ايماقتار • 29 مامىر، 2020

جۇيەلى جۇمىس جەڭىسكە جەتكىزەدى

12 رەت كورسەتىلدى

جامبىل وبلىسىنىڭ اكىمى بەردىبەك ساپارباەۆ وڭىرلىك كوممۋنيكاتسيالار قىزمەتىنىڭ الاڭىندا «مەملەكەت باسشىسىنىڭ كوروناۆيرۋسقا قارسى ءىس-قيمىل جانە داعدارىسقا قارسى شارالار جونىندەگى تاپسىرمالارىن ىسكە اسىرۋ تۋرالى» تاقىرىبىندا ونلاين ءباسپاسوز كونفەرەنتسياسىن وتكىزدى. بەردىبەك ساپارباەۆ اۋەلى مەملەكەت باسشىسىنىڭ جارلىعىمەن 11 مامىردان باس­تاپ توتەنشە جاعداي رەجىمى توقتاتىلعانىن، دەگەنمەن، ءار ءوڭىردىڭ كوروناۆيرۋس بويىنشا ەپيدەميالىق جاعدايىنا بايلانىستى كارانتيندىك شارالار ساقتالىپ وتىرعانىن جەتكىزدى.

بۇگىنگى تاڭدا وبلىستا 358 ادام كوروناۆيرۋس ىندەتىن جۇق­تىر­عان. تاراز قالاسىندا 206، قورداي اۋدانىندا 46، بايزاق اۋدانىندا 34، تالاس اۋدانىندا 12 جاعداي تىركەلگەن. سولاردىڭ ىشىندە 99 جاعداي اسكەري، 22 جاعداي مەديتسينا جانە 7 جاعداي پوليتسيا قىزمەتكەرلەرىنەن انىقتالعان. «قازىر ەنگىزىلگەن كاران­تيندىك شارالارعا قارا­ماستان، تۇرعىندار قاۋىپ­سىز­دىك شارالارىنا دۇرىس كو­ڭىل بولمەي وتىر. ءبىزدىڭ وڭىر­دە جالپى 7 لابوراتو­ريا جۇمىس ىستەپ تۇر. بۇ­گىن­دە وبلىستا بارلىعى 23 750 ادام تەكسەرىلدى. ولار­دىڭ قاتارىندا الەۋ­مەت­تىك ما­ڭى­زى بار مەكەمە قىز­مەت­كەر­لەرى، دارى­گەر­لەر، اس­كە­ريلەر، پوليتسيا جانە تو­تەن­شە جاعداي قىز­مەت­كەر­لە­رى بار. بۇل جۇمىستى ودان ءارى جال­عاستىراتىن بولامىز. سو­نىمەن قوسا وڭىرگە تەڭىز شەۆرويل مەكەمەسىندە جۇ­مىس ىستەيتىن 25 ادام جانە وزگە كومپانيالاردا ۆاح­تا­­لىق تارتىپپەن جۇمىس ىس­تەي­­تىن جامبىلدىقتار كەلىپ جاتىر. ولاردىڭ اراسىندا اۋرۋدى جۇقتىرعاندار بار. ماسەلەن، ء«ۇندىستان-تاراز» رەيسىمەن كەلگەن ادام­دار­­دىڭ اراسىنان 6 وقيعا انىقتالعان. بۇگىنگە دەيىن 173 ناۋقاس تولىق ەمدەلىپ شىقتى. قالعان ازاماتتار بە­كى­تىلگەن قاۋلىعا سايكەس ەم الۋدا. ناۋقاستاردى ەمدەۋ جانە وقشاۋلاۋ ءۇشىن 1424 توسەك-ورىن دايىندالدى. قوسىمشا 80 پروۆيزورلىق توسەك اشىلدى. بارلىعى 1504 توسەك-ورىن بار. بۇل جۇ­مىستارعا 867 مەديتسينا قىز­­­مەت­كەرى تارتىلعان. قازىر جات­­قى­­­زىلعان ناۋ­قاس­تار­دىڭ سا­­نى­نا سايكەس 408 قىز­مەت­كەر جۇمىلدىرىلدى. ەل پرەزيدەنتى مەديتسينا سالاسىنىڭ قىزمەتكەرلەرىنە قوسىمشا ۇستەمەاقى تولەۋ بويىنشا تاپسىرما بەرگەن بولاتىن. بۇگىندە وبلىس بويىنشا 2 585 مەديتسينا قىزمەتكەرىنە 409 ملن تەڭگە قارجى تولەندى»، دەدى ب.ساپارباەۆ.

