بۇعان دەيىن وقۋ ورنىندا «وركەندەۋ» جوباسى قولعا الىنعان بولاتىن. ماقسات – جاس ۇرپاقتىڭ بويىندا وتباسىلىق قۇندىلىقتاردى قالىپتاستىرۋ جانە ونى دامىتۋ. جوبا شەڭبەرىندە «اتا مەكتەبى», «اجە مەكتەبى», «اكە مەكتەبى», «انا مەكتەبى», «اعا مەكتەبى» جانە «جەڭگە مەكتەبى» سىندى تاربيە مەكتەپتەرى قۇرىلىپ, بۇگىندە ولار ەلىمىزدىڭ مەكتەپتەرىندە بىرنەشە باعىت بويىنشا جۇمىس ىستەۋدە.
ونلاين فورماتتا ۇيىمداستىرىلعان سەمينار بارىسىندا اتالعان باستاما اياسىندا اتقارىلعان ىستەردىڭ ناتيجەلەرى ەكشەلىپ, الداعى جوسپارى تالقىلاندى. ەكى بولىمنەن تۇرعان جيىننىڭ العاشقى كەزەڭىندە «وركەندەۋ» جوباسىنىڭ ماڭىزى ايتىلدى.
وندا ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ الەۋمەتتىك-مادەني دامۋ جونىندەگى پرورەكتورى, اتالعان جوبانىڭ عىلىمي كەڭەسشىسى ديحان قامزابەك ۇلى, اتالمىش جوعارى وقۋ ورنىنىڭ پروفەسسورى قاديشا قادىرقىزى, ى. التىنسارين اتىنداعى ۇلتتىق ءبىلىم اكادەمياسىنىڭ اعا عىلىمي قىزمەتكەرى بولات باقىتبەك ۇلى, «جاس ۇلان» بىرىڭعاي بالالار مەن جاسوسپىرىمدەر ۇيىمىنىڭ ءتورايىمى دينارا تايباسارقىزى, قىزدار ۋنيۆەرسيتەتىنىڭ ونەر جانە مادەنيەت فاكۋلتەتىنىڭ دەكانى ساراش قوڭىرباەۆا, ءبىلىم بەرۋدى جاڭعىرتۋ ورتالىعىنىڭ يننوۆاتسيا ءبولىمىنىڭ باسشىسى روزا اقپانقىزى, نۇر-سۇلتان قالالىق جاستار ساياساتى باسقارماسىنىڭ باسشىسى داۋلەت كارىبەك, «Nur Otan»پارتياسىنىڭ «Jas Otan»جاستار قاناتى توراعاسىنىڭ كەڭەسشىسى انيا مەيىرقىزى جانە قىزپۋ-دىڭ «رۋحاني جاڭعىرۋ» جوبالىق كەڭسەسىنىڭ ۇيلەستىرۋشىسى گاۋحار بايتاشوۆا تاقىرىپ توڭىرەگىندە پىكىر الماستى.
ال ەكىنشى بولىمدە الماتى وبلىسىنداعى مەكتەپ ديرەكتورلارى مەن مۇعالىمدەرى جوبانىڭ العاشقى ناتيجەلەرىن ساراپقا سالىپ, باياندامالار جاسادى. سونىمەن قاتار ونلاين باسقوسۋعا مەكتەپ وقۋشىلارى دا قاتىسىپ, سىنىپ دەڭگەيىندە «وركەندەۋ» جوباسىنىڭ جۇزەگە اسىرىلۋى تۋراسىندا ءوز ويلارىمەن ءبولىستى. اتاپ ايتقاندا, نۇر-سۇلتان قالاسىنداعى № 68 مەكتەپ-گيمنازياسىنىڭ 7-سىنىپ وقۋشىسى كارينا جولداسقاليەۆا بۇل باستامانىڭ جاستار اراسىندا ۇلتتىق قۇندىلىقتاردى اسپەتتەۋگە ءھام دارىپتەۋگە تيگىزىپ وتىرعان ۇلەسىن اڭگىمەلەدى.
