جەرگىلىكتى تەننيسشىلەر اراسىندا ۇيىمداستىرىلعان جارىستىڭ فينالىندا ميكاەل ۆربەنسكي مەن زدەنەك كولارج كۇش سىناستى. اسا شيەلەنىستى وتكەن سايىستا الەمنىڭ 405 راكەتكاسى 6:4, 6:7 (5:7), 7:6 (10:8) ەسەبىمەن جەڭىسكە جەتتى.
ەستەرىڭىزگە سالا كەتەيىك, ايەلدەر اراسىنداعى باسەكەدە دە WTA رەيتينگىندە 12-ورىندا تۇرعان پەترا كۆيتوۆاعا تەڭ كەلەر ەشكىم تابىلماعان ەدى. بۇل تەننيسشى بۇعان دەيىن 2011 جانە 2014 جىلدارى ۋيمبلدون تۋرنيرىندە توپ جارسا, بىلتىر اۋستراليا اشىق بىرىنشىلىگىنىڭ فينالىندا ونەر كورسەتتى. 2012 جىلى رولان گارروستىڭ جارتىلاي فينالىنا دەيىن جەتتى. 2015 جانە 2017 جىلدارى اقش-تىڭ اشىق بىرىنشىلىگىنىڭ شيرەك فينالىندا شەبەرلىك بايقاستى. 2016 جىلى ريو وليمپياداسىنىڭ قولا مەدالىن موينىنا ءىلدى.
