ماسەلەن, شىمكەنت قالاسى ءبىلىم بەرۋ سالاسىن تسيفرلاندىرۋدا كوش باستاپ تۇر. بۇل سالادا بالاباقشالار, مەكتەپتەر جانە باسقا دا ءبىلىم بەرۋ مەكەمەلەرىنە قۇجات قابىلداۋ, جولداما بەرۋ بويىنشا سۇرانىسقا يە مەملەكەتتىك قىزمەتتەر اۆتوماتتاندىرىلعان.
شىمكەنتتە «اقىلدى قالالار» ەتالوندىق ستاندارتى مەن «تسيفرلىق قازاقستان» مەملەكەتتىك باعدارلاماسى اياسىندا 8 نەگىزگى سالادان تۇراتىن تۇجىرىمداما جۇزەگە اسىرىلىپ جاتقانىن ايتقان قالا اكىمى م.ايتەنوۆ, بۇل باعىتتاعى جۇمىستاردىڭ ودان ءارى جالعاساتىنىن اتاپ ءوتتى.
ۆەدومستۆو باسشىسىنا قالاداعى تسيفرلاندىرۋ بويىنشا اتقارىلىپ جاتقان جۇمىستاردى بايانداعان قالا اكىمىنىڭ ءبىرىنشى ورىنباسارى ە.سادىر دەنساۋلىق ساقتاۋ سالاسىندا مەديتسينالىق مەكەمەلەر جىل سوڭىنا دەيىن 100% كومپيۋتەرلىك تەحنيكامەن قامتىلاتىنىن جەتكىزدى. ونىڭ ايتۋىنشا, مەگاپوليستە «103» جەدەل مەديتسينالىق قىزمەتىن جاڭعىرتۋ» جوباسى ىسكە اسىرىلۋدا. جوبا نەگىزىندە ماۋسىم ايىندا تۇرعىندارعا دەر كەزىندە كومەك كورسەتۋ, قوڭىراۋلاردى ءۇزىلىسسىز قابىلداۋ ءۇشىن Call-ورتالىق قۇرۋ كوزدەلىپ وتىر. سونىمەن قاتار, اكىمدىك تاراپىنان كورسەتىلەتىن 160 مەملەكەتتىك قىزمەتتىڭ 141-ءى اۆتوماتتاندىرىلعان, بۇل 88,1%-دى قۇرايدى.
بۇدان بولەك, جەر قاتىناستارى سالاسىن تسيفرلاندىرۋ ماقساتىندا وتكەن جىلى halyksaulet پورتالى ىسكە قوسىلدى. Halyksaulet ارقىلى مەكەنجايعا ءنومىر بەرۋ, ونى ناقتىلاۋ جانە جويۋ قىزمەتتەرى اۆتوماتتاندىرىلعان جۇيە ارقىلى ءبىر جۇمىس كۇنىنىڭ ىشىندە ۇسىنىلىپ جاتىر. بۇگىندە شاھاردا باس جوسپاردىڭ ينۆەستيتسيالىق كارتاسى (shymkent.genplan.kz) ازىرلەنگەن. ەندىگى كەزەكتە شىمكەنت قالاسىنىڭ گەوپورتالى داىنداۋ جۇمىستارى جۇرگىزىلىپ جاتىر.
