پارلامەنت • 28 مامىر، 2020

سەناتورلار پارلامەنتتىك وپپوزيتسيا ماسەلەلەرى بويىنشا تۇزەتۋلەردى قابىلدادى

10 رەت كورسەتىلدى

پالاتا توراعاسى ماۋلەن اشىمباەۆتىڭ توراعالىق ەتۋىمەن قازاقستان رەسپۋبليكاسى پارلامەنتى سەناتىنىڭ وتىرىسى ءوتتى. وتىرىس بارىسىندا دەپۋتاتتار «قازاقستان رەسپۋبليكاسىنىڭ پارلامەنتى جانە ونىڭ دەپۋتاتتارىنىڭ مارتەبەسى تۋرالى» قازاقستان رەسپۋبليكاسىنىڭ كونستيتۋتسيالىق زاڭىنا تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ كونستيتۋتسيالىق زاڭى مەن «قازاقستان رەسپۋبليكاسى پارلامەنتiنiڭ كوميتەتتەرi مەن كوميسسيالارى تۋرالى» قازاقستان رەسپۋبليكاسىنىڭ زاڭىنا پارلامەنتتىك وپپوزيتسيا ماسەلەلەرى بويىنشا وزگەرىس پەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىن قاراپ، قابىلدادى. بۇل تۋرالى سەناتتىڭ ءباسپاسوز قىزمەتى حابارلادى.

اتالعان زاڭ جوبالارى پرەزيدەنت ق.ك.توقاەۆتىڭ پارلامەنتتىك وپپوزيتسيا ينستيتۋتىن قالىپتاستىرۋ تۋرالى تاپسىرماسىن ورىنداۋ ماقساتىمەن ازىرلەنگەن بولاتىن.

سەنات توراعاسى ۇلتتىق قوعامدىق سەنىم كەڭەسىنىڭ ەكىنشى وتىرىسىندا مەملەكەت باسشىسى ساياسي رەفورمالاردىڭ العاشقى توپتاماسىن جاريا ەتكەنىن اتاپ ءوتتى.

«بۇگىن ءبىز پرەزيدەنتتىك رەفورمالار اياسىندا ازىرلەنگەن ماڭىزدى ەكى زاڭ جوباسىن قابىلدادىق. سوعان سايكەس ەلىمىزدەگى دەموكراتيالىق ۇردىستەردى ءارى قاراي دامىتۋ ماقساتىندا قولدانىستاعى زاڭناماعا «پارلامەنتتىك كوپشىلىك» جانە «پارلامەنتتىك وپپوزيتسيا» ۇعىمدارى ەنگىزىلىپ وتىر. زاڭمەن ماجىلىسكە سايلاناتىن پارلامەنتتىك وپپوزيتسيا دەپۋتاتتارىنىڭ وكىلەتتىكتەرى جانە ولاردىڭ جۇمىسىن قامتاماسىز ەتۋ تەتىكتەرى ناقتى ايقىندالدى. مەملەكەت باسشىسىنىڭ ۇسىنىسىمەن قابىلدانعان جاڭا زاڭنامالىق نورمالار ەلىمىزدە پارلامەنتتىك وپپوزيتسياعا كەپىلدىكتى قامتاماسىز ەتەدى جانە قازاقستانداعى پارلامەنتاريزمدى دامىتۋ ءۇشىن جاڭا مۇمكىندىكتەر اشادى دەپ سەنەمىز»، – دەدى ماۋلەن اشىمباەۆ.

زاڭ جوباسىنا سايكەس پارلامەنت ماجىلىسىندە دەپۋتاتتىق مانداتتاردىڭ كوبىنە يە بولعان ساياسي پارتيا نەمەسە ساياسي پارتيالار – پارلامەنتتىك كوپشىلىك بولىپ سانالادى.

ال پارلامەنتتىك كوپشىلىككە ەنبەيتىن، الەۋمەتتىك-ەكونوميكالىق، قوعامدىق-ساياسي ماسەلەلەر بويىنشا سول كوپشىلىككە قاراعاندا وزگە پوزيتسيا ۇستاناتىن ماجىلىستەگى ساياسي پارتيا نەمەسە ساياسي پارتيالار «پارلامەنتتىك وپپوزيتسيا» دەپ تۇسىنىلەدى.