– «وركەندەۋدىڭ» باستى ماقساتى – وسكەلەڭ ۇرپاققا بالا تاربيەسىندەگى اتا-انانىڭ الاتىن ورنىنىڭ ەرەكشە ەكەندىگىن جەتە ۇعىندىرۋ, جانۇياداعى اتا-انا مەن بالا اراسىنداعى قارىم-قاتىناستى نىعايتۋ جانە وتباسى مۇشەلەرى اراسىنداعى قايىرىمدىلىق, باۋىرمالدىق سىندى قۇندىلىقتاردى قالىپتاستىرۋ.ء بىلىم ۇيالارىندا ۇيىمداستىرىلعان تاربيە مەكتەپتەرى وزىق سالت-ءداستۇردى تالداپ ءتۇسىندىرىپ جانە ونى دارىپتەۋدى ۇيرەتۋدىڭ العاشقى باسپالداعىنىڭ قالانۋىنا نەگىز بولدى. باستاما وتباسى ينستيتۋتىنداعى تاربيەنى بۇگىنگى مەكتەپ تاربيەسىمەن ۇشتاستىرا جولعا قويدى دەپ تولىق سەنىممەن ايتا الامىز. تاربيە باستاۋى مەكتەپتەن باستاۋ الاتىندىعىن ەسكەرەتىن بولساق, بۇل شارا ءوز جەمىسىن بەرەدى دەگەن ويدامىز, – دەيدى قازاق ۇلتتىق قىزدار پەداگوگيكالىق ۋنيۆەرسيتەتىنىڭ ءباسپاسوز جانە قوعاممەن بايلانىس ءبولىمىنىڭ باسشىسى جاندار اسان.
ونىڭ ايتۋىنشا, بۇعان دەيىن جوبا ەلىمىزدىڭ بىرنەشە وڭىرىندەگى مەكتەپتەردە تانىستىرىلعان بولاتىن.
سونداي-اق ءبىلىم ۇيالارىندا قىزدار ۋنيۆەرسيتەتىنىڭ وقىتۋشىلارىنىڭ قاتىسۋىمەن « ۇلى بابالاردان تاعىلىم» اتتى تاريحي-تانىمدىق شارالار سەرياسى دا ۇيىمداستىرىلدى. اتاپ ايتقاندا, مەكتەپتەردە «اتا مەكتەبى» جانە «اكە مەكتەبى» باعىتتارى بويىنشا «ۇل تاربيەسى – ۇلت تاربيەسى», «اكەشىم – اسقار تاۋىم», «اجە مەكتەبى» باعىتى بويىنشا «قىز تاربيەسى – ۇلت تاربيەسى», «تۋعان جەر» باعىتى بويىنشا «وتان مەنىڭ كىشى وتباسىم», «اجە مەكتەبى», «انا مەكتەبى» باعىتتارى بويىنشا «جەڭگەممەن وتكىزگەن ءبىر كۇنىم» تاقىرىبىنداعى تاربيە ساباقتارى جانە «زەردە» باعىتى بويىنشا «ونەگە وتباسىنان باستالادى» اتتى ينتەللەكتۋالدى بايقاۋلار دا وتكەن بولاتىن.
ايتا كەتەيىك, «ۇلتتىق تاربيە – قۇندىلىق باستاۋى» تاقىرىبىنداعى رەسپۋبليكالىق سەمينار «Jas Otan»جاستار قاناتى, قازاق ۇلتتىق قىزدار پەداگوگيكالىق ۋنيۆەرسيتەتى, رەسپۋبليكالىق «جاس ۇلان» بىرىڭعاي بالالار مەن جاسوسپىرىمدەر ۇيىمى مەن «الداسپان» قورىنىڭ ۇيىتقى بولۋىمەن ۇيىمداستىرىلدى.
الماتى
