەلەرى ساقتالماۋدا، ماسكا تاعىلماۋدا، الەۋمەتتىك قاشىقتىق ساقتالماۋدا. ادامدار كوپ جينالاتىن ورىندار وتە قاۋىپتى، سەبەبى ۆيرۋس ءتۇرلى زاتتاردىڭ، ورىنداردىڭ بەتتەرىندە ورنىعىپ قالادى»، - دەپ اتاپ ءوتتى الماتىنىڭ تۇرعىن ءۇي ساياساتى باسقارماسىنداعىلار.

دەزينفەكتسيا جاساۋ ءۇشىن قولدانىلاتىندار قاۋپى تومەن 4-ءشى سىنىپتى زاتتار قاتارىنا جاتقانىمەن، 5 ساعات ۇيدەن شىقپاۋ جانە وڭدەلگەن ورىندارعا بارماۋ تالاپ ەتىلەدى. جەكە قاۋىپسىزدىكتى ءارى جاقىن جانداردىڭ، اسىرەسە بالالاردىڭ جانە قارت ادامداردىڭ دەنساۋلىعىن ساقتاۋ ماقساتىندا مۇنداي ورىندارعا دەزينفەكتسيا جاسالعانعا دەيىن جانە ودان كەيىن دە بارماۋدى سۇرايمىز.

قوعامدىق كەڭىستىكتەردى وڭدەۋ جۇمىستارىنا 1200 جۇمىسشى جانە 135 ارنايى تەحنيكا بىرلىگى تارتىلدى.

انىقتاما ءۇشىن: قالادا كارانتين رەجيمى ەنگىزىلگەلى بەرى دەزينفەكتسيالاۋ جۇمىستارى جۇيەلى تۇردە مىنا باعىتتار بويىنشا جۇرۋدە:

تۇرىن ءۇي ساياساتىنىڭ مەردىگەرلىك ۇيىمدارى كوپقاباتتى تۇرعىن ۇيلەردىڭ 24 مىڭ كىرەبەرىستەرى 4 مىڭنان استام اۋلالارىنا اپتاسىنا 2 رەت دەزينفەكتسيا جۇرگىزەدى. جەكسەنبىدەن باسقا كۇندەرى كوپقاباتتى ۇيلەرگە 65 بريگادا قۇرامىنداعى 450-گە جۋىق دەزينفەكتورلار وڭدەۋ جۇمىستارىن جۇرگىزەدى.

كۇن سايىن شامامەن 75 مىڭ ليتر دايىن ەرىتىندى پايدالانىلادى جالپى قازىردىڭ وزىندە 4،3 ملن ليتردەن استام دايىن ەرىتىندى قولدانىلدى.

ەرتەڭ دەزينفەكتسيالىق وڭدەۋدىڭ 21 كەزەڭى اياقتالادى. بۇل جۇمىس ودان ءارى جالعاساتىن بولادى.

وشاقتى كىرەبەرىستەر دە كۇن سايىن وڭدەلەدى، ونى ءار اۋداندا جەكە بولىنگەن ارقايسىسى 3 ادامنان جۇرگىزەدى.

كوممۋنالدىق قىزمەتتەردىڭ كۇشىمەن ايالدامالار، ۋرنالار، ورىندىقتار، جەر استى جانە جەر ءۇستى وتپەلى جولدار، مەديتسينا مەكەمەلەرىنىڭ جانە باسقالارىنىڭ اينالاسى وڭدەلەدى. بۇلاردان وزگە، 85 دەزينفەكتور كۇن سايىن كونتەينەرلى الاڭداردى وڭدەيدى.

كەستەگە ساي كونتەينەر الاڭدارى كەزەڭمەن زالالسىزداندىرىلادى.

قوعامدىق كەڭىستىكتەر دەزينفەكتسيالىق وڭدەۋدەن وتۋدە. جالپى، تج رەجيمى باستالعان كەزدەن بەرى 27 ملن 250 مىڭ دايىن دەزينفەكتسيالىق ەرىتىندى قولدانىلدى، سكۆەرلەردى، پاركتەردى، جاياۋ جۇرگىنشى ايماقتارى مەن باسقا ورىنداردى وڭدەۋ ءۇشىن كۇنىنە ورتا ەسەپپەن 500 مىڭ ليتر ەرىتىندى جۇمسالدى.

سوڭعى جاڭالىقتار

NASA مارسكا قامداندى

تەحنولوگيا • كەشە

ۇقساس جاڭالىقتار