اشم ەلدىڭ ەپيزووتيالىق جانە فيتوسانيتاريالىق سالاماتتىلىعىن قامتاماسىز ەتۋ جانە قازاقستاندىق اۋىل شارۋاشىلىعى ونىمدەرىن وتكىزەتىن ەكسپورتتىق نارىقتار اشۋ بويىنشا جۇيەلى جۇمىس جۇرگىزۋدە.
«ورتالىق-وبلىس-اۋدان» قاعيداتى بويىنشا ۆەتەريناريالىق باقىلاۋ ۆەرتيكالى زاڭنامالىق دەڭگەيدە قالپىنا كەلتىرىلدى, بۇل باقىلاۋعا جاتاتىن ونىمدەر قوزعالىسىن باقىلاۋدى كۇشەيتۋگە جانە ءونىمنىڭ «تاناپتان ۇستەلگە دەيىن» قاداعالانۋىن قامتاماسىز ەتۋگە سەپتىگىن تيگىزەدى.
«وتكەن جىلى قىتايمەن شوشقا ەتىنە, ءسۇت ونىمدەرىنە, جۇنگە قويىلاتىن ۆەتەريناريالىق تالاپتار, زىعىر تۇقىمىنا, بيداي ۇنىنا, قۇراماجەمگە قويىلاتىن فيتوسانيتاريالىق تالاپتار كەلىسىلدى. وسىدان بىرنەشە جىل بۇرىن قىتاي اۋسىل مەن نودۋليارلى دەرماتيت بويىنشا قويعان شەكتەۋلەر الىپ تاستالدى, بۇل ءوز كەزەگىندە قازاقستاندىق ەت ونىمدەرى ءۇشىن قىتاي نارىعىنا قولجەتىمدىلىك بەردى», - دەدى ساپارحان وماروۆ.
سونداي-اق, سويىسقا ارنالعان ءتىرى ءىرى قارا مالدى, سيىر ەتىن, ۇساق مالدىڭ جاناما ونىمدەرىن, تاعامدىق جۇمىرتقانى يرانعا ەكسپورتتاۋعا قويىلاتىن ۆەتەريناريالىق تالاپتار كەلىسىلدى.
«ناتيجەسىندە قازاقستاندىق اگروونەركاسىپتىك كەشەن ونىمدەرىن ەكسپورتتاۋ كولەمى قىتايعا 50,5%-عا, پارسى شىعاناعى ەلدەرىنە 3,2 ەسەگە, ورتالىق ازيا ەلدەرىنە 7,4%-عا, ەۋرازيالىق ەكونوميكالىق وداق ەلدەرىنە 8,2%-عا ۇلعايدى. جالپى, وتكەن جىلى قازاقستاندىق ونىمدەر الەمنىڭ 72 ەلىنە ەكسپورتتالدى. بۇل رەتتە, وتكەن جىلدىڭ قورىتىندىسى بويىنشا اگروونەركاسىپتىك كەشەن ونىمدەرىنىڭ ەكسپورتى 6,4%-عا ۇلعايىپ, 3,3 ملرد اقش دوللارىن قۇرادى», - دەدى مينيستر س. وماروۆ.
