«اسا قامقور ەرەكشە مەيىرىمدى اللانىڭ اتىمەن باستايمىن! بارلىق ماقتاۋ اللاعا ءتان. ارداقتى پايعامبارىمىز مۇحاممەدكە اللانىڭ سالاۋاتى مەن سالەمى بولسىن!
قادىرلى وتانداستار! بارشامىزدى ورازا ايتىنا امان-ەسەن جەتكىزگەن اللاعا سانسىز شۇكىرلەر بولسىن! سىزدەردى ءيسى مۇسىلماننىڭ ۇلىق مەيرامى – ورازا ايتتىڭ كەلۋىمەن شىن جۇرەكتەن قۇتتىقتايمىن! قاسيەتتى رامازاننىڭ اياقتالعانىن بىلدىرەتىن مەيرامدا, جۇرەككە مەيىرىم, قۋانىش سەزىمى ۇيالايتىن ساۋلەلى ساتتە سىزدەرگە, وتباسىلارىڭىزعا رياسىز نيەتپەن اللانىڭ اماندىعى مەن بەرەكەسىن تىلەيمىن. جاراتقان جار بولسىن!
اللا تاعالا وتىز كۇن بويى ۇستاعان ورازامىزدى, جاساعان دۇعامىزدى, ورىندى سەبەپتەرمەن اۋىز بەكىتە الماي قالعان جانداردىڭ قايىرلى امالدارىن قابىل ەتكەي! ءامين!
«ايت» ءسوزى – «مەرەكەلەۋ», «حال سۇراسۋ», ء«بىر-ءبىرىن قۋانتۋ», «قۋانىشقا توپتالۋ», «قارىمتا» دەگەن ماعىنانى بىلدىرەدى. جاراتۋشى جاببار يەمىز: «...ولار مەن ءۇشiن ورازا ۇستادى, مەنiڭ پارمەنiممەن اۋىز اشتى, ەندi قۋانىشقا كەنەلسiن...» – دەپ ءسۇيىنشى حابار جەتكىزگەن.
جاراتۋشى يەمىز بارشا قاۋىمنىڭ قۋانىشىن ارتتىرعاي! ورازا ايت – وتباسىلىق مەرەكە. مەيرام كۇنى سىيلىق بەرىپ, قۋانىشقا بولەۋ – ساۋاپتى ءىس. كومەككە مۇقتاج ادامعا قايىرىمدىلىق جاساۋ دا ساۋابى مول امالدىڭ ءبىرى», دەلىنگەن قۇتتىقتاۋدا.