پارلامەنتتىك وپپوزيتسيا جەكەلەگەن ماسەلەلەر بويىنشا پارلامەنتتىك كوپشىلىكتى قولداۋى دا مۇمكىن. زاڭ بويىنشا پارلامەنت ءماجىلىسىنىڭ رەگلامەنتىندە كوزدەلگەن تارتىپپەن ءبىر سەسسيا ىشىندە كەمىندە ءبىر رەت پارلامەنتتىك تىڭداۋ وتكىزۋگە باستاما جاساۋعا دا قۇقىلى بولادى.

سونىمەن بىرگە، ساياسي پارتيا فراكتسيالارىنىڭ باسشىلارىنا، ال ولار بولماعان جاعدايدا نە ولاردىڭ ۋاكىلەتتىك بەرۋىمەن ساياسي پارتيا فراكتسيالارىنىڭ وكىلدەرىنە پارلامەنت پالاتالارىنىڭ بىرلەسكەن وتىرىستارىندا، ءماجىلىستىڭ جالپى وتىرىستارىندا، تۇراقتى كوميتەتتەردىڭ، جۇمىس توپتارىنىڭ وتىرىستارىندا، پارلامەنتتىك تىڭداۋ مەن وزگە دە ءىس-شارالاردا ءسوز سويلەۋ قۇقىعىنا زاڭمەن كەپىلدىك بەرىلەدى.

قۇجاتتىڭ نەگىزگى ماقساتى – پارلامەنتتىك وپپوزيتسيانىڭ قۇقىقتىق نەگىزدەرىن ىسكە اسىرۋ. زاڭ جوباسىنىڭ مىندەتتەرى:

  • پارلامەنتتىك وپپوزيتسيا قۇقىقتارىن ىسكە اسىرۋ;
  • پارلامەنت ءماجىلىسىنىڭ تۇراقتى كوميتەتىنىڭ توراعاسى، سونداي-اق تۇراقتى كوميتەتىنىڭ حاتشىلارى لاۋازىمدارىنا پارلامەنتتىك وپپوزيتسيادان دەپۋتاتتاردىڭ سايلانۋىنا كەپىلدىك بەرۋ.

زاڭعا سايكەس، پارلامەنتتىك وپپوزيتسيا ءوز دەپۋتاتتارىنىڭ اراسىنان پارلامەنت ءماجىلىسى تۇراقتى كوميتەتىنىڭ توراعاسى لاۋازىمىنا كانديداتۋرالار ۇسىنۋعا قۇقىلى. پارلامەنت ماجىلىسىندەگى تۇراقتى كوميتەتتەردىڭ ءبىرىنىڭ توراعاسى پارلامەنتتىك وپپوزيتسيادان (ول بار بولسا) ۇسىنىلعان دەپۋتاتتاردىڭ اراسىنان سايلانادى.

ودان باسقا، زاڭ جوباسى ارقىلى پارلامەنتتىك وپپوزيتسياعا ءوز دەپۋتاتتارىنىڭ اراسىنان ماجىلىستەگى تۇراقتى كوميتەتتەردىڭ حاتشىلارى لاۋازىمىنا كانديداتۋرالار ۇسىنۋ قۇقىعى بەرىلەدى. پارلامەنت ماجىلىسىندەگى ەكى تۇراقتى كوميتەتتىڭ حاتشىلارى پارلامەنتتىك وپپوزيتسيادان (ول بار بولسا) ۇسىنىلعان دەپۋتاتتار اراسىنان سايلانادى.

وسى رەتتە پارلامەنتتىك وپپوزيتسيا دەپۋتاتتارىنان سايلانعان كوميتەت توراعاسى مەن حاتشىلارى ءارتۇرلى كوميتەتتەرگە سايلاناتىنىن اتاپ وتكەن ءجون.

