ۆيرۋستى جۇقتىرعانداردىڭ بارلىعى تسەلينوگراد اۋدانىنىڭ قاراوتكەل كەنتىندەگى ءبىر ءۇي وشاعىنان انىقتالدى.
ولار — 1964 جىلعى ەر ادام, 1991 جىلعى ايەل ادام جانە 2011, 2014, 2019 جىلدارى تۋعان بالالار. بارلىعىنان سىنامالار بۇعان دەيىن كوروناۆيرۋستى جۇقتىرعان اداممەن جاقىن بايلانىستا بولعانى ءۇشىن ەپيدەميولوگيالىق كورسەتكىشتەر بويىنشا الىندى. ولار بەكىتىلگەن حاتتاماعا سايكەس ەمدەلۋ ءۇشىن كوكشەتاۋ قالاسىنىڭ اوتقد جىبەرىلەدى.
ءۇي وشاعىندا ەپيدەمياعا قارسى ءىس-شارالار ورىندالدى. جاقىن جانە الەۋەتتى بايلانىستا بولعان ادامداردى انىقتاۋ بويىنشا سانيتاريالىق-ەپيدەميولوگيالىق تەكسەرۋ جۇمىستارى ۆيرۋستى جۇقتىرعانداردىڭ تۇرعىلىقتى جەرى مەن جۇمىس ورنى بويىنشا جاسالادى.
وتكەن تاۋلىكتەگى جاعداي بويىنشا وبلىستا COVID-19 ينفەكتسياسىمەن جالپى 172 ادام تىركەلگەن, ولاردىڭ ىشىندە 138 ادام ەمدەلىپ شىققان.
