بارلىق وڭىرلەردەگى جوبالىق باستامانىڭ قىزمەتى تۇرمىستىق سىبايلاس جەمقورلىقتى جويۋعا, مەملەكەتتىك قىزمەتتەر الۋ كەزىندە قولايلى جاعدايلار جاساۋعا جانە قوعامدىق باقىلاۋ تەتىكتەرىن پارمەندى ىسكە اسىرۋدى قامتاماسىز ەتۋگە باعىتتالعان.
اگەنتتىكتىڭ پاراساتتىلىق دەپارتامەنتىنىڭ ديرەكتورى عانيجان اسان ۇلى جوبانىڭ ەل اۋقىمىنداعى نەگىزگى ناتيجەلەرىن بايانداپ, كەز كەلگەن مەملەكەتتىك ورگاننىڭ قىزمەتىن باعالاۋداعى ازاماتتار سەنىمىنىڭ باستى تالاپ ەكەنىن اتاپ ءوتتى.
تالقىلاۋ بارىسىندا مەملەكەتتىك مەكەمەلەردى ترانسفورماتسيالاۋدىڭ جانە مەملەكەتتىك ورگانداردىڭ قوعاممەن ءوزارا ارەكەتتەستىگى قاعيداتتارىنىڭ ماڭىزدى رولىنە باسا نازار اۋدارىلدى. قازىرگى تاڭدا قازاقستاندا 855 مەملەكەتتىك مەكەمە «open space» فورماتىنا كوشتى, 584 مەكەمە حالىققا كەدەرگىسىز قىزمەت كورسەتۋگە ارنالعان فرونت-كەڭسەلەردى اشتى. ءارتۇرلى دەڭگەيدەگى 253 اكىمدىك ءوز قىزمەتىن سەرۆيستىك ۇلگى نەگىزدەرىنە بەيىمدەدى.
اگەنتتىك مۇنداي تاجىريبەنى ءوز ۇلگىسىمەن كورسەتەدى. دەپارتامەنت قىزمەتكەرلەرىنىڭ اشىق كابينەتتەرىن تاماشالاعان تامارا دۇيسەنوۆا مۇنداي ءتاسىلدىڭ ايقىندىلىق پەن سەنىمگە قولايلى جاعداي جاسايتىنىنا نازار اۋداردى.
استانالىق دەپارتامەنت جانىنداعى «Antıkor Ortalyǵy» سەرۆيستىك ورتالىعىنىڭ قىزمەتى اگەنتتىكتىڭ قوعامدىق ۇيىمدارمەن ءوزارا ءىس-قيمىلىن جانە حالىقپەن ءتيىمدى كەرى بايلانىسىن قامتاماسىز ەتۋگە ارنالعان الاڭ رەتىندە قۇرىلعان.
قوناقتارعا ازاماتتاردى قابىلداۋدىڭ, سونىڭ ىشىندە «Protecting business and Investments» بيزنەستى سىبايلاس جەمقورلىققا قارسى سۇيەمەلدەۋ باعىتى بويىنشا زاماناۋي تەتىكتەرى تانىستىرىلدى. قىزمەتكەرلەر «Antikor.Live» بريفينگتەر مەن تىكەلەي ەفير ستۋدياسىنىڭ جۇمىسى تۋرالى ايتىپ بەردى. كەز كەلگەن ادام سپيكەرلەرگە سۇراق قويا الادى نەمەسە كەڭەس الا الادى.
«استانا – ادالدىق الاڭى» جوبالىق كەڭسەسىنىڭ باسشىسى ميراس شەكەنوۆ اگەنتتىكتىڭ استانالىق اكىمدىكپەن ءتيىمدى ءوزارا ءىس-قيمىلى تۋرالى ايتا كەلە, جوبالىق كەڭسەنىڭ ءىس-شارالارىنىڭ جۇزەگە اسىرىلۋ بارىسىن باياندادى.
مەملەكەتتىك مەكەمەلەردىڭ بيۋدجەت قاراجاتىن جۇمساۋىن ونلاين رەجىمدە قوعامدىق باقىلاۋ مۇمكىندىگىن قامتاماسىز ەتەتىن «اشىق بيۋدجەتتەردىڭ ينتەراكتيۆتى كارتاسى» ەرەكشە قىزىعۋشىلىق تۋدىردى.
كەزدەسۋ قورىتىندىسى بويىنشا ت.دۇيسەنوۆا وڭىرلەردەگى مەملەكەتتىك ورگانداردىڭ اشىقتىعى مەن ايقىندىلىعىن قامتاماسىز ەتۋ, قوعاممەن سىندارلى ىنتىماقتاستاستىق ورناتۋ قاجەتتىگىن اتاپ ءوتتى. ونىڭ ايتۋىنشا, مۇنداي ارەكەتتەستىك كەزىندە ازاماتتىڭ شاعىمدارى سوزبالاڭدىققا سالىنباي جانە ورتالىق مەملەكەتتىك ورگاندارعا امالسىز جۇگىنبەي, جەرگىلىكتى دەڭگەيدە بارىنشا ساپالى قارالۋ قاجەت.