سونىمەن قاتار وتىرىستا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە تۇرعىن ءۇي باعدارلامالارى وپەراتورلارىنىڭ سانىن قىسقارتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ ەكى وقىلىمدا قابىلداندى.

زاڭ جوباسى مەملەكەت باسشىسىنىڭ تاپسىرماسى بويىنشا ازىرلەنگەن بولاتىن. قۇجات ارقىلى بىرقاتار زاڭنامالىق اكتىلەرگە وزگەرىستەر مەن تولىقتىرۋلار ەنگىزىلدى.

وندا تۇرعىن ءۇي باعدارلامالارى بويىنشا جۇمىس ىستەپ تۇرعان «قازاقستان يپوتەكالىق كومپانياسى»، «بايتەرەك دەۆەلوپمەنت» جانە «تۇرعىن ءۇي قۇرىلىسىنا كەپىلدىك بەرۋ قورى» وپەراتورلارىن تۇرعىن ءۇي قۇرىلىسىنىڭ بىرىڭعاي وپەراتورىنا بىرىكتىرۋ كوزدەلگەن.

قۇجات قۇرىلىس سالاسى سۋبەكتىلەرىن ىنتالاندىرۋدى قامتاماسىز ەتۋگە، يپوتەكالىق كرەديتتەۋدى ودان ءارى دامىتۋعا، تۇرعىن ءۇي قۇرىلىسى وپەراتورىنىڭ قىزمەتىن وڭتايلاندىرۋعا، جۇمىس ىستەپ تۇرعان وپەراتورلاردىڭ اكىمشىلىك شىعىستارىن ازايتۋدىڭ ەسەبىنەن بيۋدجەت قاراجاتىن ۇنەمدەۋگە باعىتتالعان.

بۇل رەتتە قۇرىلىس سالاسىنداعى سۋبەكتىلەرگە قولداۋ كورسەتۋدى، سونداي-اق، تۇرعىن ءۇيدىڭ قولجەتىمدىلىگىن قامتاماسىز ەتۋدى بىرىڭعاي وپەراتور جۇزەگە اسىرادى.

زاڭ جوباسىنىڭ قابىلدانۋى ەلىمىز حالقىن ساپالى جانە جايلى تۇرعىن ۇيمەن قامتاماسىز ەتۋگە ارنالعان مەملەكەتتىك باستامالاردى ودان ءارى ىسكە اسىرۋعا، ونىڭ ىشىندە قۇرىلىس سالاسىنا قولداۋ كورسەتۋگە، تۇرعىن ءۇي نارىعىنداعى جانە يپوتەكالىق كرەديتتەۋدەگى سۇرانىس پەن ۇسىنىستىڭ تەڭگەرىمدى ءوسۋى ءۇشىن جاعداي جاساۋدى قامتاماسىز ەتۋگە مۇمكىندىك بەرەدى.

سونداي-اق، وتىرىس بارىسىندا سەناتور ولگا پەرەپەچينا كاپيتالدى سىرتقا شىعارۋ ماسەلەلەرىنە قاتىستى، ال سەناتور دينار نوكەتاەۆا ارالاس (وقىتۋ ءتىلى بويىنشا) مەكتەپتەردىڭ جۇمىسى جونىندە دەپۋتاتتىق ساۋالدار جولدادى.

سوڭعى جاڭالىقتار

سىر قامىسىنا سىرتتان سۇرانىس بار

ەكونوميكا • بۇگىن، 07:00

بايىتۋ فابريكاسى بوي كوتەرەدى

تەحنولوگيا • بۇگىن، 06:58

سىرتقى ساۋدا قاشان ارتادى؟

ەكونوميكا • بۇگىن، 06:56

«بىلەۋلى» ءھام «اناعا تاعزىم»

رۋحانيات • بۇگىن، 06:54

كارانتين فينتەحتى دامىتادى

تەحنولوگيا • بۇگىن، 06:50

الىس اۋىلدارعا ينتەرنەت جەتتى

تەحنولوگيا • بۇگىن، 06:45

NASA مارسكا قامداندى

تەحنولوگيا • كەشە

ۇقساس جاڭالىقتار