قىزىلوردا وبلىسى قارماقشى اۋداندىق پروكۋراتۋراسى تەكسەرىس بارىسىندا وسىنداعى «دوستىق جەر مك» جشس قىزمەتكەرلەرىنىڭ جالاقى جونىندەگى قارىزدارى تولەنبەي وتىرعانىن انىقتاپ, وسىعان بايلانىستى شارا قولداندى. بۇل تۋرالى وبلىستىق پروكۋراتۋرانىڭ ءباسپاسوز قىزمەتى حابارلادى.
«اتاپ ايتقاندا, «دوستىق جەر مك» جشس تاراپىنان سەرىكتەستىكتە جۇمىس اتقاراتىن 240 قىزمەتكەرگە بيىلعى جىلعى تامىز ايىنىڭ 8 692 000 تەڭگەلىك جالاقى قارىزى بار ەكەنى انىقتالدى. وسىلايشا ەڭبەك كودەكسىنىڭ 134-بابى 1-بولىگىنىڭ تالابى بۇزىلعان», - دەلىنگەن حابارلامادا.
سوندىقتان اۋداندىق پروكۋراتۋرا اتالعان 240 قىزمەتكەرگە دەرەۋ ارادا تيەسىلى جالاقىلارىن تولەۋ ماقساتىندا زاڭدىلىقتى بۇزۋشىلىقتاردى جويۋ تۋرالى ۇيعارىم ەنگىزدى. ۇيعارىمنىڭ قارالۋ ناتيجەسىمەن «دوستىق جەر مك» جشس-دە جۇمىس اتقاراتىن 240 قىزمەتكەردىڭ تيەسىلى 8 692 000 تەڭگە جالاقىلارىنىڭ تولەنۋى قامتاماسىز ەتىلدى.
قۇرىش نۇرىمبەت.
