ايماقتار • 30 مامىر، 2020

ءىىم-دە «پيلوتتىق» جوبانىڭ ۆولونتەرلەرمەن كەزدەسۋ ءوتتى

16 رەت كورسەتىلدى

اعىمداعى جىلعى 28 مامىردا ىشكى ىستەر مينيسترلىگىندە نۇر-سۇلتان جانە قاراعاندى وبلىسى اكىمدىگىندەگى ەقىۇ باعدارلامالارى كەڭسەسىنىڭ قولداۋىمەن قاراعاندى قالاسىندا قوعامدىق قاۋىپسىزدىكتى قامتاماسىز ەتۋدە سەرۆيستىك ءتاسىلدى ەنگىزۋ بويىنشا «پيلوتتىق» جوبانى ىسكە اسىراتىن ۆەدومستۆوارالىق جۇمىس توبىمەن كەزەكتى ونلاين-كەزدەسۋ ءوتتى، - دەپ حابارلادى ءىىم ءباسپاسوز قىزمەتى.

اتالعان ءىس-شاراعا ىشكى ىستەر ءمينيسترىنىڭ كەڭەسشىسى بەرىك ءبىلالوۆ، ءىىم كادر ساياساتى دەپارتامەنتىنىڭ باستىعى ايدار سايتبەكوۆ، ەسىرتكى قىلمىسىنا قارسى ءىس-قيمىل دەپارتامەنتىنىڭ باسقارما باستىعى بەرىكحان نۇرعاليەۆ، نۇر-سۇلتانداعى ەقىۇ باعدارلامالار كەڭسەسىنىڭ كونسۋلتانتى ەلميرا حيسامۋتدينوۆا، سونداي-اق وسى جوبانى جۇزەگە اسىرۋعا كومەك كورسەتەتىن ۆولونتەرلەر قاتىستى.

ۆەدومستۆوارالىق توپتىڭ مەنەدجەرى مەيرام ۆالەەۆ ەرىكتىلەردىڭ تىكەلەي قاتىسۋىمەن وتكىزىلگەن جۇمىستىڭ ناتيجەلەرىن تانىستىردى. بۇل – «پيلوتتىق» اۋماقتا حالىققا ساۋالناما جۇرگىزۋ جانە كيبەرۆولونتەرلەردىڭ زاڭعا قارسى ينتەرنەت-كونتەنتتى انىقتاۋ باعىتىنداعى اتقارعان جۇمىستارى بولاتىن.

ءمينيستردىڭ كەڭەسشىسى بەرىك ءبىلالوۆ ءوز كەزەگىندە پوليتسيانى جاڭعىرتۋ، ىشكى ىستەر ورگاندارىنا ساندىق تەحنولوگيالاردى ودان ءارى ەنگىزۋ، ازاماتتاردىڭ قۇقىقتارى مەن مۇددەلەرىن قورعاۋعا باعىتتالعان قازىرگى زامانعى پوليتسەيدىڭ ءيميدجىن قۇرۋ بويىنشا جۇرگىزىلىپ جاتقان ءىس-شارالار تۋرالى ايتىپ ءوتتى، سونداي-اق وسى باعىتتاعى ۆولونتەرلىك قوزعالىسپەن ءوزارا ءىس-قيمىلدىڭ ماڭىزدىلىعىن اتاپ ءوتتى.

سونداي-اق، كەڭەسشى «ىشكى ىستەر ءمينيسترى ەرلان تۇرعىمباەۆ حالىقتىڭ پوليتسياعا سەنىمىن ارتتىرۋ ماقساتىندا حالىقپەن جۇمىستىڭ جاڭا فورماتتارىنىڭ ماڭىزدىلىعىنا، قوعاممەن ءوزارا ءىس-قيمىلدى جاقسارتۋعا ەرەكشە نازار اۋدارادى. ءمينيستردىڭ تۇراقتى باقىلاۋىنداعى وسىنداي شارالاردىڭ ءبىرى – ۋچاسكەلىك پوليتسيا ينسپەكتورلارىنىڭ، ءىىو اۋماقتىق بولىمشەلەرى باسشىلارىنىڭ ەسەپتىك كەزدەسۋلەرى».

كەزدەسۋ بارىسىندا جۇرتشىلىق جول قاۋىپسىزدىگى مەن قۇقىق بۇزۋشىلىقتىڭ الدىن الۋ باعىتىنداعى جۇمىستارعا كومەك كورسەتۋگە دايىن ەكەندىكتەرىن ءبىلدىردى.

كەزدەسۋ سوڭىندا ا. سايتبەكوۆ ەرىكتىلەرگە شەتىن ماسەلەلەرگە بەيجاي قاراماي، ءبىزدىڭ قوعامنىڭ ءال-اۋقاتىن ارتتىرۋعا ءوز ۇلەسىن قوسقاندارى ءۇشىن العىس ايتىپ، ءمينيستردىڭ وسى ىنتىماقتاستىقتى جالعاستىرۋعا دايىن ەكەنىن جەتكىزدى.

سوڭعى جاڭالىقتار

اتىراۋ وبلىسىندا بالىق قىرىلدى

ەكولوگيا • بۇگىن، 16:11

بازالىق مولشەرلەمە كوتەرىلە مە؟

ەكونوميكا • بۇگىن، 13:43

2757 ادام كوروناۆيرۋستان جازىلدى

كوروناۆيرۋس • بۇگىن، 09:51

الماتى وبلىسى «سارى» ايماققا ءوتتى

كوروناۆيرۋس • بۇگىن، 09:17

ۇقساس جاڭالىقتار