چەمپيونات توقتاتىلعانعا دەيىنگى جاعدايعا كەلسەك, جارىس كەستەسىنىڭ الدىڭعى لەگىندە قوس كوماندا ۇزەڭگى قاعىستىرىپ كەلەدى. ولار – «يۋۆەنتۋس» پەن «لاتسيو». 26 كەزدەسۋدەن كەيىن تۋريندىك كلۋب 63 ۇپاي جيسا, ريمدىكتەردىڭ ولاردان ءبىر ۇپايى كەم. ءۇشىنشى ورىندا – «ينتەر». 54 ۇپايدى قورجىنعا سالعان ميلاندىقتاردىڭ باستى قارسىلاستارىنان ءبىر ويىنى كەم. «اتالانتا» (25 ويىن, 48 ۇپاي) مەن «روما» (26 ويىن, 45 ۇپاي) كلۋبتارى دا ۇزدىك بەستىكتىڭ قاتارىندا.
ال كوش سوڭىندا «برەشيا» (26 ويىن, 16 ۇپاي) مەن «سپال» (26 ويىن, 18 ۇپاي). سونداي-اق, «لەچچە» مەن «دجەنوانىڭ» دا جاعدايى ءماز ەمەس. ايتۋلى قوس كوماندا 25 ۇپايدان ەنشىلەۋدە.
ءبىراز ۋاقىتقا سوزىلعان ۇزىلىستەن كەيىن 13 ماۋسىمدا جالاعاساتىن جارىستىڭ كەزەكتى تۋرىندا مىنا كوماندالار ءوزارا شەبەرلىك بايقاسادى: «اتالانتا» – «ساسسۋولو», «ينتەر» – «سامپدوريا», «تورينو» – «پارما» جانە «ۆەرونا» – «كالياري». ال قالعان ۇجىمدار 20 ماۋسىمدا جاسىل الاڭعا شىعادى.
