پارلامەنت • 03 ماۋسىم، 2020

سەناتورلار قىلمىستىق زاڭنامانى جەتىلدىرۋ ماسەلەسىن قارادى

4 رەت كورسەتىلدى

سەناتتىڭ كونستيتۋتسيالىق زاڭناما، سوت جۇيەسى جانە قۇقىق قورعاۋ ورگاندارى كوميتەتىنىڭ كەڭەيتىلگەن وتىرىسى ءوتتى. وندا اكىمشىلىك راسىمدىك-پروتسەستىك كودەكستىڭ جوباسىن جانە وعان قاتىستى وزگە دە زاڭنامالىق اكتىلەرگە ەنگىزىلەتىن وزگەرىستەر قارالدى.

سەناتورلار سونداي-اق اتقارۋشىلىق ءىس جۇرگىزۋ مەن قىلمىستىق زاڭنامانى جەتىلدىرۋگە باعىتتالعان وزگەرىستەر مەن تولىقتىرۋلاردى تالقىلادى. بۇل تۋرالى سەناتتىڭ ءباسپاسوز قىزمەتى حابارلادى.

كودەكستى بەكىتۋدەگى نەگىزگى ماقسات – ازاماتتاردىڭ باسقارۋشىلىق شەشىمدەردى قابىلداۋ پروتسەسىنە شىنايى قاتىسۋىنا مۇمكىندىك بەرەتىن كەپىلدەمەلەردى بەكىتۋ، بيلىك ورگاندارىمەن داۋ-داماي تۋىنداعان جاعدايدا جانە ونى قاراۋ كەزىندە ازاماتتاردىڭ قۇقىعىن قورعاۋدىڭ ءتيىمدى تەتىكتەرىن ايقىنداۋ بولىپ وتىر.

اكىمشىلىك راسىمدىك-پروتسەستىك كودەكستى قابىلداۋ ەلىمىزدىڭ وزگە دە زاڭنامالىق اكتىلەرىنە وزگەرىستەر مەن تولىقتىرۋلار ەنگىزۋدى قاجەت ەتەدى. وسى سەبەپتى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قازاقستان رەسپۋبليكاسىنىڭ اكىمشىلىك راسىمدىك-پروتسەستىك زاڭناماسى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىنا سايكەس 75 زاڭعا، ونىڭ ىشىندە 10 كودەكسكە تۇزەتۋلەر ەنگىزىلەتىن بولادى.

سەناتورلار سونىمەن قاتار پارلامەنت دەپۋتاتتارى باستاماشى بولعان اتقارۋشىلىق ءىس جۇرگىزۋ جانە قىلمىستىق زاڭنامانى جەتىلدىرۋ ماسەلەسىن قارادى.

زاڭ جوباسىنىڭ نەگىزگى ماقساتتارىنىڭ ءبىرى – جالا جابۋ بابىن دەكريميناليزاتسيالاۋ بولىپ تابىلادى. ەلىمىزدىڭ پرەزيدەنتى ق.توقاەۆ ۇلتتىق قوعامدىق سەنىم كەڭەسىنىڭ وتىرىسىندا قىلمىستىق كودەكستىڭ 130-بابىن دەكريميناليزاتسيالاۋ تۋرالى شەشىمنىڭ قابىلدانۋىنا باستاماشى بولعانى بەلگىلى.

اتالعان زاڭ جوباسى ازاماتتار مەن زاڭدى تۇلعالاردىڭ اتقارۋشىلىق ءوندىرىس كەزىندەگى قۇقىعىن قورعاۋدى جانە ىسكە اسىرۋدى، م ۇلىكتىك قۇقىقتارىن قورعاۋدى قامتاماسىز ەتەدى، سونداي-اق قىلمىستىق جانە اكىمشىلىك زاڭنامانى جەتىلدىرۋگە ىقپال ەتەدى.

زاڭ جوبالارىن قاراۋ ناتيجەسىندە كوميتەت توراعاسى ۆلاديمير ۆولكوۆ ولاردىڭ قابىلدانۋى سوت ورىنداۋشىلارى قىزمەتىنىڭ قارقىندى دامۋىن قامتاماسىز ەتەتىنىن، ءماجبۇرلى ورىنداۋدىڭ جانە كونستيتۋتسيالىق ءسوز بوستاندىعىنىڭ ىسكە اسىرىلۋ تيىمدىلىگىن ارتتىراتىنىن، بۇل ءوز كەزەگىندە ەلىمىزدەگى دەموكراتيالىق پروتسەستەردىڭ دامۋىنا وڭ ىقپال ەتەتىنىن اتاپ ءوتتى.

زاڭ جوبالارى پالاتا وتىرىسىنا جولداندى.

سوڭعى جاڭالىقتار

NASA مارسكا قامداندى

تەحنولوگيا • كەشە

ۇقساس جاڭالىقتار