«وزدەرىڭىزگە بەلگىلى توتەنشە جاعداي كەزىندە كوپتەگەن جۇمىس ورىندارى توقتادى. ياعني, ءبىزدىڭ تۇرعىندار ۋاقىتشا جۇمىسسىز قالدى. «جۇمىلا كوتەرگەن جۇك جەڭىل» دەمەكشى قوعام بولىپ وسى سىننان ءوتىپ كەلەمىز. پرەزيدەنتتىڭ تاپسىرماسىنا سايكەس ۋاقىتشا جۇمىسسىز قالعان ازاماتتارعا ەڭ تومەنگى جالاقى مولشەرىندە قاراجات بەرىلدى. 42500 تەڭگە كولەمىندەگى العاشقى تولەم 270 مىڭ ادامعا بەرىلدى. مامىر ايىندا قوسىمشا 130 مىڭنان استام ازاماتقا بەرىلدى. جالپى العاندا 20 ملرد تەڭگە وسى ماقساتقا ءبولىندى», - دەدى ا. كولگىنوۆ.
قالا اكىمىنىڭ ايتۋىنشا, از قامتىلعان وتباسىلارعا تيىستىك الەۋمەتتىك كومەك كورسەتىلدى.
«43 مىڭ از قامتىلعان وتباسى 50 مىڭ تەڭگەدەن كومەك الدى. وعان 2 ملرد 100 ملن تەڭگەدەن استام قاراجات جۇمسالدى. بۇل – بيۋدجەتتەن تىس قاراجات. سونىمەن قاتار, 34 مىڭ وتباسىعا ازىق-ت ۇلىك كومەگى بەرىلدى. مەملەكەتتىك الەۋمەتتىك كومەك 4,5 مىڭ از قامتىلعان وتباسىنىڭ بالالارىنا بەرىلدى. اتاۋلى الەۋمەتتىك كومەكتى 3,5 مىڭ وتباسى الدى», - دەدى ەلوردا اكىمى.
