قوعام • 03 ماۋسىم، 2020

«جاڭا كاسىپتەر اتلاسى» جوباسىن دامىتۋعا قولداۋ كورسەتەدى

6 رەت كورسەتىلدى

كاسىپوداقتار فەدەراتسياسى (كركف) «جاڭا كاسىپتەردىڭ اتلاسى» جوباسى بويىنشا زەرتتەۋلەرگە قولداۋ كورسەتەدى. فەدەراتسيانىڭ ورتالىق كەڭسەسىندە وتكەن كەزدەسۋدە كاسىپوداقتار فەدەراتسياسىنىڭ توراعاسى ساتىبالدى داۋلەتالين مەن اتالعان جوبا جەتەكشىسى، BTS Education كومپانياسىنىڭ باس ديرەكتورى ساياسات نۇربەك وسىنداي ۋاعدالاستىققا كەلدى.

قازاقستان رەسپۋبليكاسى كاسىپوداقتار فەدەراتسياسىنىڭ توراعاسى ساتىبالدى داۋلەتالين ءوندىرىس پروتسەستەرىنە جاڭا تەحنولوگيالاردى ەنگىزۋگە بايلانىستى جۇمىس ورىندارىنىڭ بوساۋى ۇلعايۋى مۇمكىن. سوندىقتان «جاڭا كاسىپتەر اتلاسى» جوباسىنىڭ ماڭىزى زور دەپ اتاپ ءوتتى. مۇناي باعاسىنىڭ قۇلدىراۋىنان جانە كوروناۆيرۋستىق پاندەميا كەسىرىنەن تۋىنداعان ەكونوميكالىق قيىن كەزەڭ دە جاعدايعا تۇزەتۋلەر ەنگىزۋدە. ونىڭ ايتۋىنشا، حالىقارالىق ەڭبەك ۇيىمىنىڭ (حەۇ) زەرتتەۋلەرىنە سايكەس، «COVID-19 پاندەمياسىنان تۋىنداعان ەكونوميكا مەن ەڭبەك نارىعىنداعى داعدارىس الەم بويىنشا  شامامەن 25 ميلليون ادامنىڭ جۇمىسسىز قالۋىنا الىپ كەلۋى مۇمكىن».

«جاڭا كاسىپتەردىڭ اتلاسى» جوباسىنىڭ دامۋى تۋرالى اڭگىمەلەي كەلە، ساياسات نۇربەك قركف -  قازاقستانداعى ەڭبەك نارىعىنا قاتىسى بار ەڭ ءىرى قوعامدىق ۇيىم دەپ اتاپ ءوتتى. جوبا باستاماشىلارىنىڭ ەكونوميكانىڭ توعىز نەگىزگى سالاسىندا جۇرگىزگەن زەرتتەۋلەرى جاقىن بولاشاقتا قازاقستاننىڭ ەڭبەك نارىعىندا سۇرانىسقا يە بولاتىن جاڭا ماماندىقتاردى بولجاۋعا مۇمكىندىك بەرەدى. ساياسات نۇربەكتىڭ ايتۋىنشا، قازاقستان رەسپۋبليكاسى كاسىپوداقتار فەدەراتسياسىنىڭ باستاۋىش جانە سالالىق كاسىپوداق بىرلەستىكتەرى ارقىلى جان-جاقتى زەرتتەۋ جۇرگىزۋگە قولداۋ ءبىلدىرۋى  ەڭبەك نارىعىنداعى ماماندىقتارعا دەگەن ناقتى سۇرانىستى كورسەتىپ بەرەدى.

قركف توراعاسى ساتىبالدى داۋلەتالين كاسىپوداقتاردىڭ بۇل جوبادان تىس قالا المايتىنىن اتاپ ءوتتى. سەبەبى جۇمىسپەن قامتۋ جانە جاڭا جۇمىس ورىندارىن قۇرۋ پروبلەمالارى قركف-دا باسىمدىققا يە.

«بۇل جوبا الەۋمەتتىك ارىپتەستەرگە ۋاقىت وتكەن سايىن سىرتقى جانە ىشكى الەۋمەتتىك-ەكونوميكالىق فاكتورلاردى ەسكەرە وتىرىپ، ەڭبەك نارىعى قالاي وزگەرەتىنىن جانە جاڭا ماماندىقتارعا جۇمىسشىلاردى قايتا دايارلاۋ ءۇشىن قاجەتتى بازانى قالاي قۇرۋعا بولاتىندىعىن بولجاۋعا كومەكتەسەدى. جۇمىس ورىندارىن ساقتاۋ جانە جاڭالارىن قۇرۋ كاسىپوداقتار جۇمىسىنداعى ماڭىزدى باسىمدىق بولىپ تابىلادى »، - دەدى ساتىبالدى داۋلەتالين.

كەزدەسۋدەن كەيىن قازاقستان رەسپۋبليكاسى كاسىپوداقتار فەدەراتسياسىنىڭ توراعاسى بارلىق ەنشىلەس كاسىپوداق ۇيىمدارى «جاڭا كاسىپتەردىڭ اتلاسى» جوباسىن زەرتتەۋدى جۇزەگە اسىرۋعا قوسىلاتىنىن اتاپ ءوتتى.

سوڭعى جاڭالىقتار

جەزقازعاندا دارىگەر جەتىسپەيدى

ايماقتار • بۇگىن، 16:22

اقش COVID-19 ۆاكتسيناسىن سىناپ كوردى

كوروناۆيرۋس • بۇگىن، 15:40

اككۋمۋلياتور ۇرلىعى اشىلدى

ايماقتار • بۇگىن، 11:09

بار مەن جوقتىڭ اراسى...

ايماقتار • بۇگىن، 07:55

قامشى فيلوسوفياسى

رۋحانيات • بۇگىن، 07:49

«ءبىز ونلاين كانيكۋلدا...»

ايماقتار • بۇگىن، 07:43

ەۋروكۋبوككە قاتىسادى

فۋتبول • بۇگىن، 07:30

بيىلعى ماۋسىمنان شەت قالا ما؟

حوككەي • بۇگىن، 07:28

كەلەشەگى كەمەل باستاما

ءبىلىم • بۇگىن، 07:24

ۇقساس جاڭالىقتار