ايماقتار • 29 مامىر، 2020

الماتىدا «باقىت سوقپاقتارى» جوباسىنىڭ تۇساۋى كەسىلدى

28 رەت كورسەتىلدى

الماتىدا ەكولوگيالىق تۋريزم مەن سپورتتى دامىتۋ اياسىندا ىلە الاتاۋى تاۋلارىنا 71 شاقىرىمدىق   سوقپاق  جول  جايعاسادى. سونىمەن قاتار،  تاعى  9 شاقىرىمدىق سپورتتىق جولدار اباتتاندىرىلادى. بۇل تۋرالى بۇگىن ينتەرفاكس-قازاقستان ءباسپاسوز ورتالىعىندا وتكەن ونلاين-كونفەرەنتسيادا حابارلاندى.

بۇگىن الماتى قالاسىندا BI Group-تىڭ «باقىت سوقپاقتارى» جاڭا جوباسىنىڭ تۇساۋكەسەرى ءوتتى. يدەيانىڭ باستاماشىسى – «BI Group» حولدينگى. كومپانيا وكىلدەرى وزدەرىنىڭ بۇل جوباسىن  الماتى قالاسىنىڭ اكىمى باقىتجان ساعىنتاەۆقا  2019 جىلدىڭ كۇزىندە ۇسىنعان ەدى، تىڭ باستاما اكىمدىك  تاراپىنان    قولداۋ تاپتى.

جوبانىڭ ءبىرىنشى كەزەڭىندە 71 شاقىرىمعا جۋىق   توعىز تاۋ جولىن (تۇيىقسۋ، كىماسار، گورەلنيكا، جاپون جولى جانە ت. ب. ) اباتتاندىرۋ جوسپارلانۋدا. كۇركەلەر قويىلادى، قاۋىپتى جەرلەردە – مەتالل كوپىرشەلەر مەن جولدار جاسالادى،سونداي-اق بيۆۋاكتارعا ارنالعان ورىندار جايلاستىرىلادى. قاجەت جەرلەردە مارشرۋتتاردىڭ كورسەتكىشتەرى مەن اقپاراتتىق قالقاندار ورناتىلادى. جوبا اياسىندا قالا تۇرعىندارى ءۇشىن جاياۋ جورىقتار، سپورتتىق ءىس-شارالار، ءبىلىم بەرۋ ەكسكۋرسيالارى ۇيىمداستىرىلادى. الماتىنىڭ وزىندە ەسەنتاي جانە كىشى الماتى (تەررەنكۋر) وزەندەرىنىڭ بويىنداعى سپورتتىق جولداردا سپورت قالاشىقتارى جوندەلەدى، اۋماق اباتتاندىرىلادى.

BI Group حولدينگى ديرەكتورلار كەڭەسىنىڭ توراعاسى ايدىن راحىمباەۆ جوبانىڭ تانىستىرىلىمىندا  بىلاي دەدى: 

– وسىدان بەس جىل بۇرىن كومپانيانىڭ 20 جىلدىعىنا وراي ءبىز قازاقستاننىڭ ەلورداسىندا «ترياتلون-پارك» سالىپ، وعان 2 ميلليون دوللار جۇمسادىق. ءبىز بۇل جوبانىڭ  استانالىقتارعا ۇناعانىن كورىپ وتىرمىز، ولار جىلدىڭ كەز كەلگەن مەزگىلىندە سپورتپەن شۇعىلدانادى، وندا بۇقارالىق سپورتتىق شارالار ۇيىمداستىرىلادى. ەندى مىنە، كومپانيامىزدىڭ 25 جىلدىعى قارساڭىندا ءبىز ەلىمىزدىڭ ەڭ  ارۋ قالاسىنا، سۇيىكتى الماتىمىزعا  دا وسىنداي جوبانى سىيعا تارتقانىمىز ءجون دەپ  شەشتىك. ءبىز جوبانى كەزەڭدەرگە بولە وتىرىپ، وعان شامامەن 1 ميلليون دوللار جۇمساۋدى كوزدەپ وتىرمىز: جۇمىستاردىڭ ءبىر بولىگى بيىل،  ءبىر بولىگى – الداعى  جىلداردا  ورىندالاتىن بولادى.

ايدىن راحىمباەۆتىڭ ايتۋىنشا، شەتەلدىك تاجىريبە كورسەتكەندەي،  ەكوتۋريزم قورشاعان ورتاعا زيان كەلتىرمەيدى، يندۋستريالىق ينفراقۇرىلىمدى قاجەت ەتپەيدى، قايتا  جاڭا جۇمىس ورىندارىن قامتاماسىز ەتىپ، وڭىرلىك ەكونوميكاعا جاقسى تابىس اكەلەدى. ۇيىمداستىرۋشىلار «باقىت سوقپاقتارىن» ەكولوگيالىق ءتۋريزمدى دامىتۋعا جانە سپورتتىق ءومىر سالتىن ناسيحاتتاۋعا ستراتەگيالىق ينۆەستيتسيا رەتىندە قاراستىرىپ وتىر. جوبا قالالىق سپورت بەلسەندىلەرىنىڭ قاتىسۋىمەن، جۇمىس توبى اياسىندا پىسىقتالۋدا.

