قوعام • 29 مامىر، 2020

ساياسي قۋعىن-سۇرگىن قۇرباندارىنا 15 ميللياردقا جۋىق تەڭگە تولەندى

28 رەت كورسەتىلدى

جىل سايىن 31 مامىردا قازاقستاندا ساياسي قۋعىن-سۇرگىن قۇرباندارىن ەسكە الۋ كۇنى اتاپ وتىلەدى. 2003 جىلدان باستاپ وسى ساناتتاعى ازاماتتارعا بىرجولعى اقشالاي وتەماقى جانە ارنايى مەملەكەتتىك جاردەماقى رەتىندە 14،9 ملرد تەڭگە تولەندى. بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتى حابارلادى.

«حالىق جاۋىن» انىقتاۋ ساياساتىنىڭ ناتيجەسىندە كوپتەگەن ادامدار زارداپ شەكتى. 1921-1954 جىلدار ارالىعىندا قازاقستاندا 100 مىڭ ادام سوتتالىپ، 25 مىڭ ادامعا جوعارى جازالاۋ شاراسى – اتۋ جازاسى قولدانىلدى.

رەسپۋبليكا اۋماعىندا گۋلاگ–الجير، ستەپلاگ، قارلاگ قۇرىلىمدارىنىڭ ەڭ ءىرى لاگەرلەرى بولدى. قۋعىن-سۇرگىن جىلدارى قازاقستان لاگەرلەرىنە 5 ملن-نان استام ادام جىبەرىلدى.

1930-1940 جىلدارى قازاقستان ميلليونداعان كەڭەس ازاماتتارى ءۇشىن جەر اۋداراتىن ايماق بولدى. 1937 جىلدىڭ كۇزىندە رەسپۋبليكاعا جۇزدەگەن مىڭ كورەيلەر، تۇرىكتەر، يراندىقتار، كۇردتەر جانە ءازىربايجاندار قونىس اۋداردى. سونداي-اق ۇلى وتان سوعىسى جىلدارىندا ەلگە نەمىستەر، گرەكتەر، شەشەندەر، ينگۋشتەر، قاراشايلار، بالكارلار، قىرىم تاتارلارى جانە باسقا دا حالىقتار جەر اۋداردى. ولاردىڭ سانى 1 ملن 200 مىڭ ادام دەپ باعالانۋدا.

«جاپپاي ساياسي قۋعىن-سۇرگىن قۇرباندارىن اقتاۋ تۋرالى» قازاقستان رەسپۋبليكاسىنىڭ زاڭىنا سايكەس، نەگىزسىز قۋعىن-سۇرگىنگە ۇشىراعان جانە زاڭعا سايكەس اقتالعان ادامدارعا كورسەتىلگەن جەرلەردە بولۋىنىڭ ءار ايى ءۇشىن، الەۋمەتتىك قورعاۋ ورگاندارىنا جۇگىنگەن كەزدە قولدانىلاتىن ايلىق ەسەپتىك كورسەتكىشتىڭ (بۇدان ءارى – اەك) تورتتەن ءۇش بولىگى،  بىراق 100 اەك-تەن اسپايتىن مولشەردە اقشالاي وتەماقى تولەنەدى.

2003 جىلدان باستاپ 2019 جىلعا دەيىنگى ارالىقتا رەسپۋبليكالىق بيۋدجەتتەن 2،9 ملرد تەڭگە سوماسىندا بىرجولعى اقشالاي وتەماقى تولەندى. 2020 جىلعا ارنالعان رەسپۋبليكالىق بيۋدجەتتە كورسەتىلگەن ماقساتتارعا 1 ملن تەڭگە كوزدەلگەن.

سونىمەن قاتار، ساياسي قۋعىن-سۇرگىن قۇرباندارىنا، سونداي-اق ساياسي قۋعىن-سۇرگىنگە ۇشىراعان، مۇگەدەكتىگى بار نەمەسە زەينەتكەرلەر بولىپ تابىلاتىن ادامدارعا الەۋمەتتىك تولەمدەردىڭ باسقا تۇرلەرىنە قاراماستان، 1،07 ايلىق ەسەپتىك كورسەتكىش مولشەرىندە ارناۋلى مەملەكەتتىك جاردەماقى (بۇدان ءارى – امج) تولەنەدى (2020 جىلعى 1 ساۋىردەن باستاپ – 2973 تەڭگە).

2005 جىلدان باستاپ 2019 جىلعا دەيىنگى كەزەڭدە امج 12 ملرد. تەڭگە سوماسىندا تولەندى. 2020 جىلعا امج تولەۋگە 1 ملرد 174،8 ملن تەڭگە جوسپارلانعان. جاپپاي ساياسي قۋعىن-سۇرگىن قۇرباندارىنىڭ جانە ساياسي قۋعىن-سۇرگىننەن زارداپ شەككەن امج الۋشىلاردىڭ سانى اعىمداعى جىلعى  1 مامىرعا 33 984 ادامدى قۇرادى.

