بيىل قورىتىندى اتتەستاتتاۋ جانە ءبىلىم الۋشىلاردىڭ ديپلومدىق جۇمىسىن (جوباسىن) قورعاۋ Microsoft teems, ايس «Platonus» پلاتفورمالارىندا, ZOOM, Google class room ارقىلى بەينەبايلانىسپەن ونلاين وتكىزۋ جوسپارلانۋدا. سونداي-اق بارلىق ەمتيحان بەينەجازباعا جازىلادى. بۇل تۋرالى نۇر-سۇلتان قالالىق ءبىلىم باسقارماسىنىڭ ءباسپاسوز حاتشىسى التىناي زارلىققىزى مالىمدەدى.
ونىڭ ايتۋىنشا, قاشىقتان وقۋدىڭ ناتيجەلى بولۋى ماقساتىندا وقۋشىلار مەن پەداگوگتاردىڭ كومپيۋتەر جانە ينتەرنەت جەلىسىمەن قامتىلۋىنا مونيتورينگ جۇرگىزىلگەن.
«مونيتورينگ قورىتىندىسى بويىنشا ءبىلىم باسقارماسىمەن مەكتەپ بالانسىنداعى 7118 كومپيۋتەر كوپبالالى جانە از قامتىلعان وتباسىلاردان 6500 وقۋشىعا جانە 618 پەداگوگكە ۋاقىتشا پايدالانۋعا بەرىلدى. قوسىمشا 2 613 نوۋتبۋك جانە ينتەرنەتپەن قامتۋ ءۇشىن 5 200 فلەش-كارتا ساتىپ الىندى» دەدى التىناي زارلىققىزى.
وسى وقۋ جىلىندا كوللەدجدەردەگى تۇلەكتەر سانى – 6 605 ستۋدەنت, ونىڭ ىشىندە 3 787-ءسى مەملەكەتتىك تاسپىرىسپەن بىتىرەدى. ءبىلىم الۋشىلار مەن وقىتۋشىلار قاجەتتى تەحنيكامەن: كومپيۋتەر, فلەش-كارتا جانە wi-fi روۋتەرمەن قامتاماسىز ەتىلگەن.
ايتا كەتۋ كەرەك, ستۋدەنتتەرگە 1 280 910 تەڭگە كولەمىندە الەۋمەتتىك كومەك كورسەتىلدى. 1000-نان استام اقىلى توپتا وقيتىن ستۋدەنتتەرگە وقۋ اقىسى تولەي الماۋىنا بايلانىستى بيىلعى تامىز ايىنا دەيىن شەگەرىلدى.
