ايماقتار • 03 ماۋسىم، 2020

شىمكەنتتە تۋريستەرگە ارنالعان 6 اقپاراتتىق دۇڭگىرشەك اشىلدى

11 رەت كورسەتىلدى

شىمكەنت قالاسىندا وتاندىق جانە شەتەلدىك تۋريستەرگە ءۇش تىلدە قىزمەت كورسەتەتىن تۋريستەرگە ارنالعان اقپاراتتىق دۇڭگىرشەكتەر اشىلدى. 

عيماراتتار «اربات» جاياۋ جۇرگىنشىلەر ايماعى مەن «تاۋەلسىزدىك» جانە  «اباي» ساياباقتارىندا، «ناۋرىز الاڭى» مەن اۋەجايدا جانە تەمىر جول ۆوكزالىندا ورنالاسقان.

تۋريستىك دۇڭگىرشەك قىزمەتكەرلەرى كەلۋشىلەرگە مەگاپوليستىڭ تۋريستىك الەۋەتى تۋرالى كاسىبي كەڭەس بەرە وتىرىپ، قالامىزدىڭ كورىكتى جەرلەرى مەن مادەني وقيعالارى تۋرالى،  تۋريستىك مارشرۋتتارى جانە مادەني-بۇقارالىق ءىس-شارالاردىڭ انونستارى تۋرالى تولىق اقپاراتتى ءبىر تەرەزە ءپرينتسيپى بويىنشا ۇسىنادى. ايتا كەتەتىن جايت، ورتالىقتاعى بارلىق اقپاراتتىق قىزمەت تۇرلەرى تەگىن كورسەتىلەدى. 

بۇدان بولەك، دۇڭگىرشەك تاراپىنان تۇرعىندار مەن قوناقتارعا الدىن-الا جازىلۋ بويىنشا (10 ادامنان ارتىق ەمەس) تەگىن ەكسكۋرسيالىق قىزمەت (18.00 مەن 20.00 ارالىعىندا) كورسەتىلەتىن بولادى. 

تۋريزم باسقارماسىنىڭ مالىمەتىنشە، بۇگىنگى تاڭدا قالادا تۋريستىك مارشرۋتتار تولىعىمەن دايىندالعان. بولاشاقتا ءار-ءتۇرلى تۋريستىك باعىتتاعى مارشرۋتتار ازىرلەنىپ، جەتىلدىرۋ بويىنشا اۋقىمدى جۇمىستار جۇرگىزىلمەك.

«الداعى ۋاقىتتا دۇڭگىرشەكتەرىمىزدەن كەز كەلگەن ادام قالا اۋماعىنداعى بارلىق قوناقۇيلەر مەن مەيرامحانالار، قولجەتىمدى ەمدەۋ ورتالىقتارى، ونداعى باعالار مەن قىزمەت تۇرلەرىمەن قوسا، باسقادا اقپاراتتار جايلى تولىق مالىمەت الا الادى»،-دەيدى باسقارما مامانى.

تۋريستتىك دۇڭگىرشەك كەلۋشىلەرگە دۇيسەنبى-جۇما كۇندەرى، ساعات 09.00 دەن-19.00-گە دەيىن قىزمەت كورسەتەدى.

سوڭعى جاڭالىقتار

NASA مارسكا قامداندى

تەحنولوگيا • كەشە

ۇقساس جاڭالىقتار