شىعىس قازاقستان وبلىسىندا كوروناۆيرۋس ينفەكتسياسىن جۇقتىرعان 23 ادام انىقتالدى. وبلىس اكىمىنىڭ ءباسپاسوز قىزمەتىنىڭ حابارلاۋىنشا, ولاردىڭ 19-ى – سەمەي, 3-ەۋى – وسكەمەن, 1 ناۋقاس ريددەر قالاسىنىڭ تۇرعىنى.
ەپيدەميولوگيالىق كورسەتكىشتەر بويىنشا 21 ناۋقاس بۇرىنىراق كۆي اۋرۋىن جۇقتىرعان اداممەن قارىم-قاتىناستا بولعان, قالعان ەكەۋى شەت ەلدەن (رف) كەلگەن بەتتە تەكسەرۋدەن وتكەن قازاقستان ازاماتتارى.
⠀
قازىرگى ۋاقىتتا قاۋىپتى ۆيرۋستى جۇقتىرعان ناۋقاستاردىڭ بارلىعى ينفەكتسيالىق ستاتسيونارعا جاتقىزىلعان. ريددەر قالاسى تۇرعىنىنىڭ جاعدايى كارانتين جانە تەكسەرۋ ورنى بويىنشا شەمونايحا اۋدانىنا جاتقىزىلدى. بايلانىستا بولعان ادامداردى ەپيدەميولوگيالىق تەكسەرۋ جانە مەديتسينالىق تەكسەرۋ جۇرگىزۋ ءۇشىن تكقسقب اۋماقتىق باسقارماسىنىڭ ماماندارى مەن مەديتسينا قىزمەتكەرلەرىنەن قۇرالعان ءموبيلدى توپ ۇيىمداستىرىلىپ, وشاقتارعا قورىتىندى دەزينفەكتسيا جۇرگىزىلۋدە. ەپيدەمياعا قارسى شارالار جالعاسۋدا. 97 كۆي جاعدايدىڭ 12-ءسى سىرتتان اكەلىنگەن, 85 – جەرگىلىكتى جاعداي, ونىڭ ىشىندە وسكەمەندە 11, سەمەيدە 76 جاعداي, شەمونايحا اۋدانىندا سىرتتان اكەلىنگەن 5, گلۋبوكوەدا 2, اباي, تارباعاتاي جانە اياگوز (سىرتتان اكەلىنگەن) اۋداندارىندا 1 جاعدايدان.
شىعىس قازاقستان وبلىسى
