قازاقستان • 29 مامىر، 2020

«عاسىر زۇلماتى» تاقىرىبىندا ونلاين دوڭگەلەك ۇستەل ءوتتى

33 رەت كورسەتىلدى

«Egemen Qazaqstan» گازەتى بۇگىن قۋعىن-سۇرگىن جانە اشارشىلىق قۇرباندارىن ەسكە الۋ كۇنىنە ارنالعان ونلاين دوڭگەلەك ۇستەل وتكىزدى.

ونلاين جيىنعا فيلولوگيا عىلىمدارىنىڭ دوكتورى، پروفەسسور مەكەمتاس مىرزاحمەت، الاشتانۋشى، تاريح عالىمدارىنىڭ دوكتورى، پروفەسسور، اكادەميك مامبەت قويگەلديەۆ، جازۋشى سماعۇل ەلۋباي، عالىم تالاس وماربەكوۆ، تاريح عالىمدارىنىڭ دوكتورى قايدار الداجۇمانوۆ، جازۋشى، پۋبليتسيست، تاريح عىلىمدارىنىڭ كانديداتى بەيبىت قويشىباەۆ، ش.ءۋاليحانوۆ اتىنداعى تاريح جانە ەتنولوگيا ينستيتۋتىنىڭ ديرەكتورى زيابەك قابىلدينوۆ، فيلولوگيا عىلىمدارىنىڭ دوكتورى، پروفەسسور ايگۇل ىسىماقوۆا قاتىستى.

«Egemen Qazaqstan» گازەتىنىڭ باسقارما توراعاسى، دوڭگەلەك ۇستەلدىڭ مودەراتورى دارحان قىدىرالى بۇل تاقىرىپتى قوزعاۋدىڭ ماڭىزدىلىعىنا توقتالدى.

«وزدەرىڭىزگە ءمالىم، 31 مامىر – قازاقستاندا ساياسي قۋعىن-سۇرگىن اشارشىلىق پەن قۇراندارىن ەسكە الۋ كۇنى. وسىعان وراي ەل گازەتى «Egemen Qazaqstan» ارنايى دوڭگەلەك ۇستەل ۇيىمداستىرىپ وتىر. ءبىراز ۋاقىتتان بەرى ەل گازەتىندە اشارشىلىق، ساياسي قۋعىن-سۇرگىن، رەپرەسسيا تاقىرىبى جۇيەلى تۇردە كوتەرىلىپ كەلە جاتىر. گازەتتىڭ ءار سانىندا جەر-جەردەگى، وڭىرلەردەگى اشارشىلىق ماسەلەسىن قوزعاپ جاتىرمىز. جانە وسى تاقىرىپتى الداعى ايدا دا كوتەرە بەرەتىن بولامىز. سەبەبى بۇل جىلدار – عاسىر زۇلماتى، ەل باسىنا تۇسكەن اۋىر كەزەڭ، اۋىر قاسىرەت، ۇلكەن ناۋبەت. سوندىقتان ءبىز بۇگىنگى تاقىرىپتا اشارشىلىق تۋرالى كوبىرەك ايتساق دەگەن ويىمىز بار. سەبەبى، ساياسي قۋعىن-سۇرگىن، رەپرەسسيا تاقىرىبى وتە اۋقىمدى»، - دەدى دارحان قىدىرالى.

سونداي-اق ول اشارشىلىق جىلدارى تۋرالى ايتىلىپ جۇرگەن دەرەكتەرگە توقتالدى.

ء«تىپتى اشارشىلىقتىڭ ءوزى كوبىنەسە 1932 جىلدان باستاپ ايتىلىپ كەلە جاتىر. ال 1921 جىلعى اشارشىلىققا كەلەسى جىلى 100 جىل بولادى ەكەن. ودان ارىعا بارساق، 1918 جىلعى جەتىسۋداعى، تۇركىستان جەرىندەگى الاپات اشارشىلىقتىڭ زارداپتارى دا بار. «جۇت جەتى اعايىندى» دەگەن. كەڭەس ۇكىمەتىنىڭ ورناۋىمەن، 1916 جىلعى كوتەرىلىسپەن بىرگە باستالعان قازان توڭكەرىسى، اق پەن قىزىلدىڭ قىرعىنى، اشارشىلىق، كۇشتەپ ۇجىمداستىرۋ، كامپەسكەلەۋ، مەجەلەۋ ساياساتى، سونىمەن قاتار شەكارا اسقان، جات جەرگە بارىپ ءسىڭىپ كەتكەن قانداستارىمىزدىڭ ماسەلەسى، رەپرەسسيا ماسەلەسى تۇپتەپ كەلگەندە زۇلمات كەزەڭنىڭ ءبىر كورىنىسى بولاتىن»، - دەدى «Egemen Qazaqstan» گازەتىنىڭ باسقارما توراعاسى.

جيىنعا قاتىسقان عالىمدار مەن زيالى قاۋىم وكىلدەرى قۋعىن-سۇرگىن جانە اشارشىلىق قۇرباندارىن ەسكە الۋ كۇنىنە بايلانىستى تۇشىمدى پىكىرلەرىمەن ءبولىسىپ، ۇسىنىس-تىلەكتەرىن جەتكىزدى.

سوڭعى جاڭالىقتار

ەلەنگەن ەرلىك

ايماقتار • بۇگىن، 13:22

قاراشادا كۇن سۋىتادى

اۋا رايى • بۇگىن، 11:59

پنەۆمونيادان تاعى 5 ادام كوز جۇمدى

كوروناۆيرۋس • بۇگىن، 09:35

ۇقساس جاڭالىقتار