قازاقستان • 05 ماۋسىم، 2020

سپورت پەن مادەنيەت سالاسى قىزمەتكەرلەرىنە جاعداي جاساۋ باستى نازاردا

70 رەت كورسەتىلدى

بۇل تۋرالى مادەنيەت جانە سپورت مينيسترى اقتوتى رايىمقۇلوۆا حالىققا ونلاين ەسەپ بەرۋ جيىنىندا ايتتى.

«بۇگىنگى كۇنى مينيسترلىك ءوز جۇمىسىندا ەلباسىنىڭ «رۋحاني جاڭعىرۋ» جانە « ۇلى دالانىڭ جەتى قىرى» ماقالالارىن، مەملەكەت باسشىسىنىڭ «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى جولداۋىنىڭ، قازاقستان رەسپۋبليكاسىنداعى تۋريزم، تىلدەردى دامىتۋ باعدارلامالارىن باسشىلىققا الادى. ەلىمىزدىڭ تۇڭعىش پرەزيدەنتى – ەلباسى نۇرسۇلتان ءابىش ۇلى نازارباەۆتىڭ «مادەنيەتى جوعارى، تاريحي تانىمى ورنىقتى، ويى سەرگەك ەلدىڭ رۋحى دا بيىك» دەگەن ءسوزىن نەگىزگە الساق، مادەنيەت پەن ونەردىڭ، سپورت پەن ءتۋريزمنىڭ ەل دامۋىنداعى، مەملەكەتتىڭ مارتەبەسىن ارتتىرۋداعى، تاۋەلسىز قازاقستاندى تانىتۋداعى ۇلەسى وراسان ەكەنى ءسوزسىز»، - دەدى ول.

سونداي-اق، ول مادەنيەت جانە سپورت قىزمەتكەرلەرىنىڭ ءال-اۋقاتىن ارتتىرۋ، مينيسترلىك جۇمىسىنىڭ نەگىزگى باعىتتارىنىڭ ءبىرى ەكەنىن اتاپ ءوتتى.

«مەملەكەت باسشىسىنىڭ جولداۋىن ىسكە اسىرۋ شەڭبەرىندە 2020 جىلدىڭ 1 قاڭتارىنان باستاپ مادەنيەت جانە ونەر ۇيىمدارى قىزمەتكەرلەرىنىڭ جالاقىسى رەسپۋبليكالىق دەڭگەيدە 50 پايىزعا، ول ورتا ەسەپپەن العاندا 96 مىڭنان 139 مىڭ تەڭگەگە دەيىن، وڭىرلەردە 35 پايىزعا، سايكەسىنشە 96 مىڭنان 126 مىڭ تەڭگەگە دەيىن ءوستى. جالپى، مۇنداي ءوسىم شامامەن 34 مىڭ ادامدى قامتىدى. سونداي-اق، 2020 جىلدىڭ باسىنان باستاپ كاسىپتىك قىزمەتىن توقتاتقان جانە كاسىبي ەڭبەك ءوتىلى كەمىندە 20 جىل بولاتىن  بالەت ارتىستەرىنە اي سايىن سوڭعى 3 جىلدىق ورتاشا جالاقىسىنىڭ 60 پايىزعا دەيىنگى مولشەرىندە تولەمدەر بەرىلەتىن بولدى»، - دەدى مينيستر.

سوڭعى جاڭالىقتار

ۇقساس جاڭالىقتار