ايماقتار • 20 مامىر، 2020

شىعىس قازاقستان: الاكول جاعالاۋىندا سۋ قۇبىرى سالىنادى

183 رەت كورسەتىلدى

جۇمىسشىلاردىڭ 50 پايىزى – جەرگىلىكتى تۇرعىندار.

 «جۇمىسپەن قامتۋدىڭ جول كارتاسى» باعدارلاماسى اياسىندا ءۇرجار اۋدانىندا جالپى سوماسى 5 ميلليارد تەڭگەدەن اساتىن 42 جوبا جۇزەگە اسىرىلۋدا. باعدارلاما شەڭبەرىندە 684 ادامدى جۇمىسپەن قامتۋ جوسپارلانىپ وتىر. ەرەكشە اتاپ وتەرلىگى، ونىڭ 50 پايىزى – جەرگىلىكتى تۇرعىندار.

پ

«ۇلكەن ەكى جوبا الاكول جاعالاۋىندا اتقارىلماق. ءبىرىنشىسى، اۋدانىمىزدىڭ تۋريزم سالاسىن دامىتۋ اياسىندا الاكول جاعالاۋىندا تۋريستەردى تازا اۋىز سۋمەن قامتاماسىز ەتۋ ماقساتىندا سۋ قۇبىرىنىڭ قۇرىلىسى سالىنادى. ەكىنشىسى،  ماقانشى اۋىلىنان كوكتال قوسالقى ستانتسياسىنا دەيىنگى ەلەكتر جەلىسىنىڭ قۇرىلىسى جۇرگىزىلەدى. اتالعان ەكى جوبانى ىسكە اسىرۋ ناتيجەسىندە الاكول جاعالاۋىندا كول ماۋسىمىندا دەمالۋشىلاردى تازا سۋمەن قامتۋ جانە ەنەرگيا قاجەتتىلىگىنە دەگەن قوردالاناعان ماسەلەلەر شەشىلەتىن بولادى. اۆتوكولىك جولدارىن جوندەۋ ءۇشىن 2 جوبا ىسكە اسادى. اۋدان ورتالىعى ءۇرجار اۋىلىنىڭ ينفراقۇرىلىمىن جاقسارتۋ ماقساتىندا 22 كوشەگە جانە ءۇرجار-قىزىلتۋ باعىتىنداعى اۆتوكولىك جولىنا ورتاشا جوندەۋ جۇمىستارى جۇرگىزىلەدى. الەۋمەتتىك سالا دا نازاردان تىس قالمايدى. اۋدان كولەمىندەگى 20 مەكتەپتىڭ عيماراتتارىنا اعىمداعى جوندەۋ جۇمىستارى جاسالادى. مادەنيەت سالاسىندا 11 جوبا ىسكە اسىرىلىپ، 10 اۋىلدا مادەنيەت ۇيلەرى مەن كلۋبتار جانە اۋداندىق ورتالىق كىتاپحانا عيماراتتارىنا اعىمداعى جوندەۋ جۇمىستارى جۇرگىزىلەدى» دەيدى ءۇرجار اۋداندىق ىشكى ساياسات ءبولىمىنىڭ باسشىسى ەلدوس بەيسەنوۆ.

پ

سونىمەن قاتار ەلدى مەكەندەردى اباتتاندىرۋ ماقساتىندا 5 جوبا جۇزەگە اسىرىلىپ، ماقانشى اۋىلىنداعى كوپ قاباتتى تۇرعىن ۇيلەردىڭ اۋلالارى اباتتاندىرىلماق.

گ

ءۇرجار اۋەجايى اۋماعىندا جانە الاكول كولىنىڭ جاعالاۋىندا ستاتسيونارلىق سانيتارلىق-گيگيەنالىق توراپتارى ورناتىلادى، قىزىلتۋ جانە جاڭا-تىلەك اۋىلدارىنا شاعىن-فۋتبول الاڭدارى سالىنادى. دەنە شىنىقتىرۋ جانە سپورت سالاسى بويىنشا ءۇرجار اۋدانىنىڭ بالالار مەن جاسوسپىرىمدەر سپورت مەكتەبى عيماراتىنىڭ شاتىرى اۋىستىرىلىپ فۋتبول الاڭى اعىمداعى جوندەۋدەن وتكىزىلەدى. قازىر وسى جۇمىستاردى جۇزەگە اسىرۋ ءۇشىن 400 ادام جۇمىس ىستەپ جاتقان كورىنەدى.

شىعىس قازاقستان وبلىسى،

ءۇرجار اۋدانى

سوڭعى جاڭالىقتار

وقۋشىلار شىڭدالاتىن وردا

وقيعا • بۇگىن، 07:43

كىسى قىزىعارلىق كۇمىس ەر

رۋحانيات • بۇگىن، 07:41

«بارىستىڭ» باعىتى ايقىن

حوككەي • بۇگىن، 07:33

يتبالىققا «يتتىك» جاسالدى

ايماقتار • بۇگىن، 07:25

التىنساريندە قۇرىلىس قارقىندى

ايماقتار • بۇگىن، 07:11

تويدىڭ بۋى ءھام ماقتان

رۋحانيات • بۇگىن، 07:07

سويلەۋ – اقىلدىڭ ولشەمى

قوعام • بۇگىن، 07:03

جەرى دە، ەلى دە ابىز

رۋحانيات • بۇگىن، 06:57

ازيادا ۇزدىك ۇشتىكتەمىز

سپورت • بۇگىن، 06:45

اكىمدەر ءھام الەۋمەتتىك جەلى

ساياسات • بۇگىن، 06:40

قالدىق نەگە قاجەتسىز؟

ەكولوگيا • بۇگىن، 06:36

«جىرى» بىتپەيتىن جول

قوعام • بۇگىن، 06:32

ۇقساس جاڭالىقتار