ءتارتىپ ساقشىلارى مەن ەرىكتىلەر كوروناۆيرۋس ينفەكتسياسىنىڭ تارالۋىن بولدىرماۋ ءۇشىن سانيتارلىق نورمالاردى مۇلتىكسىز ساقتاۋ قاجەتىن حالىققا ءتۇسىندىرۋ جۇمىستارىن جالعاستىرۋدا.
ەرىكتىلەر سانيتارلىق نورمالاردى ساقتاماۋ ەلوردادا كارانتين رەجيمىن الىپ تاستاۋ ۋاقىتىن كەيىنگە قالدىرۋى مۇمكىن ەكەنىن تۇسىندىرۋمەن عانا شەكتەلمەي, تۇرعىندارعا ماسكا تاراتۋدا. كۇن سايىن پوليتسيا دەپارتامەنتىنىڭ قىزمەتكەرلەرى مەن ەرىكتىلەردەن تۇراتىن ءموبيلدى توپتار اۋلالاردى, قوعامدىق ورىنداردى, ساياباقتاردى جاياۋ پاترۋلدەيدى.
ء«بىزدىڭ ەلىمىزدە بەيبىتشىلىك بولسىن, بارشاڭىزعا زور دەنساۋلىق تىلەيمىن. كوروناۆيرۋس ينفەكتسياسىن بىرلەسىپ جەڭەمىز», – دەيدى ماسكا العان قالا تۇرعىنى.
قالا تۇرعىندارى ءوزى مەن جاقىندارىنىڭ دەنساۋلىعىنا جاۋاپكەرشىلىكپەن قاراۋعا ءتيىس. سانيتارلىق تالاپتار مەن گيگيەنا ەرەجەلەرىن ساقتاۋ – ۆيرۋستىڭ تارالۋىنا قارسى كۇرەستىڭ ەڭ دۇرىس ءادىسى. كۇندەلىكتى ءومىر ىرعاعىنا ورالۋ ەلوردانىڭ ءاربىر تۇرعىنىنا تىكەلەي بايلانىستى. سونىمەن قاتار ءتارتىپ ساقشىلارى ماسكا كيۋ رەجيمىن, الەۋمەتتىك قاشىقتىقتى جانە كارانتين تالاپتارىن قاتاڭ ساقتاۋعا شاقىردى.