وبلىس اكىمى بۇدان باسقا، الدىڭعى شەپتە جۇرگەن سالا قىزمەتكەرلەرىنە جاعداي جاساۋ ءۇشىن 6 قوناقۇيگە 246 مەديتسينا قىزمەتكەرلەرى ورنالاستىرىلعانىن، ولار­دىڭ ءجۇرىپ-تۇرۋىنا ارنايى تاسىمالداۋ جۇمىستارىنىڭ ۇيىمداستىرىلعانىن جانە تاڭعى، تۇسكى، كەشكى اسپەن قام­تاماسىز ەتىلگەنىن جەت­كىز­دى. سونىمەن قاتار اكىم­نىڭ ايتۋىنشا، وبلىستا مەدي­تسينالىق بۇيىمدار مەن قا­جەت­تى پرەپاراتتار قورى جەت­كى­لىكتى. شۇعىل شىعىن­دار­عا جالپى 1،5 ملرد تەڭگە كو­لە­مىن­دە قاراجات بولىنگەن.

سونداي-اق قاجەتتى مە­دي­­تسينالىق ماقساتتاعى بۇ­يىم­­دار مەن زەرتحانالىق قۇرالدارىن، جەكە قورعانىش قۇرالدارىن جانە ءدارى-دار­مەك­تەر ساتىپ الۋ، ولاردى جەتكىزۋ جۇمىستارى ۇيىم­داس­تىرىلىپ، جۇرگىزىلۋدە ەكە­­نىن ايتتى. ال كوپشىلىك تا­راپىنان قويىلاتىن سۇ­راق­تار مەن كوتەرىلەتىن ما­سە­­­لەلەرگە جاۋاپ بەرۋ ءۇشىن «109 جاردەم» Call-ورتا­لى­عىنىڭ بازاسىندا جىلدام ارەكەت ەتۋ شتابى قۇ­رى­­لىپ، بۇگىنگە دەيىن 24 مىڭ سۇراق تۇسكەن. مۇندا ءتيىستى مەكەمەلەردەن جا­ۋاپتى ماماندار كەزەكشىلىگى ۇي­ىم­داستىرىلعان. اكىم تۇر­­عىنداردىڭ شالعان قو­ڭى­راۋ­لارىنا جىلدام جاۋاپ بەرىلىپ، ءاربىر سۇراق بويىنشا شارالار قابىلداناتىنىن، سونداي-اق ورتالىق كۇنى-ءتۇنى جۇمىس ىستەيتىنىن جەتكىزدى.

ء«بىزدىڭ نەگىزى مىندەتىمىز – ۆيرۋستىڭ تارالۋىنا جول بەرمەۋ. وبلىس اۋماعىندا ورنالاستىرىلعان بارلىق 25 بلوك-بەكەت ءالى دە كۇشەيتىلگەن تارتىپتە جۇمىس ىستەيدى. مۇندا 221 ادام، 60 تەحنيكا جۇمىلدىرىلدى. حالىق دەنساۋلىعىنىڭ قاۋىپسىزدىگىن قور­عايتىن نەگىزگى قالقان وسى بەكەتتەر بولىپ وتىر. بۇل جەردە مەديتسينا، پوليتسيا، اسكەري قىزمەتكەرلەردىڭ جۇمىسىنا العىسىمدى ايتامىن. سونىمەن قاتار بە­كەت­تەردەگى ءاربىر قىزمەتكەر وزىنە جۇكتەلگەن مىندەتتى مۇل­ت­ىكسىز، الگوريتم تالاپتا­رى­نا ساي ورىنداۋ كەرەك. پرەزيدەنت مەملەكەتتىك كوميسسيا وتىرىستارىندا ۇنە­مى حالىقتىڭ الەۋمەتتىك الەۋە­­تىنە باسا نازار اۋدارىپ كەلەدى. وسىعان وراي، وبلىس اۋماعىندا تۇرعىنداردى الەۋ­مەتتىك قولداۋ بويىنشا كەشەندى تۇردە كومەك كور­سە­تىل­ۋدە.

