«جوبانىڭ نەگىزگى ناتيجەسى - 6 مىڭنان استام مۇعالىمدى دايارلاۋ جانە قورشاعان ورتانى قورعاۋ, تابيعاتتى پايدالانۋ جانە ەكولوگيالىق جانە ەكونوميكالىق قاۋىپسىزدىك سالاسىنداعى وقۋ-ادىستەمەلىك قۇرالداردى قۇرۋ», - دەدى مايرا مەلدەبەكوۆا, قر بعم مەكتەپكە دەيىنگى جانە ورتا ءبىلىم كوميتەتىنىڭ ءتورايىمى.
جوبا اياسىندا ءتۇرلى دەڭگەيدەگى 17 ءبىلىم بەرۋ ۇيىمدارى رەسۋرستاردى ۇنەمدەيتىن جاسىل تەحنولوگيالارمەن جابدىقتالادى. مەكتەپكە دەيىنگى ءبىلىم بەرۋدى ۇيىمداستىرۋ ءۇشىن ەكولوگيالىق مادەنيەت تۋرالى ادىستەمەلىك ماتەريالدار دايىندالادى. سونداي-اق, «الەمدى تانۋ» ءپانى بويىنشا 1-4 سىنىپ وقۋشىلارى تاقىرىپتىق تاقتا ويىندارى مەن ينتەراكتيۆتى ۆيدەو ساباقتاردى پايدالانا الادى.
بىرلەسكەن باستاما بارلىق دەڭگەيلەردەگى مەملەكەتتىك ءبىلىم جۇيەسىنىڭ اجىراماس بولىگى بولاتىن تۇراقتى دامۋ ءۇشىن ۇزدىكسىز ەكولوگيالىق ءبىلىم بەرۋدىڭ كەشەندى مودەلىن قۇرۋدان باستالادى.
«جوبا تابيعات رەسۋرستارىن ءتيىمدى پايدالانۋ, مەملەكەتتى تولىققاندى جانە تۇراقتى دامىتۋ جانە زاڭنامانى جەتىلدىرىپ, قازاقستاننىڭ ءبىلىم بەرۋ جۇيەسىنە ەكولوگيالىق ءبىلىم بەرۋدى قوسۋعا ارنالعان قۇقىقتىق شەڭبەردى قالىپتاستىرۋ ءۇشىن قاجەتتى قوعامنىڭ ەكولوگيالىق جاۋاپكەرشىلىگىن قالىپتاستىرۋعا باعىتتالعان», - دەپ مالىمدەدى ياكۋپ بەريش, بۇۇدب-نىڭ قازاقستانداعى تۇراقتى وكىلى.
ەكولوگيالىق ءبىلىم كليماتتىڭ وزگەرۋى, بيوارتۇرلىلىكتى ساقتاۋ, راتسيونالدى تۇتىنۋ جانە ءوندىرۋ سياقتى جاھاندىق تۇراقتى دامۋ كۇن ءتارتىبىنىڭ ماڭىزدى اسپەكتىلەرىن قامتيدى.
جوبانى جۇزەگە اسىرۋدا ەكولوگيا, گەولوگيا جانە تابيعي رەسۋرستار مينيسترلىگى مەن حالىقارالىق جاسىل تەحنولوگيالار جانە ينۆەستيتسيالىق جوبالار ورتالىعى (2020-2024 جج.) قولداۋ كورسەتەدى.
