الەم • 28 مامىر، 2020

حالىقارالىق رەيستەرگە بيلەت ساتۋ شەكتەلمەيدى - اۆياتسيا كوميتەتى

30 رەت كورسەتىلدى

ازاماتتىق اۆياتسيا كوميتەتى حالىقارالىق باعىتتارعا اۋە بيلەتتەرىنىڭ ساتىلىمى تۋرالى حابارلادى.

اۋە كومپانيالارى مەن دەلدالداردىڭ سايتتارىندا حالىقارالىق باعىتتارعا بيلەتتەر ساتىلىپ جاتقانى تۋرالى اقپاراتقا بايلانىستى ۇشۋلار باستالار الدىندا بىرنەشە ايعا ساتۋدىڭ الەمدىك تاجىريبەسىنە ساي حالىقارالىق رەيستەرگە بيلەت ساتۋ رەتتەلمەيتىنىن جانە شەكتەلمەيتىنىن حابارلايمىز.

وسىعان بايلانىستى ەلىمىزگە كەلەتىن نەمەسە ەلىمىزدەن ۇشاتىن حالىقارالىق باعىتتار بويىنشا اۋە بيلەتتەرىن ساتۋ جانە ساتىپ الۋ حالىقارالىق رەيستەردىڭ قايتا باستالعانىن بىلدىرمەيدى جانە جولاۋشىعا تاڭداپ الىنعان باعىت جانە رەيس كۇنى بويىنشا ۇشۋعا كەپىلدىك بەرمەيدى.

حالىقارالىق باعىتتار بويىنشا تۇراقتى جولاۋشىلار رەيستەرىن قايتا باستاۋ ەپيدەميولوگيالىق جاعدايعا، قازاقستان مەن شەت ەلدەردىڭ مەملەكەتتىك شەكاراسىنان ءوتۋ شەكتەۋلەرىنە، cونداي-اق مەملەكەتتەردىڭ ۆيزالىق تالاپتارىنا بايلانىستى انىقتالادى.


​حالىقارالىق اۋە قاتىناستارىن قايتا باستاۋ تۋرالى شەشىمدى قازاقستان رەسپۋبليكاسى اۋماعىندا كوروناۆيرۋستىق ينفەكتسيانىڭ پايدا بولۋى مەن تارالۋىنا جول بەرمەۋ جونىندەگى ۆەدومستۆوارالىق كوميسسيا قر دەنساۋلىق ساقتاۋ مينيسترلىگىنىڭ ۇسىنىمدارىن، سونداي-اق شەت مەملەكەتتەر تاراپىنان كەلىپ-كەتۋگە قويىلعان شەكتەۋلەردى الىپ تاستاۋىنا بايلانىستى قابىلدايدى.

سوڭعى جاڭالىقتار

NASA مارسكا قامداندى

تەحنولوگيا • كەشە

ۇقساس جاڭالىقتار