– بۇكىل الەم قوعامعا جاڭا قاۋىپ – قاتەرمەن-كوروناۆيرۋس پاندەمياسىمەن كۇرەسۋدە. قازاقستاندا قالىس قالعان جوق. دەر كەزىندە قابىلدانعان شارالاردىڭ, دارىگەرلەردىڭ, پوليتسەيلەردىڭ, اسكەريلەردىڭ جانە ەرىكتىلەردىڭ جانقيارلىق ەرلىگىنىڭ, سونداي-اق حالىقتىڭ جاۋاپكەرشىلىگى مەن تارتىپتىلىگىنىڭ ارقاسىندا ءبىزدىڭ ەلىمىز وسى كەزەڭەن از شىعىنمەن وتۋدە, – دەپ اتاپ ءوتتى ىشكى ىستەر مينيسترى ەرلان تۇرعىمباەۆ قىزمەت جانە بولىمشە باسشىلارىمەن وتكىزگەن سەلەكتورلىق كەڭەسىندە.
مينيستر قر پرەزيدەنتى قاسىم-جومارت توقاەۆتىڭ تاپسىرماسى بويىنشا, ىشكى ىستەر ورگاندارىنىڭ بارلىق كۇشتەرى قوعامدىق تارتىپ پەن تۇرعىنداردىڭ قاۋىپسىزدىگىن ساقتاۋعا, كارانتيندىك ءىس-شارالاردى قامتاماسىز ەتۋگە باعىتتالعانىن ايتتى.
52 000–نان استام قىزمەتكەرلەر – پوليتسەيلەر, قۇتقارۋشىلار, اسكەري قىزمەتشىلەر جانە ىشكى ىستەر ورگاندارىنىڭ مەديتسينا قىزمەتكەرلەرى بلوكپوستاردا ۇزدىكسىز قىزمەت اتقاردى, تىرشىلىكتى قامتاماسىز ەتۋدىڭ ماڭىزدى وبەكتىلەرىن, مەديتسينالىق مەكەمەلەر مەن كارانتيندىك ايماقتاردى كۇزەتتى. قوعامدىق ءتارتىپتى ساقتاۋدى كۇشەيتۋ ءۇشىن پوليتسيا مەن ۇلتتىق ۇلان جاساقتارىنىڭ سانى مەن تىعىزدىعى ارتتى.
كوشەلەر, ساياباقتار, سكۆەرلەر, تۇرعىن ءۇي الاپتارى, ساۋدا نىساندارى بارىنشا قامتىلدى. ءوزىن-ءوزى وقشاۋلاۋ جانە شەكتەۋ تارتىبى كەزەڭىندە قابىلدانعان شارالاردىڭ ارقاسىندا ەلدەگى قىلمىس 26% – عا تومەندەدى. مۇنداي ەرەكشە رەجيمدە پوليتسيا جانە ءىىم-ءنىڭ باسقا دا كۇشتەرى العاش رەت جۇمىس ىستەدى.
– بۇل وڭاي ەمەس ەدى. تاۋلىك بويى جۇمىس رەجيمى, بىرقاتار جاعدايلاردا دالا جاعدايلارىمەن كازارمالىق جاعدايى, ءۇي مەن وتباسىنان الشاقتىعى, كەيدە جەكەلەگەن ازاماتتاردىڭ تۇسىنبەۋى مەن قارسىلاسۋى ۇلكەن پسيحولوگيالىق جانە فيزيكالىق جۇكتەمەلەر تۋدىردى. بىراق بىزدىڭ قىزمەتكەرلەرىمىز بارلىق 78 كۇن بويى ەل باسشىلىعى قويعان مىندەتتەردى ناقتى ورىنداي وتىرىپ, قىزمەت وتكەرۋدى جالعاستىردى, – دەپ اتاپ ءوتتى ءىىم باسشىسى.
ىشكى ىستەر جانە دەنساۋلىق ساقتاۋ ورگاندارىنىڭ بارلىق قىزمەتكەرلەرى تاۋلىك بويى جۇمىس ىستەدى جانە ادامدارعا قيىن ۋاقىتتا كومەك كورسەتتى, ولاردىڭ دەنساۋلىعىن قورعاۋدا الدىڭعى شەپتە تۇردى. تەك ورتاقتاسا قارسى تۇرۋدىڭ عانا ارقاسىندا كوروناۆيرۋس ىندەتىنىڭ جاپپاي جۇقتىرىلۋىنا جانە كوبەيۋىنە جول بەرىلمەدى.
قىزمەتتىك مىندەتتەرىن ادال ورىنداعانى, بلوك-بەكەتتە كوروناۆيرۋستىق ينفەكتسيامەن كۇرەس جونىندەگى ءىس-شارالارعا تىكەلەي قاتىسقانى ءۇشىن مينيستردىڭ بۇيرىعىمەن ەرەكشە كوزگە تۇسكەن قىزمەتكەرلەر گراموتالارمەن جانە العىس حاتتارمەن ماراپاتتالدى.
ءىىم-ءنىڭ قىلمىستىق–اتقارۋ جۇيەسى دە شەت قالمادى, ونىڭ مەكەمەلەرىندە قىسقا مەرزىمدە قورعاۋ قۇرالدارىن: تاۋەكەل ايماعىندا ورنالاسقان قىزمەتكەرلەرگە ارنالعان ماسكالار مەن كومبينەزوندار ءوندىرىسى جولعا قويىلدى. وسىلايشا سوتتالعاندار دا پاندەميامەن كۇرەسكە ءوز ۇلەسىن قوستى, ولارعا جەكە العىس ايتىلدى.
– ەلدى مەكەندەر اراسىنداعى بلوكپوستتار الىنىپ تاستالادى. بىراق بۇل قاۋىپ جوق دەگەندى بىلدىرمەيدى. ازاماتتارعا سانيتارلىق تالاپتارمەن ساقتىق شارالارىن قاتاڭ ساقتاۋ كەرەك, – دەپ تۇيىندەدى ەرلان تۇرعىمباەۆ.
ەسكە سالا كەتەيىك, كارانتيندىك رەجيم كەزىندە ەلدە 400-گە جۋىق بلوكپوست جۇمىس ىستەدى, وعان 6 000-عا جۋىق ءىىو قىزمەتكەرلەرى قاتىستى. بارلىق كەزەڭدە بلوكپوستاردا 3,2 ملن.-نان استام كولىك قۇرالدارىمەن 5 ملن. جولاۋشى تەكسەرىلدى.
