مونيتورينگتىك توپ بۇل جولى بوستاندىق اۋدانىنىڭ اۋماعىنداعى 17 كاسىپكەرلىك سۋبەكتىسىن تەكسەردى.
ولاردىڭ اراسىندا: «ميمينو», «Del papa», «Party Pizza», «حاچاپۋري ي ۆينو», «سۋشي راي», «حاچاپۋري» مەيرامحانالارى; «ماروككو», «مامي» سۇلۋلىق سالوندارى; «راۋشان», «شاعىنماركەت», ء«مولدىر», «ماگنيت» ازىق-ت ۇلىك دۇكەندەرى; «تيراميسۋ» كونديتەرلىك دۇكەنى; «اكۆاستارس» سپورتتىق-ساۋىقتىرۋ باسسەينى; Mon Amie ءسۇ; Kaspi بانك بولىمشەسى; «ەۆروفارما» ءدارىحاناسى بار.
تەكسەرۋ بارىسىندا ەكى نىساننان – «راۋشان» ازىق-ت ۇلىك دۇكەنى مەن «ميمينو» مەيرامحاناسىنان ماسكا تاعۋ رەجيمىنىڭ ورىندالماۋى, تەپلوۆيزورلاردىڭ جوقتىعى مەن الەۋمەتتىك قاشىقتىقتىڭ ساقتالماۋىنا قاتىستى ءتارتىپ بۇزۋشىلىقتار انىقتالدى. سوعان بايلانىستى ءتيىستى تۇسىندىرمەلەر مەن كەڭەستەر بەرىلدى. 
مونيتورينگتىك توپتار جۇمىسىن باستاعالى قالادا بارلىعى 2 167 نىسان تەكسەرىلدى, ولاردىڭ 125-دە الماتى قالاسىنىڭ باس مەملەكەتتىك سانيتار دارىگەرىنىڭ قاۋلىسىندا بەكىتىلگەن تالاپتاردىڭ بۇزىلعانى انىقتالعان. وسىعان بايلانىستى, 69 نىساننىڭ (ونىڭ ىشىندە 56-سى نىسان باسشىلىعىنىڭ شەشىمىمەن) جۇمىسى توقتاتىلىپ, نىسانداردا ورەسكەل ءتارتىپ بۇزۋشىلىققا قاتىستى 72 اكىمشىلىك حاتتاما تولتىرىلعان.
مونيتورينگتىك توپتىڭ قۇرامىنا تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ اۋداندىق بولىمدەرىنىڭ, كاسىپكەرلىكتى دامىتۋ قىزمەتكەرلەرى, پوليتسيا قىزمەتكەرلەرى, سونىمەن بىرگە, باق وكىلدەرى ەنگەن.
الداعى ۋاقىتتا بۇل جۇمىستار جالعاسىن تابادى.
