ارمەنيادان اكەلىنگەن كولىكتەردى ۋاقىتشا تىركەۋ باستالدى

ارمەنيادان تەك 2020 جىلدىڭ 1 اقپانىنا دەيىن اكەلىنگەن اۆتوموبيلدەر عانا ۋاقىتشا تىركەۋدەن وتە الادى.

ماڭعىستاۋ وبلىسى پد اكىمشىلىك پوليتسيا باسقارماسىندا تۇسىندىرىلگەندەي, اۆتوكولىك يەلەرىنە 11 946 تەڭگەنى قۇرايتىن ءۇش عانا تولەم جاساۋ كەرەك. بۇل تىركەۋ جارناسى – 695 تەڭگە, تىركەۋ كۋالىگى ءۇشىن تولەم – 3 473 تەڭگە, ءنومىر ءۇشىن تولەم – 7 778 تەڭگە.

سونىمەن, كولىك قۇرالدارىن تىركەۋ ءۇشىن مىنالاردى ۇسىنۋ قاجەت:

– جەكە باسىن كۋالاندىراتىن قۇجات; 0,25 اەك مولشەرىندە مەملەكەتتىك باجدى جانە مەملەكەتتىك باجدى تولەگەنى تۋرالى تۇبىرتەكتەر;

– كولىك قۇرالى (كق) جانە مەملەكەتتىك تىركەۋ نومىرلىك بەلگىسىن (متنب) تىركەۋ تۋرالى ارميان كۋالىگى;

– باسقارۋ قۇرالىن وڭنان سولعا اۋىستىرىلعان جاعدايدا ءاۆتوموبيلدىڭ قاۋىپسىزدىك سەرتيفيكاتى (سبكتس).

مەملەكەتتىك نەمەسە ورىس تىلدەرىنەن باسقا تىلدە جاسالعان قۇجاتتار اۋدارىلىپ, نوتاريۋستىڭ نەمەسە وسىنداي ارەكەتتەردى جاساۋعا ۋاكىلەتتىك بەرىلگەن باسقا ادامنىڭ قولىمەن كۋالاندىرىلۋى كەرەك.

B ءارپى بار 18-ايماقتىڭ سارى نومىرلەرى ارميان اۆتوموبيلدەرىنە بەرىلەدى. قۇجاتتا ۋاقىتشا تىركەلگەن كولىككە تىركەۋ كۋالىگىن بەرگەن كەزدە, «ارنايى تاڭبالار» بولىمىندە «بۇل باسقا ادامعا تىركەۋگە جاتپايدى» دەپ جازىلادى.

تاڭەرتەڭنەن باستاپ اۆتوكولىك يەلەرى ماماندىرىلعان حقكو-نا كەلە باستادى جانە سول ۋاقىتتان بەرى ەكى اۆتوكولىك راسىمدەلدى.