وسى جىلعى 22 ءساۋىردىڭ تۇنىندە بەلگىسىز ادام جالاعاش اۋدانى اققۇم اۋىلدىق وكرۋگى تۇرعىنىنىڭ مال قوراسىنان 600 000 تەڭگە تۇراتىن ءبىر باس جىلقىنى ۇرلاپ, وقيعا بولعان جەردەن بوي تاسالاعان. پوليتسەيلەر جۇرگىزگەن جەدەل ىزدەستىرۋ شارالارىنىڭ ناتيجەسىندە 25 ءساۋىر وسى وقيعاعا قاتىسى بار دەگەن كۇدىكپەن 38 جاستاعى وبلىس تۇرعىنى ۇستالدى. ونىڭ باسقا دا قىلمىستارعا قاتىستىلىعىن تەكسەرۋ كەزىندە بىلتىر جەلتوقساندا قىزىلوردا قالاسىندا بولعان مال ۇرلىعىنىڭ اۋىر ساناتتاعى ەكى دەرەگىنە, بيىلعى جىلدىڭ باسىنداعى تاعى ءبىر ۇرلىققا قاتىستىلىعى انىقتالدى.
بارلىق دەرەكتەر بويىنشا قر قىلمىستىق كودەكسىنىڭ 188-1-بابى 3-بولىگىنىڭ 2-تارماعىمەن سوتقا دەيىنگى تەرگەپ-تەكسەرۋ امالدارى جۇرگىزىلىپ جاتىر. قازىر كۇدىكتى كىناسىن مويىنداپ, جالاعاش اۋداندىق پوليتسيا ءبولىمىنىڭ ۋاقىتشا ۇستاۋ اباقتىسىنا قاماققا الىندى.
– وبلىس كولەمىندە بيىل ءتورت ايدا 153 مارتە مال ۇرلىعى تىركەلىپ, وتكەن جىلمەن سالىستىرعاندا 3,8 پايىزعا تومەندەدى. وبلىس بويىنشا جىل باسىنان بەرى مال ۇرلىعىمەن اينالىسقان 59 قىلمىسكەر ۇستالىپ, ولار جاساعان 72 قىلمىس دالەلدەنىپ, ءتيىستى شەشىم قابىلداندى. سونىمەن قاتار, 13 قىلمىستىق توپ قۇرىقتالىپ, ولاردىڭ 45 رەت مال ۇرلاعانى بەلگىلى بولدى, ونىڭ 38-ءى اۋىر تۇردەگى قىلمىس. جەرگىلىكتى اتقارۋشى ورگاندارمەن بىرلەسىپ, مال شارۋاشىلىعىمەن اينالىساتىن تۇرعىندارعا مالداردى تاڭبالاۋ, سىرعالاۋ ماسەلەلەرى بويىنشا ۇگىت-ناسيحات جۇمىستارى جۇرگىزىلىپ جاتىر. تۇراقتى نەگىزدە تۇنگى رەيدتىك ءىس-شارالار وتكىزىلەدى, – دەپ اتاپ ءوتتى وبلىستىق پوليتسيا دەپارتامەنتى باسشىسىنىڭ ورىنباسارى سەرىك شالقاروۆ.