 – BI Group ۇسىنعان جوبا قالانى دامىتۋدىڭ جالپى تۇجىرىمداماسىنا وتە  ساي كەلەدى. ءبىزدىڭ تاۋلار – بۇكىل قازاقستاننىڭ قازىناسى. تۋريستەرگە قاجەتتى ينفراقۇرىلىمدى اباتتاندىرىپ  قانا قويماي،  ولاردىڭ وزىنە عانا  ءتان سۇلۋلىعىن ساقتاپ قالۋ  دا وتە ماڭىزدى. ءبىز  «باقىت سوقپاقتارى» وسى ماقساتتارعا جەتۋ جولىنداعى  ماڭىزدى قادام بولاتىنىنا سەنىمدىمىز، دەپ اتاپ ءوتتى الماتى قالاسى اكىمىنىڭ ءبىرىنشى ورىنباسارى ەرلان قوجاعاپانوۆ.

– الەمدىك تۋريستىك كارتادا الماتىنىڭ ورنى انىق  ايقىندالىپ، ايشىقتالىپ كەلەدى.  بۇگىنگى  كەزەڭ – تۋريستىك يندۋستريادا  جاھاندىق وزگەرىستەر كەزەڭى. پوست-ۆيرۋستىق كەزەڭدە جاڭا باعىتتار، جاڭا ونىمدەر سۇرانىسقا يە بولادى. ساراپشىلار سپورتتىق جانە سالاۋاتتى ءومىر سالتىنا بايلانىستى شىتىرمان وقيعالى تۋريزمگە سۇرانىس ارتادى دەپ بولجاپ وتىر. وسىعان بايلانىستى كوپتەگەن جىلدار بويى سپورتشىلار اراسىندا تانىمال بولىپ كەلە جاتقان ءبىزدىڭ تاۋلارىمىز وراسان زور الەۋەتكە يە، – دەدى  الماتى قالاسى اكىمدىگىنىڭ تۋريزم باسقارماسىنىڭ باسشىسى ءسابينا امانكەلدى.

«سوڭعى جىلدارى ءبىز الماتىلىقتار اراسىندا  تاۋ سپورتىنا دەگەن قىزىعۋشىلىقتىڭ  كۇرت ارتقانىن  بايقاپ وتىرمىز. تاۋدا شەتەلدىك تۋريستەردى دە ءجيى كەزدەستىرۋگە بولادى. ءبىزدىڭ تاۋلارىمىز  سپورتتى دامىتۋدىڭ حالىقارالىق ورتالىقتارىنىڭ ءبىرى بولۋعا ابدەن  لايىق»، – دەيدى الپينيزم بويىنشا سپورت شەبەرى اندرەي پۋچينين. ونىڭ بۇل تۇجىرىمىمەن  قازاقستاننىڭ ەلورداسىندا ترياتلوننان مارافون مەن جارىستار وتكىزۋدىڭ  بەلسەندى دە دارا  ۇيىمداستىرۋشىسى الەكسەي سيدورەنكو دا كەلىسەدى.

ا.سيدورەنكو: «قازاقستاندىق BI Marathon جانە BI Ironman حالىقارالىق تانىمالدىلىققا يە. الماتى جوباسى شاھار ەكونوميكاسىنىڭ دامۋىنا  جاڭا سەرپىن بەرەدى، قالا تۇرعىندارىنىڭ  سپورتتىق ءومىر سالتىنا ۇيىسۋىن كۇشەيتە تۇسەدى»، – دەگەن سەنىمدە.

 

 

الماتى

سوڭعى جاڭالىقتار

جەزقازعاندا دارىگەر جەتىسپەيدى

ايماقتار • بۇگىن، 16:22

اقش COVID-19 ۆاكتسيناسىن سىناپ كوردى

كوروناۆيرۋس • بۇگىن، 15:40

اككۋمۋلياتور ۇرلىعى اشىلدى

ايماقتار • بۇگىن، 11:09

بار مەن جوقتىڭ اراسى...

ايماقتار • بۇگىن، 07:55

قامشى فيلوسوفياسى

رۋحانيات • بۇگىن، 07:49

«ءبىز ونلاين كانيكۋلدا...»

ايماقتار • بۇگىن، 07:43

ەۋروكۋبوككە قاتىسادى

فۋتبول • بۇگىن، 07:30

بيىلعى ماۋسىمنان شەت قالا ما؟

حوككەي • بۇگىن، 07:28

كەلەشەگى كەمەل باستاما

ءبىلىم • بۇگىن، 07:24

ۇقساس جاڭالىقتار