تەستىلەۋدى ورىندايتىن وپەراتور رەتىندە جەكە زەرتحانالاردىڭ بىرەۋى تاعايىندالدى.
ەكسپرەسس-تەستتەن ءوتۋ ءۇشىن cdl.kz سايتىندا ساۋالناما تولتىرۋ قاجەت. دەنساۋلىق ساقتاۋ مينيسترلىگىنىڭ ەپيدەميولوگتارى ەپيدەميلوگيالىق ولشەمدەر نەگىزىندە ساۋالنامالاردى ىرىكتەپ الادى. سودان كەيىن, بايلانىس-ورتالىقتىڭ وپەراتورلارى پاتسيەنتپەن بايلانىسىپ ءار پاتسيەنتكە ەمشارا كابينەتىنە كەلۋ ۋاقىتىن جەكە تاعايىندايدى.
قاۋىپسىزدىك شارالارىن ساقتاۋ ماقساتىندا پاتسيەنت بەلگىلى ەرەجەلەردى ساقتاۋى ءتيىس, ولار:
- ناتيجەنى الۋ ءۇشىن ەلەكتروندىق پوشتانى كورسەتۋ;
- قاتاڭ تۇردە كورسەتىلگەن ۋاقىتتا كەلۋ;
- بەتپەردە كيىپ كەلۋ;
- ەمشارا كابينەتى كەلۋشىلەرىنىڭ اراسىندا 1,5-2 مەتر اراقاشىقتىقتى ساقتاۋ.
ەكسپرەسس-تەستتىلەۋ كوروناۆيرۋسقا دەگەن يممۋندىق جۇيەنىڭ اسەرىن باعالاپ, بارماقتان الىنعان قاندا IgM جانە IgG كلاسستى ەرەكشە قارسى دەنەلەردى انىقتايدى.
- IgM قارسى دەنەلەر ءبىرىنشى بولىپ قالىپتاسادى, ىندەت جۇققاننان كەيىن 7-10 كۇن ارالىعىندا پايدا بولادى.
- IgG قارسى دەنەلەر كەيىن قالىپتاسادى, ول ىندەتپەن اۋىرعان ءارى وعان قارسى قالىپتاسقان يممۋندىق جاۋاپتىڭ بەلگىسى بولىپ تابىلادى.
ەكسپرەسس-تەستىلەۋدىڭ ناتيجەسى تالداۋ تاپسىرعاننان كەيىن 15 مينۋتتا ۇسىنىلىپ, ساۋالناما تولتىرعان كەزدە كورسەتكەن ەلەكتروندىق پوشتاعا جىبەرىلەدى.
ماڭعىستاۋ وبلىسى
