تاراپتار ءبىرىن-ءبىرى ورازا ايت مەرەكەسىمەن قۇتتىقتاپ, زور دەنساۋلىق پەن تولاعاي تابىس, ال باۋىرلاس قازاقستان مەن تۇركيا حالىقتارىنا باق-بەرەكە تىلەدى.
نۇرسۇلتان نازارباەۆ پەن رەجەپ تايپ ەردوعان الەمدەگى كوروناۆيرۋس پاندەمياسى جاعدايىن تالقىلاپ, بۇل جاھاندىق داعدارىستى ءساتتى ەڭسەرۋ ءۇشىن حالىقارالىق كۇش-جىگەردى بىرىكتىرۋدى قولدادى.
اڭگىمە سوڭىندا تاراپتار ەكى ەل اراسىنداعى ستراتەگيالىق ىنتىماقتاستىقتى ودان ءارى تەرەڭدەتۋگە جانە كەڭەيتۋگە قىزىعۋشىلىق ءبىلدىردى.
تەلەفون ارقىلى سويلەسۋگە تۇركيا تاراپى باستاماشى بولدى.
