ايماقتار • 24 مامىر، 2020

شىعىس قازاقستان: التايعا اباي كەلدى

87 رەت كورسەتىلدى

قازىردىڭ وزىندە قالا تۇرعىندارى اباي اتامىزدىڭ بەينەسى مەن التاي قالاسىنىڭ جازۋ بەدەرلەنگەن اۋماققا ايرىقشا قىزىعۋشىلىق تانىتىپ، سۋرەتكە ءتۇسىپ جاتقان كورىنەدى.  

وسىدان ەكى جىل بۇرىن التاي اتاۋىن يەلەنگەن شاعىن شاھار جىلدان جىلعا كوركەيىپ كەلەدى. قازىر قالادا اباتتاندىرۋ، كوگالداندىرۋ جۇمىستارى قارقىن العان. جاقىندا التاي قالاسىنداعى كوپ قاباتتى ۇيلەردىڭ ءبىرىنىڭ قابىرعاسىنا اباي قۇنانباي ۇلىنىڭ بەينەسى سالىندى. تۋىندى اۆتورلارى – كاتونقاراعايلىق سۋرەتشىلەر امانگەلدى يسابەكوۆ پەن قۋانىش ادىلبەك.

ا

«مەنىڭ باستامام بويىنشا التاي قالاسىنداعى تۇرعىن ءۇيدىڭ سىرتقى قابىرعاسىنا الەمگە ايگىلى قازاق اقىنى جانە اعارتۋشىسىنىڭ ستريت-ارت ستيلىندەگى سۋرەتى بەينەلەندى. بۇل ونەر تۋىندىسى اقىنعا ايرىقشا قۇرمەت ءھام سىيلاستىق بەلگىسى رەتىندە ابايدىڭ 175 جىلدىعىنا وراي العاش رەت اۋدان تۇرعىندارىنىڭ نازارىنا ۇسىنىلىپ وتىر» دەيدى التاي اۋدانىنىڭ اكىمى قاليحان بايعونىسوۆ.

سونىمەن قاتار «جۇمىسپەن قامتۋدىڭ جول كارتاسى» باعدارلاماسى اياسىندا التاي قالاسىنداعى قايىپوۆ پەن گوركي كوشەلەرىنىڭ قيىلىسىنا شاھاردىڭ اتى جازىلعان كونسترۋكتسيا ورناتىلىپتى. اۋدان اكىمىنىڭ باستاماسىمەن اۋدان ورتالىعىنا العاش رەت قويىلعان كونسترۋكتسيا ماڭى اباتتاندىرىلىپ، كوگالداندىرىلىپ، ويۋ-ورنەك بەينەسىندە شامدار قويىلىپ، جاياۋ جۇرگىنشىلەر جولى سالىنىپتى. قازىردىڭ وزىندە قالا تۇرعىندارى اباي اتامىزدىڭ بەينەسى مەن التاي قالاسىنىڭ جازۋ بەدەرلەنگەن اۋماققا ايرىقشا قىزىعۋشىلىق تانىتىپ، سۋرەتكە ءتۇسىپ جاتقان كورىنەدى.  

 شىعىس قازاقستان وبلىسى،

التاي قالاسى

سوڭعى جاڭالىقتار

شىرقاۋ شىڭى شوقاننىڭ

رۋحانيات • كەشە

ۇقساس جاڭالىقتار