سونىمەن قاتار، اقتالعان ازاماتتار، سونداي-اق ساياسي قۋعىن-سۇرگىن قۇربانى دەپ تانىلعان، مۇگەدەكتىگى بار نەمەسە زەينەتكە شىققان ادامدار:

- باس بوستاندىعىنان ايىرۋ ورىندارىندا ۇستالعان، جازاسىن وتەگەن، باسقا ەلدى مەكەمەندەرگە جىبەرىلگەن، ارنايى ەلدى مەكەندەردە ەركىندىگى شەكتەلىپ، ءماجبۇرلى ەڭبەكپەن اينالىسقان جانە ماجبۇرلەپ پسيحياتريالىق مەكەمەلەردە ەمدەۋدە بولعان ۋاقىتىنىڭ ءۇش ەسە مولشەردە زەينەتاقى الۋ ءۇشىن قاتىسۋ وتىلىنە ەسەپتەلۋىنە;

- كەزەكتى ەڭبەك دەمالىسىن وزدەرى ءۇشىن ىڭعايلى ۋاقىتتا الۋعا، سونىمەن قاتار جىلىنا ەكى اپتاعا دەيىن جالاقى ساقتامايتىن قوسىمشا دەمالىس الۋعا;

- ءبىرىنشى كەزەكتە تەلەفون ورناتۋعا;

- قارتتار مەن مۇگەدەكتەرگە ارنالعان ينتەرنات-ۇيلەرگە ءبىرىنشى كەزەكتە ورنالاستىرۋعا، ولاردا تولىق مەملەكەتتىك قامتاماسىز ەتۋدە تۇرۋعا;

- پروتەزدىك-ورتوپەديالىق بۇيىمدارمەن جەڭىلدىكپەن قامتاماسىز ەتىلۋگە;

- وڭالتۋعا بايلانىستى ماسەلەلەر بويىنشا ادۆوكاتتاردىڭ تەگىن كونسۋلتاتسياسىن الۋعا قۇقىلى.

جەرگىلىكتى اتقارۋشى ورگاندار جەرگىلىكتى وكىلدى ورگانداردىڭ شەشىمى بويىنشا ساياسي قۋعىن-سۇرگىنگە ۇشىراعان جانە زاڭناماعا سايكەس اقتالعان ادامدارعا ماتەريالدىق جانە باسقا دا كومەك تۇرلەرىن كورسەتۋ جونىندەگى شارالاردى جەرگىلىكتى بيۋدجەتتەر ەسەبىنەن قوسىمشا بەلگىلەۋگە قۇقىلى.

ماسەلەن، جىل سايىن ساياسي قۋعىن-سۇرگىن قۇرباندارىن ەسكە الۋ كۇنىنە وراي جەرگىلىكتى اتقارۋشى ورگاندار ساياسي قۋعىن-سۇرگىن قۇرباندارى مەن زارداپ شەككەندەرگە بىرجولعى ماتەريالدىق كومەك بەرەدى.

2020 جىلى جەرگىلىكتى بيۋدجەت قاراجاتى ەسەبىنەن 7 090 ازاماتقا 2 اەك-تەن 150 مىڭ تەڭگەگە دەيىن 159 ملن تەڭگە كولەمىندە بىرجولعى ماتەريالدىق كومەك كورسەتىلدى.

سوڭعى جاڭالىقتار

جەزقازعاندا دارىگەر جەتىسپەيدى

ايماقتار • بۇگىن، 16:22

اقش COVID-19 ۆاكتسيناسىن سىناپ كوردى

كوروناۆيرۋس • بۇگىن، 15:40

اككۋمۋلياتور ۇرلىعى اشىلدى

ايماقتار • بۇگىن، 11:09

بار مەن جوقتىڭ اراسى...

ايماقتار • بۇگىن، 07:55

قامشى فيلوسوفياسى

رۋحانيات • بۇگىن، 07:49

«ءبىز ونلاين كانيكۋلدا...»

ايماقتار • بۇگىن، 07:43

ەۋروكۋبوككە قاتىسادى

فۋتبول • بۇگىن، 07:30

بيىلعى ماۋسىمنان شەت قالا ما؟

حوككەي • بۇگىن، 07:28

كەلەشەگى كەمەل باستاما

ءبىلىم • بۇگىن، 07:24

تالىمگەرلىككە ءازىر

رۋحانيات • بۇگىن، 07:21

كاسىپكەرلەر كومەككە كەلدى

قوعام • بۇگىن، 07:18

ۇقساس جاڭالىقتار