- جىل سايىن ماۋسىم ايىنىڭ العاشقى كۇنىندە حالىقارالىق بالالاردى قورعاۋ كۇنى اتاپ وتىلەدى. بۇل – جاس ۇرپاقتىڭ دەنساۋلىعى مەن قاۋىپسىزدىگىنە, قۇقىقتارى مەن دامۋىنا قاتىستى جاۋاپكەرشىلىكتى ەسكە سالاتىن كۇن. قازاقستان بالالاردىڭ قۇقىقتىقتارىن قورعاۋدىڭ حالىقارالىق جۇيەسىنىڭ دامۋىنا بەلسەندى اتسالىسادى. تاۋەلسىزدىك جىلدارى ءبىز نەگىزگى حالىقارالىق قۇجاتتاردى راتيفيكاتسيالادىق. ونداي ماڭىزدى قۇجاتتاردىڭ ءبىرى – بالا قۇقىقتارى تۋرالى كونۆەنتسيا. بۇۇ بالا قۇقىقتارى جونىندەگى كوميتەتى 70-ءشى سەسسيا كەزىندە ەلىمىزدە بالالاردىڭ قۇقىقتارىن قورعاۋ ماسەلەسى ايتارلىقتاي جەتىلىپ كەلە جاتقانىن اتاپ ءوتتى. مەملەكەت باسشىسى ق. ك. توقاەۆ وسى ماسەلە توڭىرەگىندە بارلىق قاجەتتى شارالاردى قابىلداپ, بالالاردىڭ قۇقىقتىرىن قورعاۋ بويىنشا تاپسىرما بەردى, - دەپ جازدى اسحات ايماعامبەتوۆ.
ونىڭ ايتۋىنشا, بۇگىنگى تاڭدا رەسپۋبليكامىزدا بالالاردىڭ قۇقىقتارىن قورعاۋ ماسەلەلەرىمەن بعم, دسم, ەحاقم, اقدم, ءىىم, مسم جانە تاعى باسقا مينيسترلىكتەر مەن باسقا دا ۇيىمدار اينالىسادى. بۇل رەتتە جەرگىلىكتى دەڭگەيدە ءبىلىم بەرۋ, دەنساۋلىق ساقتاۋ, بالالارعا ارنالعان الەۋمەتتىك قورعاۋ جۇيەسىندە مىڭنان استام ورگان مەن ۇيىم جۇمىس ىستەيدى. ونىڭ ىشىندە بالالاردىڭ قۇقىقتارىن قورعاۋ ماسەلەلەرىمەن اينالىساتىن 300-دەن استام ۇەۇ بار.