2020 جىلى اتاۋلى الەۋ­مەت­تىك كومەكتىڭ جاڭا مودەلى بويىنشا 9،5 مىڭ وتباسىنا، ياعني 52،2 مىڭ ادامعا 1،5 ملرد تەڭگە تولەندى. جال­پى بۇل ماقساتقا 10،9 ملرد تەڭگە قاراستىرىلعان. كەپىل­دەن­دىرىلگەن الەۋمەتتىك توپتامامەن اتاۋلى الەۋمەتتىك كو­مەك الۋشى وتباسىنداعى 1 جاس­تان 6 جاسقا دەيىنگى 18،3 مىڭ بالاعا 1،2 ملرد تەڭگە قاراس­تى­رىلدى. توتەنشە جاعدايعا بايلانىستى، 2 ايلىق ەسەپتىك كور­سەتكىشتەن تومەن ەمەس مول­شەردە از قامتىلعان جانە الەۋ­مەتتىڭ ءالسىز توپتارىنا جاتاتىن تۇرعىنداردىڭ شو­تى­نا مامىر ايىندا 79،4 مىڭ ادامعا 442 ملن تەڭگە تولەنىپ، 100 پايىزعا ورىن­دالدى. توتەنشە جاع­داي كەزىندە تابىسىنان ايى­رىل­عان ازاماتتارعا 42500 تەڭگە الەۋمەتتىك تولەم تاعايىن­داۋ­عا بۇگىنگى كۇنى 300 مىڭعا جۋىق ازاماتقا بارلىعى 12،7 ملرد تەڭگە مولشەرىندە تولەم بەرىلدى»، دەدى ب.ساپارباەۆ.

