قازاقستان • 03 ماۋسىم، 2020

تۋريزم دامىسىن دەسەك...

17 رەت كورسەتىلدى

تۋريزم سالاسىن جولعا قويا بىلگەن ەلدەردىڭ ۇلگىسىندە اتالعان سەكتور مەن مەملەكەتتىڭ جۇدىرىقتاي جۇمىلىپ جۇمىس ىستەگەنىن كورۋگە بولادى. ەڭ باستىسى تۋريزم سالاسىنداعى كاسىپكەرلىك پەن مەملەكەتتىڭ قولعا العان جوبالارى ءبىرىنىڭ جىرتىعىن ءبىرى جاماۋعا دايىن. «حان ءتاڭىرى» حالىقارالىق الپينيستىك لاگەردىڭ اتقارۋشى ديرەكتورى داۋرەن ۋاليەۆ بىزدەگى ىشكى تۋريزم سالاسىندا مەملەكەت پەن بيزنەس اراسىندا ءالى كۇنگە دەيىن ديالوگ ورناتىلماعانىن ايتادى.

̶  بىزدە تۋريزم سالاسى ءىجو-ءنىڭ 8% -ىن قۇراۋى ءتيىس دەگەن مەجە بار. وعان جەتۋ ءۇشىن ناقتى ۇكىمەت تاراپىنان ءىس-شارالار جوسپارى قابىلدانۋى ءتيىس. كوپتەگەن پروبلەمالاردى ءوزىمىز شەشەمىز، بىراق تەك ۇكىمەتتىڭ عانا قۇزىرەتىنە جاتاتىن ۆيزالىق رەجيم، كوشى-قون رەجىمى، ماركەتينگ، كورشىلەس ەلدەرمەن ۋاعدالاستىق سىندى ماسەلەلەر بار. بىزدە مەملەكەتتىك ورگانداردىڭ بيزنەسپەن جۇيەلى جۇمىسى رەتكە كەلمەگەن. بارلىق جشس مەن جك دايىنداعان ۇسىنىستار جاي عانا باسىپ شىعارىلادى دا كەيىن ودان ستراتەگيا جاساپ شىعارادى. بۇل تەك جينالعان ۇسىنىستاردىڭ جيىندىعى عانا. ونىڭ ىشىندە ماڭىزدىسى قايسى، نەنى الىپ، نەنى الماۋ كەرەكتىگىنە ءمان بەرىلمەيدى. تۇركيادا سەزون ۋاقىتى باستالار الدىندا، سوسىن اياقتالعان سوڭ كاسىپكەرلەر مەن مەملەكەتتىك ورگاندار باس قوسىپ، تۇيىتكىلدى ماسەلەلەردى تالقىلايدى. بۇل باسقوسۋدا ورتاق جۇيە قالىپتاسىپ، بارلىق مۇمكىندىكتەر ەكى تاراپتان ورتاعا سالىنادى، ̶  دەيدى «حان ءتاڭىرى» حالىقارالىق الپينيستىك لاگەردىڭ اتقارۋشى ديرەكتورى.

مەملەكەتتىڭ ءتۋريزمدى قولداۋ شارالارىنىڭ ىشىندە قوعامدىق تاماقتانۋ، قوناق ءۇي جانە تۋريستىك قىزمەت سالاسىنىڭ قىزمەتكەرلەرى م ۇلىككە سالىناتىن سالىقتاردان بوساتىلىپ وتىر. بۇعان قوسا، شاعىن جانە ورتا كاسىپكەرلىك وكىلدەرى ءۇشىن بارلىق سالىقتار مەن بيۋدجەتكە تولەنەتىن باسقا دا مىندەتتى تولەمدەر، سونداي-اق الەۋمەتتىك تولەمدەر بويىنشا 2020 جىلدىڭ 1 ماۋسىمىنا دەيىن تولەۋ مەرزىمىن ۇزارتۋ ۇسىنىلدى. سونىمەن قاتار، «بيزنەستىڭ جول كارتاسى – 2025» جانە «قاراپايىم زاتتاردىڭ ەكونوميكاسى» باعدارلامالارى بويىنشا نەسيە الۋدىڭ پايىزدىڭ مولشەرلەمەسى 6% - دى قۇرايدى. مەملەكەتتىك باعدارلامالار ءتيىمدى ۇسىنىستار ۇسىنعانىمەن قازىرگى جاعدايدا تۋريزم سالاسىنا بانكتەر تاراپىنان سەنىم ازايعان. SkyWay Travel ديرەكتورى اسەم قوزباعاروۆا پاندەميا سالدارىنان كوپتەگەن تۋريستىك كومپانيالاردىڭ جاپپاي جابىلىپ جاتقانىن، جاڭادان كاسىپ اشۋعا نيەت بىلدىرگەندەرگە بانكتەر سەنىم ارتپايتىنىن ايتادى.

 

سوڭعى جاڭالىقتار

جەزقازعاندا دارىگەر جەتىسپەيدى

ايماقتار • بۇگىن، 16:22

اقش COVID-19 ۆاكتسيناسىن سىناپ كوردى

كوروناۆيرۋس • بۇگىن، 15:40

اككۋمۋلياتور ۇرلىعى اشىلدى

ايماقتار • بۇگىن، 11:09

بار مەن جوقتىڭ اراسى...

ايماقتار • بۇگىن، 07:55

قامشى فيلوسوفياسى

رۋحانيات • بۇگىن، 07:49

«ءبىز ونلاين كانيكۋلدا...»

ايماقتار • بۇگىن، 07:43

ەۋروكۋبوككە قاتىسادى

فۋتبول • بۇگىن، 07:30

بيىلعى ماۋسىمنان شەت قالا ما؟

حوككەي • بۇگىن، 07:28

كەلەشەگى كەمەل باستاما

ءبىلىم • بۇگىن، 07:24

تالىمگەرلىككە ءازىر

رۋحانيات • بۇگىن، 07:21

كاسىپكەرلەر كومەككە كەلدى

قوعام • بۇگىن، 07:18

تاريحي مۇرانى زەرتتەۋگە كىرىستى

ەڭ قىسقا اڭگىمە • بۇگىن، 07:16

ۇقساس جاڭالىقتار