ەلوردانىڭ يۋۆەنالدى پوليتسەيلەرى ەرىكتىلەرمەن بىرگە قوعامدىق ورىنداردا تۇنگى ۋاقىتتا بالالاردىڭ زاڭدى وكىلدەرىنسىز ءجۇرۋىن انىقتاۋدا. رەيدتەر كامەلەتكە تولماعاندار اراسىنداعى قۇقىق بۇزۋشىلىقتىڭ الدىن-الۋ مەن ەسكەرتۋ, كامەلەتكە تولماعانداردىڭ اتا-انالارى مەن زاڭدى وكىلدەرىنىڭ جاۋاپكەرشىلىگىن ارتتىرۋ ماقساتىندا جۇرگىزىلۋدە.
«ەسىل اۋدانىنىڭ يۋۆەنالدى پوليتسيا قىزمەتكەرلەرى مامىر ايىنىڭ 18-ءشى جۇلدىزىندا تۇنگى ساعات 03.00 شاماسىندا ەلوردالىق كومپيۋتەر كلۋبىنىڭ بىرىنەن 10 جاسار بالانى انىقتاعان. اتالعان فاكتى بويىنشا, بالانىڭ اتا-اناسىمەن پروفيلاكتيكالىق اڭگىمە جۇرگىزىلدى. سونىمەن قاتار كومپيۋتەر كلۋبىنىڭ اكىمشىسى اكىمشىلىك جاۋاپكەرشىلىككە تارتىلدى», – دەلىنگەن ەلوردالىق پوليتسيا دەپارتامەنتىنىڭ ءباسپاسوز قىزمەتىنىڭ حابارلاماسىندا.
تىيىم سالىنعانىنا قاراماستان, جۇمىسىن توقتاتپاعان كلۋب يەسىنە قاتىستى ماتەريالدار اۋدان پروكۋراتۋراسى مەن اكىمدىگىنە جىبەرىلدى.