 سونداي-اق اكىم وبلىس اۋماعىندا تاركىلەنگەن ازىق-ت ۇلىك جانە كيىم-كەشەكتەردىڭ مۇقتاج ازاماتتارعا تاراتى­لىپ جاتقانىن جەتكىزدى. بۇگىنگە دەيىن قۇنى 484 ملن تەڭ­گەدەن اساتىن 620 مىڭ حالىق تۇتىناتىن تاۋار بالالار ءۇيى، قارتتار ءۇيى، جاس­وس­پىرىمدەر ءۇيى، ينتەرنات­تار سياقتى الەۋمەتتىك مە­كە­مە­لەر­گە جانە از قام­تىل­عان وتبا­سىلارعا تەگىن تارا­تىل­عان. ال Nur Otan پارتياسى وبلىستىق فيليالىنىڭ «BizBirgemiz» اكتسياسىنىڭ اياسىندا جانە دەمەۋشىلەر مەن قايىرىمدىلىققا جينالعان قاراجات ەسەبىنەن 72 مىڭ وبلىس تۇرعىنىنا 1،1 ملرد تەڭ­گەنىڭ كومەگى كورسەتىلگەن. جال­پى، وبلىستىڭ 400 مىڭ تۇرعىنىنا 21 ملرد تەڭ­گەگە جۋىق الەۋمەتتىك تو­لەم­دەر تولەنگەن. بۇگىنگى تاڭدا حالىق ءۇشىن ماڭىزدى ماسە­لەنىڭ ءبىرى – توتەنشە جاع­داي كەزىندە كوممۋنالدىق قىزمەتتەردىڭ شىعىندارىن وتەۋ بولىپ وتىر. بۇل رەتتە وبلىس اكىمى كوممۋنالدىق قىز­­مەتتەردى وتەۋ جالپى ەسەپ-ەرەجە بويىنشا، ەڭ كەم دە­گەندە 119 مىڭ تۇرعىنعا تو­ل­ە­­نەتىنىن مالىمدەدى. سونداي-اق ب.ساپارباەۆ قور­داي اۋدا­نىن­داعى احۋال بو­يىن­شا دا اقپارات بەردى. «اۋداندا بول­عان توتەنشە جاعداي كەزىندە ماسانشى، بۇلار باتىر جانە اۋقاتتى اۋىلدارىندا 39 تۇرعىن ءۇي مەن 20 كوممەرتسيالىق نىسان تولىق ب ۇلىنگەن بولاتىن. پرەزيدەنت تاراپىنان ازاماتتارعا ءتيىس­تى زاڭ تالاپتارىنا ساي كو­مەك كورسەتۋ تاپسىرىلدى. ارنا­يى كوميسسيا ارقىلى ءاربىر وتباسىنىڭ شىعىنى ەسەپ­تەلىپ، قايىرىمدىلىق قور­­لارىنا دەمەۋشىلىك قارا­جات اۋدارىلدى. اۋىلداردى قايتا قالپىنا كەلتىرۋ جۇ­مىس­تارىن وسى جىلدىڭ تامىز ايىندا اياقتاۋ جوسپارلانىپ وتىر. سونىمەن قاتار ورتاشا دەڭگەيدە زيان كەلتىرىلگەن 103 نىسان دەمەۋشىلەردىڭ كومەگىمەن جوندەلدى. جالپى، قورداي اۋدانىن دامىتۋ اياسىندا قۇرىلىس-جوندەۋ جۇ­مىس­تارىنا بيىلدىڭ وزىندە «جۇمىسپەن قامتۋدىڭ جول كارتاسى» جانە «اۋىل – ەل بەسىگى» سىندى باع­دار­لا­ما­لار اياسىندا قوسىم­شا 20،5 ملرد تەڭگە ءبولىندى»، دەدى.

بريفينگ سوڭىندا ب.ساپار­­باەۆ باستى مىندەت – ىندەت­­تىڭ تارالۋىنا جول بەر­مەۋ، ازاماتتاردىڭ دەن­ساۋ­لى­عىن بارىنشا قورعاۋ ەكەنىن جەتكىزدى. سونىمەن قاتار جەر­گىلىكتى اتقارۋشى جانە قۇ­قىق قورعاۋ ورگاندارى، دەن­ساۋلىق ساقتاۋ ۇيىمدارى تارا­پىنان ىن­دەت­تىڭ الدىن الۋ ءۇشىن قا­بىل­دانىپ جاتقان شارا­لار­عا تۇسىنىستىكپەن قاراپ، كارانتين رەجىمىن بۇزباۋعا شاقىردى. «كوروناۆيرۋس پاندەمياسىنان مىندەتتى تۇردە وتەمىز جانە ءبىزدىڭ الدىمىزدا وبلى­سى­مىزدىڭ دامۋى مەن وركەن­دە­ۋى جولىنداعى قىرۋار جۇ­مىس­تار كۇتىپ تۇر»، دەدى ب.ساپارباەۆ.

 

جامبىل وبلىسى

 

سوڭعى جاڭالىقتار

تاميلانىڭ تارتۋى

ونەر • بۇگىن، 23:00

قارا جولداعى قاتەر

بۇگىن، 22:56

مۋتاتسيالانعان ۆيرۋس

مەديتسينا • بۇگىن، 22:15

جىراۋلىق ونەردىڭ جاناشىرلارى

رۋحانيات • بۇگىن، 21:56

Big Tech كومپانيالارىنىڭ قارجىلىق ماسەلەسى

باعدارلامالار • بۇگىن، 21:30

ۇستازى جاقسىنىڭ ۇستامى جاقسى

رۋحانيات • بۇگىن، 18:30

بالقاشتا قار جاۋىپ جاتىر

اۋا رايى • بۇگىن، 15:48

ۇقساس جاڭالىقتار