قوعام • 22 مامىر، 2020

سارباز قايتتى ساعىنىش ارقالاعان...

262 رەت كورسەتىلدى

ەلىمىزدەگى توتەنشە جاعداي رەجىمى كەزىندە ەل تاريحىندا العاش رەت مەرزىمدى اسكەري قىزمەتكە شاقىرىلعان ساربازداردىڭ زاپاسقا شىعا­رىلۋى كەيىنگە قالدىرىلعان بولاتىن. الايدا رەجىم اياقتالعاننان كەيىن بۇل شەشىم ءوز كۇشىن جويىپ، دۇيسەنبىدەن باس­تاپ وتكەن جىلى كوكتەم­دە شاقىرىلعان جاۋىنگەرلەر ءوز ۇيلەرىنە ارنايى ەشەلوندارمەن جىبەرىلۋدە.

بۇعان دەيىن قازاقستان قارۋ­لى كۇشتەرى باس شتابىنىڭ ۇيىم­داس­تىرۋ-جۇمىلدىرۋ جۇمىستارى دەپار­تامەنتىنىڭ باستىعى پولكوۆ­نيك ساكەن ءجۇسىپوۆ باق وكىل­دەرىنە بەرگەن سۇحباتىندا ەلىمىز­دىڭ «اسكەري قىزمەت جانە اسكەري قىزمەتشىلەردىڭ مارتەبەسى تۋرالى» زاڭىنا سايكەس، قارۋلى كۇشتەردىڭ جاۋىنگەرلىك ازىرلىگىن قولداۋ ماق­ساتىندا توتەنشە جاع­داي كە­زىن­دە زاپاسقا شىعارىلۋى توق­تا­تىلعانىن مالىمدەگەن بو­لا­­تىن. بۇل شەشىم مەملەكەتى­مىزدىڭ تاريحىندا العاش رەت قا­بىل­دانىپ وتىرعانىن، ءارى ازا­مات­تارىمىزدىڭ قاۋىپسىزدىگىن قام­تاماسىز ەتۋگە باعىتتالعانىن بايان­داعان ەدى.

ەلورداداعى ءبىرىنشى تەمىر جول ۆوكزالىندا ساربازداردى شىعا­رىپ سالۋ راسىمىنە ءبىز دە كۋا بول­دىق. بۇل جۇمىستى باس اسكەري كو­لىك باسقارماسى جولاۋشىلار تاسى­مالى اكتسيونەرلىك قوعامىمەن بىرلەسىپ اتقارىپ وتىر. 130-عا جۋىق جاۋىنگەر ءمىنىپ، نۇر-سۇل­تان – قىزىلوردا باعىتىن بەتكە العان 4 ۆاگوندى ارنايى ەشەلون جولاي قاراعاندى قالاسىندا، شۋ ستانساسىندا، تاراز، شىمكەنت قالالارىندا تاعى 400 ساربازبەن تولىعادى. ساربازدار سانى كوبەيگەن كەزدە قوسىمشا ۆاگوندار قوسىلادى. ال الماتى باعىتىنا اتتانعان ساربازدار جولدا باسقا پويىزعا وتىرعىزىلماق ويدا.

– ەلىمىزدە كوروناۆيرۋس پان­دەمياسىنىڭ تارالۋىن الدىن الۋ ماقساتىنداعى ءتيىستى شەكتەۋلەرگە بايلانىستى جولاۋشى پويىزدارى توقتاپ تۇر. وسى سەبەپتى قورعانىس ءمينيسترى مەرزىمدى قىزمەتتەن زاپاس­قا شىعارىلعان اسكەري قىز­مەتشىلەردى تۇرعىلىقتى مەكەن جاي­لارىنا تەمىر جول كولىگىمەن تاسىمالداۋ تۋرالى شەشىمى شىقتى. تاسىمالداۋ كەزىندە اسكەري ءتار­تىپتى جانە سانيتارلىق تالاپتاردى ساقتاۋعا جاۋاپتى بولىپ اسكەري ەشەلونداردىڭ باستىقتارى مەن اسكەري مەديتسينالىق قىزمەت­شى­لەر تاعايىندالدى، – دەيدى باس اس­كەري كولىك باسقارماسى باس­تى­­­عى­­نىڭ ورىنباسارى قۋانىش كالەنوۆ.

ونىڭ ايتۋىنشا، جولدا ولار­دىڭ قوزعالىسىنا تەمىر جول ۋچاس­كە­سى مەن ستانسالارىنىڭ اسكەري كومەن­دانتتارى باقىلاۋ جاسايدى. وسى­لايشا 18 مامىردان بەرى ەل اۋما­عىندا باس-اياعى 2 مىڭعا تارتا مەر­زىمدى اسكەري قىزمەتشى تۇرعى­لىقتى مەكەنجايلارىنا اتتانىپ ۇلگەردى. بۇل جۇمىس 23 مامىرعا دەيىن جالعاسىپ، بارلىعى 6 مىڭ جاۋىن­گەر ءوز ۇيلەرىنە ورالادى.

– قاراعاندى وبلىسىنان نۇر-سۇل­تان قالاسىنداعى 68665 اسكەري بو­لىمىنە وتان الدىنداعى بورىشىمدى وتەۋگە شاقىرىلدىم. ەڭ الدىمەن، تەمىردەي ءتارتىپتى، ءتوزىمدى بولۋعا تاربيەلەگەن، قو­لىما قارۋ ۇستاتقان كومان­دير­لەرىمە، سەرجانتتارىما، قاسىمدا بول­عان قارۋلاس باۋىرلارىما العىسىمدى بىلدىرەمىن. وسى ءبىر جىلدىڭ كولەمىندە ءبىز ەرجۇرەك ازامات، نامىستى جىگىت، قايراتتى ۇلان بولۋدى ۇيرەندىك. ۇيدە ساعىنا كۇتىپ وتىرعان اكە-شەشەم، باۋىر-قارىنداستارىم بار. تۋعان توپىراعىما ورالعان سوڭ دا وسى اسكەري قىزمەت سالاسىندا ەڭبەك ەتۋدى كوزدەيمىن، – دەيدى زاپاسقا شىققان مەرزىمدى قىزمەتشى ناۋ­رىز­باي ىڭكارباي.

وتكەن سەنبىدەن باستاپ قازاق­ستان قارۋلى كۇشتەرىنىڭ وقۋ ورتالىعىنداعى اسكەري قىزمەت­شىلەر، جاس ماماندار جاڭادان قىز­مەت اتقاراتىن اسكەري بولىم­دەرگە جەتكىزىلدى. 16-17 مامىر كۇن­دەرى تاسىمالدانعان بۇل جاۋىن­گەرلەردىڭ سانى 1 مىڭنان اسىپ جىعىلادى. ەلىمىزدىڭ وڭ­تۇستىك وڭىر­لەرىندە ورنالاسقان بۇل وقۋ ورىن­دارىنىڭ جاس ماماندارى اتىراۋ، ماڭعىستاۋ، اقتوبە، باتىس قازاقستان وبلىس­تارىنا، نۇر-سۇلتان قالاسىنا جىبەرىلدى.

سوڭعى جاڭالىقتار

ەلەنگەن ەرلىك

ايماقتار • بۇگىن، 13:22

قاراشادا كۇن سۋىتادى

اۋا رايى • بۇگىن، 11:59

پنەۆمونيادان تاعى 5 ادام كوز جۇمدى

كوروناۆيرۋس • بۇگىن، 09:35

ۇقساس جاڭالىقتار