مەديتسينا • 31 مامىر، 2020

دەنساۋلىق ساقتاۋ سالاسىنىڭ الداعى بەسجىلدىققا ارنالعان باعدارلاماسى تانىستىرىلدى

55 رەت كورسەتىلدى

قازاقستاننىڭ دەنساۋلىق ساقتاۋ سالاسىن دامىتۋدىڭ 2020 جىلدىڭ 1 توقسانىنداعى مەملەكەتتىك باعدارلاماسىن جۇزەگە اسىرۋعا ارنالعان قر دەنساۋلىق ساقتاۋ مينيسترلىگى القا ءماجىلىسىنىڭ ەكىنشى وتىرىسى ونلاين رەجيمدە ءوتتى.

ونلاين وتىرىسقا 900-دەن اسا جەردەن قوسىلدى: قر پارلامەنتىنىڭ دەپۋتاتتارى، القا ءماجىلىسى مەن قوعامدىق كەڭەستىڭ مۇشەلەرى، بارلىق وڭىرلەردىڭ دەنساۋلىق ساقتاۋ باسقارما باسشىلارى، ۆەدومستۆوعا قاراستى ۇيىمدار مەن اۋماقتىق دەپارتامەنتتەردىڭ باسشىلارى، قر مەديتسينالىق ۇيىمدارىنىڭ باس دارىگەرلەرى.

 دەنساۋلىق ساقتاۋ مينيسترلىگى القا ءماجىلىسىنىڭ سەكتسيالىق سەسسيالارىندا مەديتسينالىق كومەكتىڭ ساپاسى مەن قولجەتىمدىلىگىن ارتتىرۋ، سونداي-اق وتاندىق دەنساۋلىق ساقتاۋ جۇيەسىن ودان ءارى تۇراقتى دامىتۋ ماسەلەلەرى قارالدى.

 دەنساۋلىق ساقتاۋ جۇيەسىن كادرلىق قامتاماسىز ەتۋ جانە مەديتسينالىق ءبىلىم بەرۋ دەڭگەيى قىزۋ تالقىعا ءتۇستى.

 قازىرگى ۋاقىتتا بارلىق ۆەدومستۆولاردى قوسا ەسەپتەگەندە دەنساۋلىق ساقتاۋ جۇيەسىندە 250 مىڭنان اسا مەديتسينا قىزمەتكەرى جۇمىس ىستەيدى. وتكەن جىلمەن سالىستىرعاندا بۇل كورسەتكىش ورتا ەسەپپەن 2% - عا ءوستى. دەسە دە اۋىلدىق جەرلەردە قالامەن سالىستىرعاندا كادرلىق رەسۋرستاردىڭ تەڭگەرىمسىزدىگى ساقتالۋدا.

اتالعان ماسەلەلەردى شەشۋ ءۇشىن مامانداردىڭ بىلىكتىلىگىن ارتتىرۋ، ولاردى دەنساۋلىق ساقتاۋ سالاسىنىڭ پراكتيكالىق قاجەتتىلىگىنە ساي ماماندىقتار بويىنشا قايتا كۆاليفيكاتسيالاۋ جۇرگىزىلۋدە.

«دەنساۋلىق ساقتاۋ قىزمەتكەرلەرىن ىنتالاندىرۋ مەن بەدەلىن ارتتىرۋ ءۇشىن دەنساۋلىق تۋرالى كودەكس جوباسىنا جەرگىلىكتى ورگانداردىڭ جاس دارىگەرلەردى الەۋمەتتىك قولداۋداعى جاۋاپكەرشىلىك نورمالارى مەن بىلىكتىلىك دەڭگەيىنە سايكەس دەنساۋلىق ساقتاۋ قىزمەتكەرلەرىنىڭ ەڭبەكاقى تولەۋگە قاتىستى كەپىلدىكتەر ەنگىزىلدى. سونىمەن قاتار، مەملەكەت باسشىسىنىڭ تاپسىرماسىنا سايكەس 2023 جىلعا قاراي دەنساۋلىق ساقتاۋ سالاسى قىزمەتكەرلەرىنىڭ جالاقىسىن ەكونوميكاداعى ورتاشا جالاقىدان 2،5 ەسە ارتتىرۋدى قامتاماسىز ەتۋ مەن الەۋمەتتىك قولداۋ شارالارىن كۇشەيتۋ جوسپارلانۋدا».

مەديتسينالىق قىزمەتتەردىڭ ساپاسىن ارتتىرۋ ەلەكتروندىق دەنساۋلىق ساقتاۋ سالاسىن دامىتۋدى جانە قاعازسىز قۇجات اينالىمىنا كوشۋدى تالاپ ەتەدى. دەنساۋلىق ساقتاۋ مينيسترلىگى مەديتسينالىق اقپاراتتىق جۇيەلەردى كەزەڭ-كەزەڭىمەن ەنگىزۋ بويىنشا جۇمىستاردى جالعاستىرۋدا. قازىرگى ۋاقىتتا 85% مەملەكەتتىك جانە 98% جەكە مەنشىك مەديتسينالىق ۇيىمعا مەديتسينالىق اقپاراتتىق جۇيەلەر ەنگىزىلدى.

 قر دەنساۋلىق ساقتاۋ ءمينيسترى ەلجان ءبىرتانوۆ القا ءماجىلىسى وتىرىسىن قورىتىندىلاي كەلە، وتاندىق دەنساۋلىق ساقتاۋ جۇيەسىن كۇشەيتۋ قاجەتتىگىن اتاپ ءوتتى. مينيستر كوروناۆيرۋس پاندەمياسى ءبىزدىڭ جۇيە ءۇشىن تەكسەرىس بولعانىن، قازىر قازاقستاندىقتار ءۇشىن بمسك دەڭگەيىندە مەديتسينالىق قىزمەتتەردىڭ ساپاسى مەن قولجەتىمدىلىگىن ارتتىرۋ ءۇشىن بارلىق كۇش-جىگەردى باعىتتاۋ كەرەك ەكەنىن ايتتى. قازاقستاننىڭ دەنساۋلىق ساقتاۋ جۇيەسى ءاردايىم جاڭا سىن-قاتەرلەرگە دايىن بولۋى ءتيىس.

سوڭعى جاڭالىقتار

ۇرى الىستان كەلمەپتى

ايماقتار • بۇگىن، 10:15

شاشتان شاحمات تاسىن جونادى

تانىم • بۇگىن، 07:44

ونلاين-سورەدە – ويلى كىتاپتار

رۋحانيات • بۇگىن، 07:42

دارىگەرلەرگە كولىك سىيلادى

وقيعا • بۇگىن، 07:17

سوڭعى پاتسيەنت ۇيىنە قايتتى

قوعام • بۇگىن، 07:05

جامانتاۋدى جوعالتىپ المايىق

رۋحانيات • بۇگىن، 06:50

سەنات دەپۋتاتتارى سايلاندى

سايلاۋ • بۇگىن، 06:48

ادەپتى ادەمى ۇستاز

رۋحانيات • بۇگىن، 06:47

ۇقساس جاڭالىقتار